Morgunblaðið - 29.05.2010, Blaðsíða 30
30 UmræðanKOSNINGAR 2010
MORGUNBLAÐIÐ LAUGARDAGUR 29. MAÍ 2010
Reykjanesbær hefur á síðustu átta árum
verið eitt framsæknasta sveitarfélag landsins.
Íbúum hefur hér fjölgað hlutfallslega mest af
öllum sveitarfélögum landsins, umhverfi hefur
tekið stórkostlegum breytingum og íbúar telja
þjónustu sveitarfélagsins vera til fyrirmyndar
ef marka má þjónustukannanir sem gerðar
hafa verið.
Fjármálin
Í aðdraganda kosninga hafa fjármál Reykja-
nesbæjar verið til umfjöllunar eins og í flestum
öðrum sveitarfélögum. Skuldir hafa aukist á síðustu árum,
m.a. vegna þess að Reykjanesbær keypti meirihlutann í
HS Veitum. Skuldir þess félags eru nú taldar til skulda
sveitarfélagsins. Á móti hafa eignir að sama skapi þrefald-
ast á kjörtímabilinu vegna kaupa á jörðum, auðlindum og
veitukerfum. Í Reykjanesbæ er eignastaða ein sú sterk-
asta af öllum sveitarfélögum landsins en tekjur hafa verið
með þeim lægstu í samanburði sveitarfélaga. D-listi sjálf-
stæðismanna vill styrkja tekjustoðirnar með því að byggja
upp vel launuð störf sem skila íbúunum góðum tekjum og
auka um leið tekjur sveitarfélagsins. Fyrir því
höfum við barist á síðustu árum og okkur skal
takast að ná árangri, þrátt fyrir andstöðu og
tafir af hálfu ríkisvaldsins.
Árna Sigfússon sem bæjarstjóra
Síðustu átta ár höfum við í Reykjanesbæ
notið þess að hafa í forystu mann sem hefur
barist fyrir hag sveitarfélagsins hvar og hve-
nær sem hann hefur fengið því við komið. Ég
leyfi mér að fullyrða að ekkert annað sveitarfé-
lag á landinu hefur jafn öflugan talsmann fyrir
betra samfélagi og fjölbreyttari atvinnu-
starfsemi en íbúar Reykjanesbæjar. Óbilandi
eljusemi og áhugi hans hefur leitt af sér ótal mörg at-
vinnutækifæri sem nú eru mörg hver komin til fram-
kvæmda og enn fleiri bíða handan við hornið.
Ég hvet íbúa Reykjanesbæjar til þess að veita Árna
Sigfússyni áframhaldandi stuðning til forystu í málefnum
sveitarfélagsins. Sá stuðningur verður aðeins tryggður
með því að kjósa D-lista Sjálfstæðisflokksins. X-D.
Sterk staða í Reykjanesbæ
en atvinnuþörf
Eftir Böðvar Jónsson
Böðvar Jónsson
Höfundur er bæjarfulltrúi og formaður
bæjarráðs Reykjanesbæjar.
Á laugardaginn verður kosið um nýja bæj-
arstjórn á Seltjarnarnesi. Málefnastaða okkar
sjálfstæðismanna er sterk og slagorðið Lífs-
gæðin eru á Nesinu endurspeglar hversu um-
hugað okkur er um að halda áfram að vinna í
þágu allra bæjarbúa næstu fjögur ár.
Síðastliðinn tvö ár hafa verið erfið í rekstri
bæjarins, í kjölfar bankahrunsins. Seltjarn-
arnes hefur orðið fyrir miklum samdrætti í
útsvarstekjum, sérstaklega árið 2009. Við völd-
um að halda okkar striki, halda óbreyttu út-
svari en um leið tryggja gott þjónustustig. Við
fórum í átak í sumarvinnu fyrir unga fólkið í
fyrra og ætlum að endurtaka það í ár. Þrátt fyrir tíma-
bundna erfiðleika er fjárhagsstaða bæjarins afar sterk,
hreinar skuldir á íbúa í árslok 2009 námu 214 þús. á sama
tíma og þær eru 1.359 þús. á hvern íbúa í Hafn-
arfirði.
