Morgunblaðið - 29.05.2010, Blaðsíða 18

18 FréttirINNLENT
MORGUNBLAÐIÐ LAUGARDAGUR 29. MAÍ 2010
Tónlistarskóla Skagafjarðar var
slitið við hátíðlega athöfn í menn-
ingarhúsinu Miðgarði á dögunum.
Alls luku 32 nemendur stigsprófi
þetta vorið og fjórir áfangaprófi.
Góð aðsókn var í skólann en alls
stunduðu 307 einstaklingar tónlist-
arnám þennan skólaveturinn.
Eins og við var að búast var mik-
ið um tónlistarflutning við skólaslit-
in en fram komu barnakór skólans,
Árskóla og Varmahlíðarskóla auk
hinna ýmsu hljómsveita skólans,
svo sem blásarasveitin, strengja-
sveitin, hljómsveit yngri nemenda
frá Hofsósi og harmonikku- og
slagverkssveit frá Varmahlíð.
Þá voru að venju við skólaslit
veitt verðlaun fyrir góðan náms-
árangur úr minningarsjóðum Að-
alheiðar Erlu Gunnarsdóttur frá
Syðra-Vallholti og Jóns Björns-
sonar frá Hafsteinsstöðum.
Kolbjörg Katla Hinriksdóttir og
Eyþór Ingi Traustason hlutu verð-
laun úr sjóði Aðalheiðar Erlu og
Sigvaldi Helgi Gunnarsson úr sjóði
Jóns Björnssonar sem Eiður Guð-
vinsson hefur haft umsjón með. Sá
sjóður er fjármagnaður með sölu
geisladiska með lögum Jóns Björns-
sonar, sem kom út árið 2003 í tilefni
100 ára afmælis tónskáldsins og
kórstjórans. Æ síðan hefur árlega
verið veitt úr sjóðnum til efnilegs
tónlistarfólks í Skagafirði.
Þrír nemendur Tónlistarskóla Skaga-
fjarðar verðlaunaðir með styrkjum
Styrkur Sigvaldi Helgi Gunnarsson
gítarnemandi ásamt Eiði Guðvinssyni.
Bílabúð Benna er 35 ára og heldur upp á tíma-
mótin í dag með afmælishátíð í höfuðstöðvum
fyrirtækisins að Vagnhöfða 23. Þar verður
boðið upp á margvíslega afþreyingu og veit-
ingar fyrir alla fjölskylduna samkvæmt upp-
lýsingum fyrirtækisins. Um leið verða frum-
sýndir nýir bílar frá Chevrolet og Porsche.
„Saga fyrirtækisins er rakin til ársins 1975
þegar stofnandinn, Benedikt Eyjólfsson, hóf
viðgerðir á mótorhjólum við frumstæðar að-
stæður í litlum skúr á Vagnhöfða 23. 1976
fékk fyrirtækið nafnið Vagnhjólið og starfs-
menn voru fjórir. Fyrirtækið varð snemma
brautryðjandi í jeppabreytingum og nafnið
breyttist í Bílabúð Benna. Um það leyti hófst
jafnframt innflutningur á varahlutum og skömmu síðar nýjum bílum. Núna
er Bílabúð Benna umboðsaðili Chevrolet, SsangYong og Porsche á Íslandi,“
segir í fréttatilkynningu. Um helgina verður frumsýndur í Chevrolet-salnum
á Tangarhöfða smábíllinn Spark sem er nútímalega hannaður, fimm manna
borgarbíll og í Porsche-salnum á Vagnhöfða 23 verður frumsýning á annarri
kynslóð Porsche Cayenne. Kynnt verður ný gerð Cayenne, Cayenne S, Ca-
yenne Turbo og Cayenne Diesel. Afmælishátíðin hefst kl. 12 og stendur til kl.
16.
Bílabúð Benna fagnar 35 ára afmæli og
frumsýnir nýja Chevrolet og Porsche
Bílabúð Benna efnir til viðamik-
illar afmælishátíðar.
Hvatning-
arverðlaun Vís-
inda- og tækni-
ráðs fyrir árið
2010 voru afhent
á Rannsókn-
arþingi á
fimmtudag sl.
Dr. Unnur Anna
Valdimarsdóttir,
dósent við lækna-
deild og for-
stöðumaður Miðstöðvar í lýðheilsu-
vísindum við Háskóla Íslands, hlaut
viðurkenninguna að þessu sinni.
Unnur er fædd á Akureyri árið
1972. Hún lauk BA-prófi í sálfræði
frá Háskóla Íslands árið 1996 og
doktorsprófi í klínískri faralds-
fræði frá Karolinska Institutet árið
2003. Árið 2006 var Unnur svo ráð-
in til að leiða nýstofnað framhalds-
nám í lýðheilsuvísindum við Há-
skóla Íslands. Í mati dómnefndar
segir að Unnur hafi á undraskömm-
um tíma byggt upp öfluga stofnun.
Hvatningarverðlaun Vísinda- og
tækniráðs eru veitt vísindamanni
sem snemma á ferlinum hefur skar-
að fram úr. Verðlaunin sem nú eru
tvær milljónir króna, hafa verið
veitt frá árinu 1987.
Unnur Anna Valdimarsdóttir fær Hvatn-
ingarverðlaun Vísinda- og tækniráðs
Unnur Anna Valdi-
marsdóttir
Nú í sumarbyrjun munu kirkjurnar
í Breiðholti hafa frumkvæði að
gönguferðum um Breiðholtið sem
eiga það sameiginlegt að byrja og
enda við kirkju. Þetta er annað árið
í röð sem farið er í slíkar göngur
