Morgunblaðið - 27.04.2010, Blaðsíða 9

MORGUNBLAÐIÐ ÞRIÐJUDAGUR 27. APRÍL 2010
ÍSLENSK stjórn-
völd eiga að biðja
Kanadamenn um
aðstoð vegna
samninga í sam-
bandi við Icesave
og ganga helst frá
málum áður en
gengið verður til
kosninga í Bret-
landi 6. maí nk.
Þetta kom fram í máli Donalds K.
Johnsons á þingi Þjóðræknisfélagsins
í Norður-Ameríku, sem fram fór í To-
ronto í Kanada um helgina. Donald
Johnson gerði Icesave-deiluna að um-
talsefni sínu og sagði að Kanadamenn
gætu aðstoðað Íslendinga í efnahags-
málum á tvennan hátt. Í fyrsta lagi
með því að kynna fyrir þeim skipu-
lagningu bankamála í Kanada sem
þeir gætu síðan tekið upp. Í öðru lagi
með því að tala máli Íslendinga við
Gordon Brown, forsætisráðherra
Bretlands.
Donald Johnson sagði að íslensk
stjórnvöld ættu að setja sig í sam-
band við kanadíska áhrifamenn og
biðja þá um að aðstoða sig í deilunni.
Hann nefndi sérstaklega Paul Mart-
in, fyrrverandi forsætisráðherra
Kanada, sem hefði átt langt og gott
samband við Gordon Brown, og Roy
MacLaren, sem gegndi lykilhlutverki
við gerð fríverslunarsamningsins
milli Kanada og Íslands.
steinthor@mbl.is
Ísland leiti
til Kanada
Don Johnson
SVEIT Grant Thornton sigraði með
miklum yfirburðum á Íslandsmótinu
í brids sem lauk sl. sunnudagskvöld á
Hótel Loftleiðum. Sveitin varði titil
sinn, hlaut samtals 290 stig úr 14
leikjum eða tæplega 21 stig að með-
altali í leik.
Í sigursveitinni spiluðu bræðurnir
Oddur og Hrólfur Hjaltasynir,
Sveinn R. Eiríksson, Ómar Olgeirs-
son, Magnús E. Magnússon og Sig-
urbjörn Haraldsson.
Tólf sveitir hófu leik á fimmtudag
og varð fljótt ljóst að sigursveitin
hafði nokkra yfirburði yfir aðrar
sveitir og leiddi mótið frá upphafi.
Eftir fyrri hluta úrslitanna voru
það sveitir Hf. verðbréfa, Málningar
og VÍS sem höfðu unnið réttinn í
lokaúrslitin en svo miklir voru yfir-
burðir Grant Thornton fyrir lokaorr-
ustuna að sigur þeirra var nánast
tryggður.
Lokastaðan:
Grant Thornton 290
Hf. Verðbréf 252
Málning hf. 213
VÍS 206
Að öðrum ólöstuðum voru Magnús
E. Magnússon og Sigurbjörn Har-
aldsson menn mótsins en þeir urðu
efstir í svokölluðum Butler-útreikn-
ingi, bæði í undanúrslitum og úrslit-
um.
Þeir félagar eru mjög sagnharðir
og hafa gárungar það á orði að vænta
megi sagna frá þeim oftar en ekki í
hverju spili. Það sé einungis rólegt
yfir þeim þegar þeir séu á hættu með
skiptinguna 3-3-3-4 og innan við 5
punkta.
Keppnisstjóri var Vigfús Pálsson.
Ólöf Pálsdóttir frkvstj. afhenti verð-
laun í mótslok.
Morgunblaðið/Arnór
Miklir yfirburðir Sigurvegararnir í Íslandsmótinu í sveitakeppni en keppninni lauk um helgina. F.v.: Magnús E.
Magnússon, Hrólfur Hjaltason, Oddur Hjaltason, Ómar Olgeirsson, Sigurbjörn Haraldsson og Sveinn R. Eiríksson.
Yfirburðasigur Grant Thornton
BRIDS
Umsjón Arnór G.
Ragnarsson| norir@mbl.is
ÖKUMAÐUR hlaut sex mánaða
fangelsisdóm í Héraðsdómi Suður-
lands þann 21. apríl sl. Kæruna fékk
hann fyrir að keyra próflaus og að
hafa framvísað í blekkingarskyni öku-
skírteini, sem búið var að svipta hann.
Í ökuferilsskrá mannsins eru skráð
185 umferðarlagabrot frá 1. júní 1995
til 1. apríl 2010.
Í dómi Héraðsdóms Suðurlands
kemur fram að maðurinn hafi verið
sviptur ökurétti í eitt ár frá 12. júlí
2009 til 12. júlí 2010. Þegar maðurinn
var sviptur ökuskírteininu á sínum
tíma hafi hann sagst vera búinn að
týna því.
