Morgunblaðið - 29.05.2010, Blaðsíða 4
4 FréttirINNLENT
MORGUNBLAÐIÐ LAUGARDAGUR 29. MAÍ 2010
Önundur Páll Ragnarsson
onundur@mbl.is
„Ég lagði ekkert að henni í þessu
máli. Hún tók þessa ákvörðun sjálf
og ég tel að hún hafi gert það af mik-
illi auðmýkt og mikilli reisn,“ segir
Jóhanna Sigurðardóttir forsætisráð-
herra, um afsögn Steinunnar Valdís-
ar Óskarsdóttur, þingmanns Sam-
fylkingarinnar. Steinunn þáði 8,1
milljón króna í styrki fyrir sveitar-
stjórnarkosningarnar 2006 og 4,65
milljónir fyrir þingkosningarnar
2007. Jóhanna segir að ekki hafi
heldur verið lagt sérstaklega að
henni innan þingflokksins.
Aðspurð hvort hið sama gildi
um fleiri þingmenn Samfylkingar-
innar, eins og um Steinunni Valdísi,
segist Jóhanna ekki ætla að setjast í
neitt dómarasæti. Hver og einn verði
að gera upp hug sinn.
Helst hefur nafn Guðlaugs Þórs
Þórðarsonar, þingmanns Sjálfstæð-
isflokksins, borið á góma í öðrum
flokkum en innan Samfylkingarinn-
ar þáði Dagur B. Eggertsson, vara-
formaður og oddviti í Reykjavík, vel
á sjöttu milljón fyrir síðustu borgar-
stjórnarkosningar.
Veit ekki hvað Dagur þáði
„Ég veit ekki nákvæmlega hvað
Dagur þáði af styrkjum. Ég hef nú
ekki heyrt þá svona háa og ég hef nú
sagt það áður að mér finnst að menn
eigi, þegar þeir eru að horfa til borg-
arstjórnarkosninganna áður og
þeirra sem þá þáðu styrki, að menn
ættu að beina sjónum sínum að öðr-
um en okkur. Mér finnst spjótin of
mikið hafa beinst að Samfylking-
unni, á meðan aðrir eru látnir í friði,
meðal annars þeir sem ekki hafa gef-
ið upp, og það finnst mér nú verst,
hverjir gáfu til þeirra kosningabar-
áttu,“ segir Jóhanna.
En hvar á þá að draga mörkin?
„Ég ætla þeim að gera það sjálfir
sem hafa þegið háa styrki. Ég ætla
ekki að setjast í dómarasætið í því
efni, en það eru of margir sem hafa
þegið háa styrki í þessu máli.“
Jóhanna segir mikla eftirsjá að
Steinunni Valdísi. „Ég tel að hún sé
að leggja þarna mjög stórt lóð á vog-
arskálarnar, í endurreisninni það er
að segja, að endurreisa trúverðug-
leika í stjórnmálum,“ segir Jóhanna.
Aðspurð segist hún ekki taka
fylgistapi vinstriflokkanna í borginni
sem ádeilu á störf ríkisstjórnarinnar.
„Það er öllum ljóst að við erum að
starfa í þessari ríkisstjórn við ein-
staklega erfiðar aðstæður. Það hefur
engin ríkisstjórn starfað við jafnerf-
iðar aðstæður og nú og við erum að
taka á erfiðum málum. Nú, það er
ekki neitt skrýtið þó að það, með ein-
um eða öðrum hætti, muni bitna á
þessum sveitarstjórnarkosningum
að ósekju.“ Samfylkingin í Reykja-
vík eigi skilið miklu meira fylgi en
kannanir sýni. Kjósendur ráði hins
vegar ferðinni á kjördag.
Jóhanna sér eftir Steinunni
Jóhanna lagði ekki að Steinunni Valdísi að segja af sér Verst er að aðrir, sem
ekki hafa gefið upp styrki og styrkveitendur sína, séu látnir í friði, segir Jóhanna
„Þetta mun
verða lexía fyrir
marga og við erum
að sjá upphafið að
nýjum tímum í
þessum málum.“
Árlegt kassabílarall frístundaheimila í Vesturbæ
Reykjavíkur fór fram á Ingólfstorgi í gær. Lið
frá fjórum frístundaheimilum kepptu í mörgum
flokkum. Selið tefldi fram hraðskreiðasta bílnum
og sveitir þess sigruðu sjötta árið í röð. Bíll
Undralands var talinn sá flottasti og Skýjaborgir
voru með öflugasta stuðningsmannaliðið en
krakkarnir í Frostheimum fengu klakaverðlaun-
in fyrir að vinna starfsmennina.
Græna þruman á fullri ferð
Morgunblaðið/Ómar
„Það er ekkert frumvarp í smíðum eða uppi á borðunum.
Menn eru bara að skoða þessa stöðu, hvort hægt sé að
setja einhverjar frekari skorður,“ sagði Jóhanna Sigurð-
ardóttir forsætisráðherra í gær, þegar hún ræddi við
blaðamenn eftir ríkisstjórnarfund. Hún sagði málefni
Magma Energy og HS Orku hafa verið „lauslega“ rædd á
fundinum. Ráðherrar iðnaðar- og umhverfismála muni
vinna málið saman áfram.
Í fyrradag sagðist Svandís Svavarsdóttir umhverfis-
ráðherra vilja leggja fram frumvarp þess efnis að einka-
aðilar mættu ekki eiga meira en þriðjungshlut í orkufyr-
irtækjum. Steingrímur J. Sigfússon hefur einnig sagt
flokkinn vera að skoða þau mál.