enda voru góðar viðtökur í fyrra.
Fyrsta gangan verður á morgun,
sunnudag. Gengið verður frá Fella-
og Hólakirkju kl. 10 og gengið að
Breiðholtskirkju. Kl. 11 verður
messað í Breiðholtskirkju og boðið
upp á hressingu að messu lokinni.
Sunnudaginn 6. júní verður gengið
frá Breiðholtskirkju kl. 19 til messu
í Seljakirkju sem byrjar kl. 20. Síð-
asta gangan verður sunnudaginn
13. júní. Þá verður lagt af stað frá
Seljakirkju og gengið til kvöld-
messu í Fella- og Hólakirkju sem
hefst kl. 20. Ekið verður með
göngufólk aftur að þeirri kirkju
þar sem göngurnar hófust þegar
allir hafa þegið hressingu.
Gönguferðir á milli
kirkna í Breiðholti
Í dag, laugardag, kl. 14-17 standa
Háskólinn í Reykjavík og Samtök
leikjafyrirtækja á Íslandi (IGI, Ice-
landic Gaming Industry) fyrir
„leikjadegi“ í húsnæði HR við Naut-
hólsvík. Tilgangurinn er að styrkja
og efla vaxtarmöguleika íslenska
tölvuleikjaiðnaðarins. Flutt verða
stutt erindi um leikjaiðnaðinn og í
lok dags veitir IGI verðlaun fyrir
bestu tölvuleikjahugmyndina.
Morgunblaðið/G.Rúnar
Leikjadagurinn
í húsnæði HR
Sigurður Bogi Sævarsson
sbs@mbl.is
Einar K. Guðfinnsson, þingmaður
Sjálfstæðisflokksins, hefur í bígerð
að leggja fram á Alþingi frumvarp til
laga sem heimila myndi vegagerð
um Teigsskóg í Austur-Barða-
strandarsýslu sem og þverun Djúpa-
fjarðar og Gufufjarðar við mynni
þeirra. Einar vonast til að samstaða
náist um framgang málsins meðal
þingmanna Norðvesturkjördæmis
sem hafa frumvarpsdrögin í skoðun.
Þingmaðurinn kynnti þessa fyr-
irætlan sína á fundi á Patreksfirði á
dögunum. Íbúar á sunnanverðum
Vestfjörðum hafa lengi kallað eftir
vegabótum á þessum slóðum. Í dag
liggur vegurinn yfir Hjallaháls og
Ódrjúgsháls, en sú leið er snjóþung
og vegurinn ekki í samræmi við
kröfur dagsins í dag.
„Vegagerð á þessum slóðum er
brýnasta verk-
efnið í samgöngu-
málum á landinu.
Málið hefur
velkst úr einum
stað í annan í
langan tíma og
nauðsynlegt er að
höggva á hnútinn
og þá er lagasetn-
ing sem myndi
heimila fram-
kvæmdir á þessum slóðum eðlileg-
asta leiðin,“ segir Einar.
Heimamenn í Barðastrand-
arsýslum sameinuðust á sínum tíma
um þá tillögu að vegstæði sem fyrr
er lýst. Fleiri hugmyndir voru í
deiglunni og samþykkti Skipulags-
stofnun eina þeirra en ekki þá að
vegurinn yrði lagður um skóginn og
firðirnir tveir þveraðir. Jónína
Bjartmarz, þáverandi umhverf-
isráðherra, komst hins vegar að ann-
arri niðurstöðu og samþykkti fram-
kvæmdina með tilliti til
umhverfissjónarmiða. Þeim úr-
skurði ráðherrans var hnekkt með
dómi Hæstaréttar.
Til háborinnar skammar
Með tilliti til þessa alls segir Einar
Kr. Guðfinnsson mikilvægt að opna
málið algjörlega upp á nýtt og setja
lög þar sem framkvæmdir fengju
grænt ljós. „Það er algjörlega óvið-
unandi að vegagerð á þessum slóð-
um geti ekki haldið áfram þegar
peningar til verksins eru til staðar. Í
raun er þetta til háborinnar skamm-
ar. Markmið þess frumvarps sem er
hér lagt fram, er að rjúfa þennan
grafalvarlega vítahring og heimila
vegagerðina með lögum,“ segir Ein-
ar. Undirtektirnar segir hann hafa
verið góðar og vonast til að hægt
veri að leggja málið fram nú á vor-
þingi.
Teigsskógur Þingmaðurinn telur veg um Teigsskóg eitt brýnasta verkefnið í samgöngumálum í dag.
Vill vegagerð um Teigsskóg
 Íbúar á sunnanverðum Vestfjörðum kalla eftir vegabótum
 Einar K. vonast eftir samstöðu þingmanna í kjördæminu
Einar K.
Guðfinnsson
ÚR BÆJARLÍFINU
Svanhildur Eiríksdóttir
Reykjanesbær
Hvað á að gera í sumar? heitir
bæklingur sem Reykjanesbær gaf út
nýverið. Þar er að finna upplýsingar
um hvað börnum og unglingum
stendur til boða í sumar. Hægt er að
velja úr góðu úrvali leikja-, íþrótta-
og menningarnámskeiða, s.s. vík-
inganámskeið, sundnámskeið, sport-
námskeið íþróttafélaganna, dans-
námskeið, listaskóla, sumarlestur,
smíðavelli og grænmetisrækt. Í
þessari flóru ættu allir að finna eitt-
hvað við sitt hæfi og einhver nám-
skeiðanna eru gjaldfrjáls.
  