Í fyrsta sinn í fjölda ára etjum við kappi við
þrjú mótframboð, sem áður voru saman undir
nafni N-listans, sem undirstrikar ósamlyndið í
röðum gamla N-listans. Með útúrsnúningum
og rangri framsetningu talna reyna framboðin
að draga úr trúverðugleika og heilindum okkar
sjálfstæðismanna. Ég trúi því að kjósendur sjái
í gegnum slíkt og veiti okkur áframhaldandi
umboð á næsta kjörtímabili til að stýra bæn-
um. Framundan er spennandi kjörtímabil sem
við frambjóðendur hlökkum til að takast á við
af festu og varkárni, fáum við til þess ykkar
umboð á laugardaginn kemur.
Lífsgæðin eru á Nesinu
Eftir Ásgerði Halldórsdóttur
Ásgerður
Halldórsdóttir
Höfundur er bæjarstjóri og skipar 1. sæti á lista
sjálfstæðismanna á Seltjarnarnesi.
Sveitarstjórnarkosningarnar eru mik-
ilvægari en nokkurn tíma fyrr. Síðustu miss-
erin hafa verið erfið vegna hruns bankanna og
engin forysta í málefnum ríkisins, með hræði-
legum afleiðingum fyrir unga sem gamla.
Þetta hefur ruglað menn í ríminu, þannig að
umræður um sveitarstjórnarmál hafa þokað
fyrir öðru í aðdraganda kosninganna.
Það er tilhneiging til að segja, að allir
gömlu flokkarnir séu eins. Það er hugs-
unarvilla. Sjálfstæðisflokkurinn hefur haldið
sérstöðu sinni í gegnum árin. Hann er and-
stæða fjórflokksins eða R-listans og höfðar til gamalla
gilda, vill heiðarleik og orðheldni. Það eru dyggðir sem
ekkert kosta. Sjálfstæðisflokkurinn er opinn flokkur með
skýr markmið og nær til grasrótarinnar. Þess vegna hef-
ur hann endurnýjað sig í breyttum tíma.
Sjálfstæðisflokkurinn hefur frá öndverðu haft
forystu í sveitarstjórnarmálum. Hann hefur lagt
áherslu á aðgæslu og aðhald í útgjöldum. Það
hefur gert kleift að hafa skatta í lágmarki en
vera þó í forystu fyrir margvíslegum fé-
lagslegum umbótum, sem varða fjölskylduna,
aldraða og öryrkja. Nú síðast á miðvikudag var
enn eitt stórátakið kynnt. Í samvinnu við Hrafn-
istu stendur Reykjavíkurborg fyrir byggingu
100 þjónustu- og öryggisíbúða. Svipaða sögu má
segja af framtaki sjálfstæðismanna í öðrum
sveitarfélögum vítt og breitt um landið.
Á síðustu misserum hefur mjög hert að öldr-
uðum og öryrkjum og margt vígi fallið, sem póli-
tísk átök þurfti til að ná. Það er okkur áminning um að bar-
áttan heldur áfram og getur aldrei unnist í eitt skipti fyrir
öll. Stöndum því saman að sigri Sjálfstæðisflokksins í dag.
Látum ekki okkar eftir liggja
Eftir Halldór Blöndal
Halldór Blöndal
Höfundur er formaður Sambands eldri sjálfstæðismanna.
Í dag er kosið til borgarstjórnar Reykjavík-
ur til næstu fjögurra ára. Ný hugsun í íslensk-
um stjórnmálum er nauðsynleg og því býð ég
mig fram á endurnýjuðum lista Framsóknar
og heiti því að vinna af heiðarleika og ábyrgð
fyrir borgarbúa.
Atvinnumálin skipta okkur framsókn-
armenn miklu. Við viljum að borgin sé ákjós-
anlegur valkostur fyrir stór og smá fyrirtæki
sem vilja hasla sér völl og stækka. Þannig
minnkar atvinnuleysi og tekjur aukast þannig
að skattar og gjaldskrár þurfa ekki að hækka
umfram verðlag. Atvinnuleysi er alltaf sóun og til þess að
afla tekna þarf að skapa aðstæður til að þær geti orðið til.