Jóhanna segir samstarfsflokkinn og einstaka ráðherra
hans geta rætt saman, síðan sé spurning hvað flokkarnir
nái saman um. „Ég hef ekkert á móti því og lýsti því yfir á
þessum fundi að mér fyndist alveg ástæða til að skoða
hvort hægt sé að setja einhverjar frekari skorður við
einkavæðingu á auðlindunum og eignaraðild og nýtingu
útlendinga, en það verða þá að vera málefnaleg sjónarmið
sem ráða ferðinni,“ sagði Jóhanna. Hins vegar yrði erfitt
að gera þetta til að vinda ofan af Magma-málinu. „Menn
hafa verið að skoða það inn í framtíðina. Menn hafa verið
að skoða hvort hægt sé að setja skorður að því er varðar
forkaupsrétt að því er varðar Magma-málið og fleiri
þætti sem að því snúa. Að nýtingin sé ekki til svona langs
tíma, eins og í upphafi var sett. Þetta gæti haft áhrif á
það.“ onundur@mbl.is
Spurningin er hvað flokk-
arnir geta sameinast um
Morgunblaðið/Ómar
Á fundi Jóhanna Sigurðardóttir og Katrín Júlíusdóttir.
Ræddu viðbrögð Svandísar
við Magma-málinu lauslega
Lítil eftirspurn
er eftir lóðum í
grónum hverfum
í Reykjavík. Að-
eins fjögur tilboð
bárust þegar tólf
lóðir voru aug-
lýstar. Þar var af
sami umsækjandi
að tveimur lóðum
þannig að vænt-
anlega fellur
hann frá tilboði í aðra og standa þá
eftir þrjú tilboð.
Fimm lóðir voru auglýstar í
keðjuhúsalengju við Lautarveg,
neðan Sléttuvegar. Lágmarksverð
var ákveðið 12 milljónir á hús. Til-
boð bárust í þrjár lóðanna, á bilinu
12,5 milljónir til 14,5 milljónir. Sami
einstaklingur átti tilboð í tvær lóð-
irnar.
Eitt tilboð barst í staka lóð við
Bauganes, 18,5 milljónir en lág-
marksverð var 18 milljónir.
Ekkert tilboð barst í fimm lóðir
við Blesugróf, Bleikargróf og Jöldu-
gróf, heldur ekki í staka lóð við
Lambasel. helgi@mbl.is
Lóðirnar
rjúka ekki
beint út
Boðið var í þrjár
lóðir í Fossvogi.
Fjögur tilboð í 12 lóð-
ir í grónum hverfum
Átján ára piltur hefur verið úrskurð-
aður í fjögurra vikna gæsluvarðhald
vegna aðildar að fjölda innbrota í
sumarhús í umdæmi lögreglunnar á
Selfossi. Jafnframt hefur verið farið
fram á jafn langt varðhald yfir
tveimur til viðbótar á svipuðum
aldri, en um gengi fjögurra pilta var
að ræða. Sá yngsti, sem er 15 ára,
verður vistaður á Stuðlum fyrir til-
stuðlan barnaverndaryfirvalda.
Piltarnir fjórir eru grunaðir um
innbrot inn í allt að 40 sumarhús í
Grímsnes- og Grafningshreppi og á
Þingvallasvæðinu. Jafnframt eru
sumarhúsaeigendur á svæðinu
hvattir til að huga að húsum sínum
og tilkynna til lögreglu ef brotist
hefur verið inn.
Miklum verðmætum var stolið í
innbrotunum og fundust nokkrir
flatskjáir og ýmsir munir sem rekja
mátti til nokkurra sumarbústaðanna
á dvalarstað elsta piltsins. Að sögn
lögreglu er ljóst að rannsókn verður
umfangsmikil og því mikilvægt að
piltarnir sæti gæsluvarðhaldi.
Fjörutíu inn-
brot á bakinu
Skógarhlíð 18 • sími 595 1000 • www.heimsferdir.is
Birt með fyrirvara um prentvillu. Heimsferðir áskilja sér rétt til leiðréttinga á slíku.
Ath. að verð getur breyst án fyrirvara.
Heimsferðir bjóða frábær tilboð í
14 nátta ferðir til Costa del Sol í
sumar. Í boði er frábær sértilboð
á El Griego, Roc Flamingo og
Puente Real með allt innifalið.
Ath. mjög takmarkaður fjöldi
herbergja í boði á þessum
kjörum. Fyrstur kemur,
fyrstur fær!
Gríptu þetta frábæra tækifæri og
njóttu lífsins í sumar á Costa del
Sol á ótrúlegum kjörum.
8. júní og 22. júní í 14 nætur
Verð frá 119.940 allt innifalið
Costa del Sol
Verð kr. 119.940
Allt innifalið. Ótrúlegt verð.
Netverð á mann, m.v. flug og gistingu fyrir
tvo fullorðna og tvö börn í fjölskylduherbergi
á Roc Flamingo *** eða El Griego *** Mar í
14 nætur. Annað hvort 8 – 22. júní eða
22. júní – 6. júlí.
Verð kr. 138.340
Allt innifalið. Ótrúlegt verð.
Netverð á mann, m.v. flug og gistingu fyrir
tvo fullorðna og tvö börn í fjölskylduherbergi
á Puente Real ***+ í 14 nætur. Annað hvort
8 – 22. júní eða 22. júní – 6. júlí.