Morgunblaðið - 27.04.2010, Blaðsíða 27

Menning 27FRÉTTIR
MORGUNBLAÐIÐ ÞRIÐJUDAGUR 27. APRÍL 2010
Fólk er almennt mjög
hrifið af henni, bæði
sem tónlistarmanni og per-
sónu 28
»
KAMMERKÓR Reykjavíkur heldur tónleika í
Kristskirkju í kvöld kl. 20:00 þar sem sungin
verður kirkjuleg tónlist. Stjórnandi kórsins er
Sigurður Bragason barítónsöngvari og ein-
söngvarar koma úr röðum kórfélaga.
Sigurður segir að á efnisskránni sé íslensk
og erlend kirkjutónlist sem spannar ansi breitt
aldurssvið því elsta verkið er íslenskur sálmur
frá sextándu öld, reyndar með talsvert yngri
texta, og þau yngstu tveir sálmar eftir Sigurð
sjálfan.
„Ég samdi sálmana fyrir kórinn við ljóð eftir
Jón Arason biskup á Hólum, sem var líflátinn
1550, en hann var mjög gott skáld, þetta eru
óskaplega falleg ljóð,“ segir Sigurður og bætir
við að verkin nái því allt frá kaþólskum sið til
dagsins í dag.
Af öðrum höfundum verka á dagskrá
kvöldsins má nefna Pál Ísólfsson, Þorkel Sig-
urbjörnsson, Atla Heimi Sveinsson og Jakob
Hallgrímsson, en einnig verður flutt kirkju-
tónlist eftir meðal annars Wolfgang Amadeus
Mozart og Franz Liszt. Öll tónlistin er án
undirleiks.
Kammerkór Reykjavíkur var stofnaður
2002 og hefur haldið tónleika víða um land og
einnig farið utan í söngferðir. Sigurður stjórn-
aði honum frá stofnun og fram til 2006 er ann-
ar stjórnandi tók við af honum einn vetur en
síðan lagðist starfsemin af þar til kórinn hóf
aftur starfsemi sl. haust undir stjórn Sigurðar.
„Vegna anna hjá mér kom annar stjórnandi
fyrir mig í eitt ár, en síðan lagðist starfsemin
niður í tvö ár. Kórinn og ég ákváðum svo að
hefja starfsemi aftur síðastliðið haust. Þetta
hefur verið gríðarlega skemmtilegur tími,“
segir hann. Fyrstu tónleikar endurvakins kórs
voru í Skálholti 18. apríl sl. og aðrir tónleikar
síðan í kvöld.
Á dagskránni er svo meðal annars tónleika-
ferð til Ítalíu með íslenska kirkjutónlist vorið
2011, en þá mun kórinn syngja á tveimur tón-
listarhátíðum, annars vegar í Róm og hins-
vegar í Umbríu.
 Íslensk og erlend kirkjutónlist í Kristskirkju
Morgunblaðið/Ernir
Tónleikar Sigurður Bragason stýrir Kammer-
kór Reykjavíkur í Kristskirkju í kvöld.
Óskaplega fallegt
THURSTON
Moore, sem fræg-
ur er fyrir sveit
sína Sonic Youth,
stofnaði bóka-
forlag á síðasta
ári og í byrjun
þessa árs komu
fyrstu bækurnar
svo út. Þegar
hafa komið út
bækur eftir More
sjálfan, Kim Gordon, eiginkonu hans
og bassaleikara í Sonic Youth og
fleiri.
Næsta bók forlagsins, sem heitir
Ecstatic Peace Library, verður svo
bók eftir Yoko Ono sem er þó meira
en bara bók, því hún er líka flug-
dreki. Með bókinni fylgir nefnilega
handgerður eikarrammi og ætlunin
að lesendur taki einhverja síðu bók-
arinnar, festi við rammann og leyfi
síðan að fljúga. Bókin heitir Fly me
og hefur að geyma sjö síður af stök-
um skilaboðum eða leiðbeingum eft-
ir Ono. Hún verður gefin út 1. júlí
næstkomandi í 2.500 eintökum sem
kosta um 12.000 kr. hvert.
Bók tekur
flugið
Bókin er flugdreki
Yoko
Ono
BANDARÍSKA
dagblaðið Los
Angeles Times
veitti árleg bók-
menntaverðlaun
sín sl. föstudag.