Þetta er ekkert flóknara en á venjulegu heimili. Það þarf
að koma meira inn en fer út til að fjölskyldan nái endum
saman.
Við eigum að vera óhrædd við að auka tekjur fyrirtækj-
anna og borgarinnar sjálfrar af ferðaþjónustu í grænu
borginni Reykjavík. Þess vegna viljum við græna byltingu
í borginni, bætt aðgengi að grænum svæðum til útivistar
og fræðslu, öflugar almenningssamgöngur, endurnýj-
anlega orkugjafa, fegrun borgarinnar og hagkvæm vist-
væn innkaup.
Framsókn byggir á samvinnu. Framsókn vill
því skapa samvinnuvettvang fyrirtækja og
borgarinnar með endurvakningu atvinnuþró-
unarfélagsins Aflvaka. Orkuveitan með sína
umhverfisvænu orku á að gegna lykilhlutverki
við að laða að áhugaverð fyrirtæki og leggja
áherslu á að sem flest störf skapist við nýtingu
orkunnar. Til að skapa störf strax þarf að fara í
átak í viðhaldi á húsum í eigu borgarinnar.
Það verður að verja velferðina. Fólk má ekki
lenda á götunni, börnin verða að fá góða mennt-
un, það þarf að hugsa um eldri borgarana og
tryggja börnum leikskólapláss.
Með skynsamlegri fjármálastjórn og mark-
vissri forgangsröðun, þar sem viðkvæmustu hópar sam-
félagsins eiga að njóta forgangs, á borgin að geta sinnt vel-
ferðar-, skóla-, dagvistunar- og umhverfishlutverki sínu
með sóma. Það er ekki sjálfsagt að þetta mikilvæga verk-
efni takist vel.
Það er því mikilvægt að fulltrúar skynsamlegrar, öfga-
lausrar miðjustefnu og samvinnu hafi sterka rödd í borg-
arstjórn og komi að úrlausn vandamála og uppbyggingu í
þágu borgarbúa. Þú getur lagt þitt af mörkum með því að
mæta á kjörstað og setja X við B í Reykjavík.
Með skynsemina að leiðarljósi
Eftir Einar Skúlason
Einar Skúlason
Höfundur er oddviti framsóknarmanna í Reykjavík.
Við göngum í dag til
kosninga og veljum
borgarstjórn og borg-
arstjóra til næstu fjög-
urra ára. Þessar kosn-
ingar eru mikilvægar,
því verkefni borg-
arstjórnar snerta líf
allra borgarbúa, jafnt
eldri kynslóða sem
barnabarna þeirra á
leikskólum og allt þar á
milli.
Ég hef beitt mér fyrir nýjum
vinnubrögðum í borgarstjórn og
lagt mig fram um að vinna vel með
öllum, sama úr hvaða flokki þeir
koma. Í mínum huga er enginn efi
um að þannig njóta borgarbúar best
krafta allra borgarfulltrúa. Sam-
vinna borgarfulltrúa, starfsmanna
og íbúa hefur sannað gildi sitt í far-
sælum lausnum og stöðugleika fyrir
fjölskyldur í Reykjavík. Með skýr-
um markmiðum og nýjum vinnu-
brögðum höfum við unnið okkur út
úr erfiðum aðstæðum, tryggt að
borgin stendur sterk og borgarbúar
þurfa ekki að óttast um örugga og
öflugu þjónustu hennar. Það er
þessi árangur sem mig langar til að
standa vörð um áfram, þessi trausta
staða sem skiptir svo miklu fyrir
börnin okkar og framtíðina.
Við sameinuðumst um aðgerða-
áætlun vegna efnahagsástandsins
þar sem forgangsraðað
var í þágu barna og vel-
ferðar. Við ákváðum að
hækka ekki skatta, því
fjölskyldurnar í borginni
mega ekki við meiri út-
gjöldum. Við sögðum ekki
upp fastráðnum starfs-
mönnum borgarinnar á
erfiðum tímum og borg-
arsjóður hefur verið rek-
inn hallalaus. Við höfum
brugðist við atvinnu-
ástandinu af ábyrgð en á
þessu ári verður fram-
kvæmt fyrir 26 milljarða á vegum
Reykjavíkurborgar og fyrirtækja
hennar, sem veitir fjölda manns at-
vinnu, en til samanburðar má nefna
að ríkið framkvæmir á sama tíma
fyrir 18 milljarða.
