Morgunblaðið - 29.05.2010, Blaðsíða 33
Umræðan 33
MORGUNBLAÐIÐ LAUGARDAGUR 29. MAÍ 2010
Umræðan um net-
öryggi barna og þær
gildrur og hættur sem
leynst geta á Netinu,
hefur farið vaxandi á
síðustu misserum. Það
er vel, því staðreyndin
er sú að hættur og ógn-
anir eru svo sannarlega
fyrir hendi á Netinu,
líkt og víðast hvar ann-
ars staðar þar sem
mannfólkið ferðast um,
hvort sem það er í raunveruleik-
anum eða í sýndarveruleika tölvu-
heima. Fréttir síðustu daga af
hrottalegum níðingsskap gegn börn-
um í gegnum samskiptasíðuna Fa-
cebook staðfesta enn frekar hversu
mikilvægt er fyrir foreldra að halda
vöku sinni gegn slíkri ógn.
SAFT
Vakningarátakið SAFT – sam-
félag, fjölskylda og tækni, sem er að-
gerðaáætlun Evrópusambandsins
um öruggari netnotkun og er stýrt
af Heimili og skóla – landssamtökum
foreldra, hefur aukið mjög meðvit-
und og þekkingu foreldra á netnotk-
un barna og unglinga og gert þá
meðvitaðri um þær hættur sem
leynast á Netinu og hvernig hægt sé
að auka þroska, ábyrgð og siðferð-
isvitund barnanna þegar kemur að
netnotkun og samskiptum þeirra við
annað fólk á Netinu. Eiga samtökin
mikið hrós skilið fyrir að leiða þetta
átak af skörungsskap og ábyrgð.
Eigendur og stjórnendur Apple á
Íslandi hafa fylgst glöggt með þessu
verkefni og allri annarri umræðu um
netöryggi. Ástæðan er einföld;
Apple hefur alla tíð verið mjög um-
hugað um að sýna ábyrgð í fram-
leiðslu sinni og gildir það ekki síður
um ábyrgð gagnvart netnotkun
barna og unglinga eins og annað
sem snýr að tölvum og samskiptum í
gegnum tölvur og netheima. Apple
hefur t.a.m. verið í fararbroddi
þeirra sem barist hafa gegn stuldi á
tónlist og kvikmyndum og öllu höf-
undarréttarvörðu efni. Apple var á
sínum tíma í algerum fararbroddi
þegar kom að íslenskun hugbúnaði
fyrir innlendan markað og allar tölv-
ur Apple hafa um langt
skeið haft innbyggða
Foreldrastjórnun (e.
Parental Control) í
hugbúnaði sínum.
Foreldrastjórnun
Foreldrastjórnun á
Apple-tölvum er auð-
velt tæki til að fylgjast
með og stjórna net-
notkun barna og ung-
lina. Foreldrar geta
stofnað sérstakan að-
gang fyrir hvern fjöl-
skyldumeðlim. Hægt er að skil-
greina nákvæmlega hvaða netföng
hver einstakur notandi hefur að-
gengi að, hvaða vefsíður hann getur
heimsótt og hvaða einstaklinga hann
getur spjallað við á spjallsíðum. Þá
er ennfremur hægt að skammta
hverjum og einum ákveðið margar
stundir á sólarhring sem hann getur
verið á Netinu (eða í tölvunni). Með
þessum hætti geta foreldrar haft
giska góða stjórnun á netnotkun
barna sinna.
Hitt er annað mál að börn og ung-
lingar eru alla jafna fljót að læra og
tileinka sér nýjustu tækni og því
geta þau verið snögg að læra hvern-
ig hugsanlega megi snúa á slíka „for-
eldrastjórnun“. Það leiðir okkur að
þeim þætti sem við hjá Apple teljum
allra mikilvægastan í að tryggja net-
öryggi barna og unglinga. Það er að
byggja upp gott siðferði barna okkar
og kenna þeim ákveðnar umferðar-
og samskiptareglur á Netinu. Stað-
reyndin er nefnilega sú að tímarnir
breytast og mennirnir með og þess
vegna þurfum við sífellt að taka mið
af nýjum heimi, ekki síst þegar við
ölum upp börnin okkar sem erfa
munu þennan nýjan heim. Undirrit-
aður minnist þess að hafa sem ungur
drengur vaknað fyrir allar aldir, ein-
ungis 8-9 ára og þrammað niður í
miðbæ til að bera út blöð. Það þótti
sjálfsagt mál á þeim tíma. Það er
tæpast til það foreldri sem í dag
myndi hleypa 9 ára gutta út á myrk-
um vetrarmorgni til að fara að bera
út blöð í miðborg Reykjavíkur. Nei,
það myndum við í raun telja hið
mesta hættuspil og vera skýrt merki
um óábyrgt uppeldi. Við kennum
börnum okkar að fara með gát í sam-
skiptum við ókunnuga, að þiggja
ekki gjafir eða sælgæti frá ókunnug-
um og þar fram eftir götunum. Á
svipaðan hátt þurfum við að ala
börnin okkar upp gagnvart Netinu.