Nýr vettvangur útiveru og
leikja skapaðist í Reykjanesbæ fyrir
skömmu þegar hreystivöllur var
opnaður við hlið Vatnaveraldar.
Völlurinn samsvarar hreystivelli
Skólahreysti og er ekki síður mark-
aðssettur fyrir foreldra en börn. Það
gæti til að mynda verið besta fjöl-
skylduskemmtun að kanna hreysti
fjölskyldunnar áður en haldið er í
sund einhvern góðviðrisdaginn.
  
Framlag Listasafns Reykja-
nesbæjar til Listahátíðar 2010 er
sýningin Efnaskipti eða Metabolism,
sem nú stendur yfir í Listasalnum.
Sýningin er samvinnuverkefni
Listasafnsins og fimm myndlist-
arkvenna, þeirra Önnu Líndal, Guð-
rúnar Gunnarsdóttur, Hildar
Bjarnadóttur, Hrafnhildar Arn-
ardóttur og Rósu Sigrúnar Jóns-
dóttur. Sýningin var opnuð 16. maí
og stendur til 15. ágúst.
  
Í Bíósalnum er annars konar
framlag til Listahátíðar, ljósmyndir
sem teknar voru af grunnskólabörn-
um í Reykjanesbæ í tilefni Barnahá-
tíðar í apríl sl. 113 börn sendu inn 3
ljósmyndir hvert af jafnmörgum við-
fangsefnum og eru myndirnar allar
á sýningunni. Sérstök athygli er
vakin á verðlaunaljósmyndum 8 ljós-
myndara.
  
Fjöldi listgallería hefur sprott-
ið upp í miðbæ Reykjanesbæjar að
undanförnu. Í Gallery 8 eru til sölu
verk eftir jafnmargar lista- og hand-
verkskonur, sem allar eru að vinna
með ólík efni. Magdalena Sirrý de-
sign er hægt að skoða og versla í
Gömlu búð í Fishershúsi og í sama
húsi bakatil er nú vinnustofa og gall-
erí tveggja listakvenna, Írisar Jóns-
dóttur og Ingunnar Yngvadóttur.
  
Nýtt leikhús er einnig risið í
Reykjanesbæ þó það sé vissulega
ekki með hefðbundnu sniði. Vík-
ingaskipið Íslendingur varð feðg-
unum Einari Benediktssyni og Pétri
Einarssyni innblástur í flutning leik-
verka á borð við Ferðir Guðríðar.
Þar bregður Þórunn Erna Clausen
sér í hlutverk Guðríðar Þorbjarn-
ardóttur í leikgerð Brynju Bene-
diktsdóttur og segir frá ferðum Guð-
ríðar vestur um haf. Um 70 manns
rúmast um borð í bátnum og einkar
viðeigandi að upplifa ferðasögu Guð-
ríðar með þessum hætti.
Útivera og innivera
Morgunblaðið/Svanhildur Eiríksdóttir
Kýló Unga fólkið í Reykjanesbæ
leikur sér í kýló af kappi. Auk hollr-
ar útiveru kostar ekki krónu að
finna sér grænt svæði til leikja.