Maðurinn virðist hafa fundið skír-
teinið aftur því þegar lögreglan hugð-
ist kanna ökuréttindi hans á Þorláks-
hafnarvegi 19. mars sl. framvísaði
hann ökuskírteininu.
Hann játaði brot sín greiðlega.
Hann bar sér til málsbóta að hann
hefði verið að redda íbúð í Reykjavík
fyrir fyrrverandi sambýliskonu sína.
Í dóminum kemur fram að mann-
inum hafi þrettán sinnum verð gerð
refsing fyrir margvísleg brot frá
árinu 2001. Um er að ræða fjöldann
allan af umferðarlagabrotum og brot-
um gegn almennum hegningarlögum.
Hefur oft ekið próflaus
Honum var nú refsað í sjöunda sinn
frá árinu 2003 fyrir að aka próflaus.
Þá var honum refsað í þriðja sinn fyr-
ir brot gegn 1. málsgrein 157. greinar
almennra hegningarlaga sem er svo-
hljóðandi:
„Noti maður ófalsað skjal svo sem
það varðaði annan mann en þann, sem
það á við, eða með öðrum hætti gagn-
stætt því, sem til var ætlast, og þetta
er gert til þess að blekkja með því í
lögskiptum, þá varðar það sektum
…1) eða fangelsi allt að 6 mánuðum.“
Samkvæmt ökuferilsskrá eru
skráð brot mannsins, þar sem vá-
tryggingaskylda er vanrækt, níu tals-
ins.
Hinn dæmdi var fyrst sviptur öku-
rétti með dómi í desember 2002.
Hann hefur samtals verið sviptur
ökuréttindum í 31 mánuð með fimm
dómum. Hann hafði fyrir síðasta dóm
sex sinnum fengið refsingu fyrir að
aka án ökuréttinda, samtals fyrir
þrettán slík brot.
„Með vísan til brotaferils ákærða
þykir einsýnt að það skipti hann litlu
hvort hann hafi ökuréttindi eða ekki,“
segir í dóminum, sem Ástríður
Grímsdóttir héraðsdómari kvað upp.
Maður framdi 185 umferð-
arlagabrot á 15 árum
EKKI er fyrir-
hugað að fresta
nauðungarupp-
boðum lengur en
til loka október
nk. Þetta kemur
fram í vilja-
yfirlýsingu ríkis-
stjórnarinnar til
AGS og Stein-
grímur J. Sigfús-
son, fjármála-
ráðherra, staðfesti það á Alþingi í
gær. Hann sagði þá staðreynd hafa
legið lengi fyrir og kæmi fram í
frumvarpi um frestunina. Sigurður
Kári Kristjánsson, þingmaður Sjálf-
stæðisflokks, spurði ráðherra út í
málið og hvort holskefla af nauð-
ungarsölum yrði í október og heim-
iliseigendur settir „út á guð og
gaddinn“. Steingrímur sagði það
hafa verið ljóst að fyrirkomulagið
yrði ekki til langrar framtíðar.
Uppboðum ekki
frestað lengur
Steingrímur J.
Sigfússon
www.feminin.is • feminin@feminin.is
Bæjarlind 4, Kópavogi • sími 544 2222
Str. 38-56
Bolir og
toppar
Bæjarlind 6, sími 554 7030
Eddufelli 2, sími 557 1730
www.rita.is • Opið kl. 10-18
Flottar kvartbuxur
frá
Bómullarbolur á
4.500 kr.– margir litir
Str. 36 - 56
Laugavegi 63 • S: 551 4422
Gardeur
gæðabuxur
Ferðafélag íslands • www.fi.is • fi@fi.is • Sími 568 2533
Undraheimar Fjallabaks
– myndir úr nýrri árbók
Á næsta myndakvöldi Ferðafélags Íslands 28. apríl n.k.
mun Ólafur Örn Haraldsson forseti félagsins sýna ljósmynd-
ir úr væntanlegri árbók FÍ 2010.
Bókin fjallar um Torfajökulssvæðið og Fjallabak og er óhætt að segja að
þetta heillandi svæði verði sýnt í nýju ljósi í þessari árbók sem Ólafur
Örn hefur skrifað og er væntanleg í hendur félagsmanna í maímánuði.
Flestar myndanna í bókinni hefur Daníel Bergmann ljósmyndari tekið en
á ljósmyndasýningunni á miðvikudaginn mun einnig
bregða fyrir fjölmörgum eldri myndum sem sýna
uppbyggingarstarf og ferðir á svæðinu umhverf-
is Landmannalaugar í áratugi.
Samkoman hefst stundvíslega kl. 20.00 í sal
Ferðafélagsins í Mörkinni 6. Aðgangseyrir
er kr. 600 og kaffiveitingar í hléi.