Við þurfum að kenna börnum okkar
hvað beri að varast og við hverja sé í
lagi að spjalla við og hverja ekki. Við
þurfum að kenna börnum okkar að
veita ekki hverjum sem er persónu-
legar upplýsingar og við þurfum að
kenna börnum okkar gagnrýna
hugsun, ekki síður á Netinu en á
öðrum vettvangi lífsins. Síðast en
ekki síst eigum við sem foreldrar að
byggja upp traust á milli okkar og
barna okkar, þannig að við getum
verið viss um að barnið sé ekki að
feta vafasamar brautir í Netheimum
og við getum verið viss um að börnin
okkar leiti til okkar þegar þau þurfa
á leiðsögn okkar og vernd að halda.
Samstarf Apple og foreldra
Netnotkun barna og unglinga er
vandmeðfarin og viðkvæm og getur
oft rænt ábyrgðarfulla foreldra
svefni og fjölgað gráum hárum á
höfðum þeirra. Á vef SAFT (saft.is)
geta foreldrar fundið mörg heilræði
sem stuðla að uppbyggilegri og já-
kvæðri netnotkun barna og ung-
linga. Við hjá Apple á Íslandi ætlum
ekki að láta okkar eftir eftir liggja í
þessum þarfa málaflokki og höfum
því ákveðið að bjóða foreldrum að
sækja námskeið hjá okkur á næstu
vikum og mánuðum þar sem veitt
verða ráð og heilræði sem tryggja
jákvæða, örugga og uppbyggilega
netnotkun barna okkar.
Við hvetjum foreldra til að nýta
sér þetta tækifæri til að fræðast og
læra að byggja upp ábyrgðarfulla
netnotkun barna okkar. Hægt verð-
ur að skrá sig á námskeiðin á vef fyr-
irtækisins, epli.is.
Öruggari netheimar
Eftir Bjarna Ákason » Við þurfum að kenna
börnum okkar gagn-
rýna hugsun, ekki síður
á Netinu en á öðrum
vettvangi lífsins.
Bjarni Ákason
Höfundur er framkvæmdastjóri
Apple á Íslandi.
Sverrir Kristinsson löggiltur fasteignasali
Laugavegur 74
Byggingarlóð með framkvæmdum
Teikningar og allar nánari
uppýsingar veitir
Magnús Geir Pálsson í
síma 892-3686 eða á skr-
ifstofu Eignamiðlunar.
5701
Til sölu byggingarlóðin að Laugavegi 74 ásamt þeim framkvæmdum að
nýbyggingu sem komnar eru. Á lóðinni má byggja hús með 6 íbúðum og
verslun á jarðhæð. Framkvæmdir hafa verið hafnar og er búið að steypa
upp kjallara hússins. Bygginganefndar teikningar hafa verið samþykktar
og er gert ráð fyrir að húsið verði 1.076 fm að stærð og á þremur hæðum
auk kjallara. Samkvæmt fyrirliggjandi teikningum er um að ræða:
Verslunarrými 400 fm
2. hæð - tvær 2ja herbergja íbúðir og ein 3ja herbergja íbúð og er gert
ráð fyrir allt að 33 fm sérafnotareitum.
3. hæð - tvær 2ja herbergja íbúðir og ein 3ja herbergja íbúð og gert
ráð fyrir allt að 15 fm svölum.
LEIFSSTAÐIR -
EYJAFJARÐARSVEIT
Til sölu áhugaverða jörð sem
nú er rekin sem sveitahótel.
Nánar tiltekið er um að ræða
jörðina Leifsstaðir í Eyja-
fjarðarsveit. Mörg rúmgóð
herbergi sem bjóða alla ný-
tískuaðstöðu og þægindi og
prívat snyrtingu. Rúmgóður
56 manna veitingasalur er
einnig á hæðinni með öllum
tækjum í eldhúsi. Við hótelið
er níu holu golfvöllur.
101417
Fyrir trausta kaupendur
vantar okkur nú á söluskrá:
• Stórt einbýlishús í góðu ástandi í Þingholtunum eða miðsvæðis í
Reykjavík.
• Raðhús í Fossvogi.
• Ca 120-150 fm sérhæð með bílskúr í Austurbæ eða Vesturbæ
Reykjavíkur.
• Ca 110-130 fm sérhæð með bílskúr sem næst Borgarspítala og
Landspítala.
• Góða þriggja herbergja íbúð í Vesturbæ Reykjavíkur.
• Góða ca 100 fm íbúð fyrir eldri borgara miðsvæðis í Reykjavík.
• Gott ca 150-200 fm einbýli eða raðhús á höfuðborgarsvæðinu.
• Ca 200 fm iðnaðarhúsnæði miðsvæðis í Reykjavík eða Kópavogi fyrir
bílaviðgerðir.
Allar nánari upplýsingar veitir Brynjólfur Jónsson.