Helstu verðlaun
hlaut Rafael Yg-
lesias fyrir bók-
ina A Happy
Marriage. Rithöf-
undurinn Dave
Eggers fékk tvenn verðlaun, annars
vegar fyrir bókina Zeitoun, sem seg-
ir frá sýrlenskum innflytjanda sem
bjó í New Orleans þegar fellibyl-
urinn Katrina lagði borgina í rúst,
og var einnig verðlaunaður sem
frumherji ársins, en slík verðlaun
hafa ekki verið veitt áður. Þau verð-
laun hlaut Eggers fyrir bókmennta-
tímaritið og bókaútgáfuna McSwee-
ney’s og fyrir átak til að auka lestur
fátækra barna.
Þegar Eggers tók við verðlaun-
unum hélt hann ræðu þar sem hann
hafnaði því að bókaútgáfa yrði staf-
ræn: „Heimur okkar er heimur
pappírs, lérefts og líms og bleks og
ef við leggjum natni í fagið mun það
heilla sem hingað til.“
Af öðrum verðlaunahöfum má
nefna að besta sagnfræðiritið telst
Golden Dreams: California in the
Age of Abundance 1950-1963 eftir
Kevin Starr og besta teiknimynda-
saga ársins Asterios Polyp eftir
David Mazzucchelli.
Eggers fær
verðlaun
Dave
Eggers
KVIKMYNDASAFN Íslands
minnist í kvöld 40 ára afmælis
Listahátíðar í Reykjavík með
því að endurtaka hluta kvik-
myndasýningar sem haldin var
á fyrstu Listahátíðinni árið
1970, sem var í eina skiptið
sem kvikmyndasýningar voru
á dagskrá hátíðarinnar. Þá
voru sýndar tvær samsettar
dagskrár þriggja íslenskra
heimildarmynda. Fyrri dag-
skráin samanstóð af myndunum Reykjavík – ung
borg á gömlum grunni eftir Gísla Gestsson, Lax í
Laxá eftir Ásgeir Long og Stef úr Þórsmörk eftir
Ósvald Knudsen. Þessar myndir verða sýndar í
kvöld kl. 20:00 í Bæjarbíói í Hafnarfirði.
Kvikmyndir
Þrjár íslenskar
heimildarmyndir
Ásgeir
Long
LISTASAFN Reykjavíkur og
Tríó Reykjavíkur hafa staðið
fyrir röð ókeypis hádegistón-
leika á Kjarvalsstöðum undan-
farið og er komið að næstu tón-
leikum sem verða á miðviku-
dagskvöld. Þá verða flutt tvö
þekkt tríó og dúett fyrir selló
og píanó; Sígaunatríóið eftir J.
Haydn, 1. þáttur úr Tríói í B-
dúr eftir Beethoven, Erki-
hertogatríóinu, og Elegia eftir
G. Fauré, sem Gunnar Kvaran sellóleikari og Pé-
ter Maté píanóleikari leika, en auk þeirra skipar
Guðný Guðmundsdóttir fiðluleikari Tríó Reykja-
víkur. Tónleikarnir hefjast kl. 12:15 og standa í
um 45 mínútur.
Tónlist
Hádegistónleikar
Tríós Reykjavíkur
Gabriel
Fauré
Í HÁDEGINU í dag, frá kl.
12:15-12:45, leikur Douglas
Brotchie, organisti Háteigs-
kirkju í Reykjavík, fjölbreytta
barokktónlist á Wegscheider-
orgel Hafnarfjarðarkirkju.
Tónleikunum var aflýst í mars
vegna veikinda. Douglas valdi
efnisskrána sérstaklega með
tilliti til hljóms hljóðfærisins
sem er í upprunalegum þýsk-
um mið-átjándu aldar stíl.
Á efnisskránni eru verk eftir Otto Olsson, Jo-
hann Pachelbel, Georg F. Kaufmann, Johann
Caspar Kerll og Georg Muffat.
Douglas Brotchie er fæddur í Skotlandi en hef-
ur búið hér í aldarfjórðung.
Tónlist
Barokk í Hafnar-
fjarðarkirkju
Douglas
Brotchie
Eftir Einar Fal Ingólfsson
efi@mbl.is
SIGURÐUR Árni Sigurðsson myndlistarmaður bar sigur
úr býtum í samkeppni um útilistaverk við nýjan skóla í Suð-
ur-Frakklandi, í borginni Loupian. Verkið nefnist L’Eloge
de la Nature, Hylling náttúrunnar.
Samkeppnin var opin fyrir alla mynd-
listarmenn. Um 80 tóku þátt og úr þeim
hópi voru valdir þrír sem fengu greitt
fyrir að útfæra tillögur sínar. Í Frakk-
landi eru lög um listskreytingasjóð, rétt
eins og hér, og á eitt prósent af bygging-
arkostnaði að renna í listaverk fyrir op-
inberar byggingar.