Ég vona að í dag verði kosið um
þessi góðu verk og þau nýju vinnu-
brögð sem undanfarið hafa einkennt
stjórn Reykjavíkur. Því að þrátt
fyrir að árangurinn í borgarstjórn
undanfarin tvö ár sé mikill er auð-
velt að glata honum ef ekki er rétt á
málum haldið. Framundan eru
krefjandi verkefni sem þarf að leysa
af ábyrgð og festu. Til að tryggja
áfram vinnubrögð samstarfs og
trausta fjármálastjórn þarf Sjálf-
stæðisflokkurinn í Reykjavík góða
kosningu. Þannig getum við haldið
áfram að vinna saman í þágu allra
borgarbúa.
Vinnum saman
í Reykjavík
Eftir Hönnu Birnu
Kristjánsdóttur
Hanna Birna
Kristjánsdóttir
Höfundur er borgarstjóri.
Það er hátíðisdagur
þegar þjóðin fær að
ganga til kosninga og
velja þá sem hún treystir
best til að fara með
stjórnun síns sveitarfé-
lags. Í Garðabæ er valið
einfalt. Þar er fjárhags-
staðan traust enda hefur
ríkjandi meirihluti Sjálf-
stæðisflokksins í gegn-
um árin sýnt aðhaldssemi í fjár-
málum og forðast óhóflegar lántökur.
Á sama tíma hafa bæjarfulltrúar
flokksins sýnt framsýni og metnað,
sem birtist m.a. í metnaðarfullu
starfi leik- og grunnskóla og Tónlist-
arskóla Garðabæjar. Gott orðspor
skólastarfs í Garðabæ hefur m.a. orð-
ið til þess að margar ungar fjöl-
skyldur hafa flutt í bæinn okkar á
undanförnum árum og að íbúum
Garðabæjar hefur fjölgað meira en
víða annars staðar.
Íþróttamálin skipta þar líka máli
en óhætt er að segja að umgjörð
íþróttastarfs í Garðabæ sé afar góð
eftir öfluga uppbyggingu íþrótta-
mannvirkja í bænum. Glæsilegt fim-
leikahús er nýjasta viðbótin í þeirri
flóru.
Við Garðbæingar erum svo lán-
samir að eiga margar ómetanlegar
náttúruperlur innan bæj-
arlandsins. Núverandi
meirihluti hefur lagt þunga
áherslu á umhverfismál og
náttúruvernd og hefur nú
þegar tryggt íbúum höf-
uðborgarsvæðisins í nútíð
og framtíð víðfeðm útivist-
arsvæði með friðlýsingum
stórra landsvæða.
Sem yfirmaður stjórn-
sýslu Garðabæjar er fag-
mennska, gagnsæi og virk
upplýsingamiðlun mitt
leiðarljós og hefur verið í gegnum ár-
in. Ég vil hvetja Garðbæinga til að
láta ekki blekkjast af yfirboðum
heldur kynna sér vel fjárhagsstöðu
og starfsemi bæjarins en það er m.a.
hægt að gera í ársskýrslu fyrir árið
2009 sem var að venju dreift inn á öll
heimili í Garðabæ.
Ríkjandi meirihluti í Garðabæ hef-
ur sýnt og sannað að hann er trausts-
ins verður og því er ég reiðubúinn að
starfa áfram með honum fái hann
umboð til þess. Í könnunum Capa-
cent mælist ánægja íbúa meiri í
Garðabæ en í nokkru öðru sveitarfé-
lagi á Íslandi sem segir mér að við er-
um á réttri braut og að bæjarbúar
vilja áframhaldandi stöðugleika og
metnað undir traustri forystu Sjálf-
stæðisflokksins.
Einfalt val í Garðabæ
Eftir Gunnar
Einarsson
Gunnar Einarsson
Höfundur er bæjarstjóri í Garðabæ.
Kosningar
2010
w w w . m b l . i s / k o s n i n g a r