„Þetta hefur því miður ekki alltaf
gengið upp hér á landi og það virðist
jafnvel fara eftir áhuga arkitektanna
hvort þeir ganga eftir því að þessum
reglum sé framfylgt,“ segir Sigurður Árni. „Fyrir allar op-
inberar byggingar á að skapa verk og oft hefur það gengið
upp, en of oft er það ekki raunin. Í Frakklandi heitir þessi
regla „Eitt prósent“ og er ófrávíkjanleg. Ég hef áður hug-
leitt að taka þátt í samkeppni en hef ekki gert það, þátttakan
er flókin. Þetta er sambærilegt við það þegar arkitektar
taka þátt í samkeppnum; mikil vinna fer í tillögugerð.“
Fólk sem finnur lausnir á öllu
Sigurður Árni hefur áður unnið stórt umhverfislistaverk,
en hann er höfundur Sólöldu á stöðvarhúsi Sigölduvirkj-
unar. Þá er hann ýmsum hlutum kunnugur í frönsku listalífi;
hann var þar við nám, er hjá góðu galleríi í París og kennir
við listaháskólann í Montpellier. Hann fékk sérfræðinga þar
í landi til að vinna með sér að útfærslu verksins fyrir skólann
í Loupian.
„Þegar ég var kominn í „undanúrslitin“ þurfti ég að full-
vinna hugmyndina, auk þess að gera kostnaðaráætlun og
svara ótal spurningum,“ segir hann. „Ég fékk því í lið með
mér skrifstofu sem sérhæfir sig í að aðstoða myndlistar-
menn við gerð stærri verka. Hver sem miðillinn er, hvers-
konar hugmynd þetta er, þá starfar þar fólk sem finnur
lausnir á öllu og er með verkfræðinga, arkitekta og allskyns
sérfræðinga á sínum snærum. Ég legg hugmynd í hendur
þeirra og saman reynum við að efnisgera það sem ég er með
í kollinum. Það var gaman fyrir mig að upplifa þetta ferli,
það þurfti að vera miklu nákvæmara en ég hef nokkru sinni
upplifað hér á landi.“
Skólinn er byggður á vistvænan hátt; til að mynda er stór
hluti þaksins sólarrafhlöður. Sigurður Árni segir úrlausnir í
byggingunni tengjast ýmsu sem hann hefur fengist við í
myndlistinni.
„Það má skoða verkið sem kennslutæki. Við verkið öðlast
maður tilfinningu fyrir tímanum, árstíðunum, staðsetningu
sólarinnar og halla jarðar,“ segir hann.
Verk um tímann og sólina
 Sigurður Árni sigraði í samkeppni um útilistaverk við skóla í Frakklandi
 Skoða má verkið sem kennslutæki  Nákvæmara ferli en hann hefur kynnst
Sól og skuggi Ein af útlitsteikningum listamannsins. Steypti veggurinn varpar skugga sem
er nær níu metrar á hádegi á stysta deginum í Suður-Frakklandi. Við jafndægur fellur ljós-
keilan hringlaga á mósaíkverk.
Sigruður Árni
Sigurðsson
Verk Sigurðar Árna verður
annaðhvort sett upp á skóla-
lóðinni, eins og sést á þessari
tölvugerðu mynd, eða í garð-
inum við skólann Collége de
Loupian. Veggurinn er steypt-
ur, 3,80 m á hæð. Hann varpar
skugga sem er 1,38 metra
langur á hádegi þegar sólin er
hæst á lofti en tæplega níu
metrar á stysta degi ársins. Áletraðir brons-
renningar á jörðinni marka lengsta og stysta
skuggafallið. Við jafndægur að vori og hausti
myndar sólargeislinn sem fellur um gatið á
veggnum hreinan hring á jörð-
inni. Hringurinn lýsir þá upp
mósaíkplatta í bronshring sem
er felldur í jörðina. Í bronsinu
má lesa staðsetningu verksins
í gráðum auk tímasetningar
og um horn sólar.
Í Loupian eru frægar minjar
frá tímum Rómverja, m.a.
mósaíkgólf, og mósaíkin vísar
til þeirrar sögu. Fyrirhugað er að nem-
endur skólans skapi nýtt verk á plattann á
fjögurra ára fresti. Mósaík verður einnig
innan í gatinu á veggnum.
Skugginn er tæpir níu metrar þegar sól er lægst á lofti