Morgunblaðið - 26.06.2010, Blaðsíða 16

FRÉTTASKÝRING
Eyrún Magnúsdóttir
eyrun@mbl.is
Niðurstaða sveitarstjórnarkosninga
verður til umræðu á flokksstjórnar-
fundi Samfylklingarinnar sem hefst
kl. 10 í dag auk þess sem vinna um-
bótanefndar Samfylkingarinnar
verður kynnt.
Fjórir málefnahópar starfa á fund-
unum og eftir því sem segir í tilkynn-
ingu til fjölmiðla þá er hugmyndin að
almennar umræður snúist um niður-
stöður úr starfi hópanna. Þrír fjalla
um stöðu Samfylkingarinnar í sveit-
arstjórnum, ríkisstjórn og innra
starf og sá fjórði um viðbrögð við
rannsóknarskýrslunni. Einhverjir
flokksmenn munu vera ósáttir við að
málefni sem hafa verið í brennidepli
síðustu daga, eins og skuldamál
heimilanna og aðild að Evrópusam-
bandinu, fái ekki pláss á fundinum.
Aðrir benda á að flokksstjórnarfund-
ir séu ekki endilega vettvangur um-
ræðna um „dægurmál“ heldur eigi
að nýta þá til endurskoðunar á starfi
flokksins og vinnubrögðum.
Farið yfir viðbrögð flokksins
við rannsóknarskýrslu
Ingibjörg Sólrún Gísladóttir tók
óvænt til máls á síðasta flokksstjórn-
arfundi Samfylkingarinnar í apríl og
sagði í tilfinningaþrunginni ræðu að
sér fyndist hún hafa brugðist kjós-
endum og flokksmönnum.
Á þeim fundi var rannsóknar-
skýrsla Alþingis nýkomin út og fund-
urinn raunar settur á í tilefni af út-
komu skýrslunnar. Umræður um
rannsóknarskýrsluna þá féllu að
nokkru í skuggann af ræðu fyrrver-
andi formanns flokksins, að minnsta
kosti út á við. Á fundinum í dag er
ætlunin að ræða niðurstöðu skýrsl-
unnar og flokksmenn sem blaðamað-
ur hefur rætt við segja að þessi fund-
ur sé líklegur til að snúast að
einhverju leyti um það hvernig for-
ysta flokksins hefur brugðist við
skýrslunni og einnig verði styrkja-
málin rædd.
„Höfðingjar tala yfir skrílnum“
Jóhanna Sigurðardóttir, formaður
og forsætisráðherra, ávarpar fund-
inn og Dagur B. Eggertsson varafor-
maður lýkur honum með því að ræða
um næstu skref flokksins. Fimm til-
lögur að ályktunum hafa borist skrif-
stofu flokksins og verða lagðar fyrir
fundinn.
Flokksmaður sem blaðamaður tal-
aði við sagðist ekki geta hugsað sér
að sækja fundinn þar sem almennir
flokksmenn hafi litla möguleika á að
koma sínum skoðunum eða sinni
gagnrýni á forystuna á framfæri. Til
þess sé dagskráin of þétt. „Það lítur
út fyrir að höfðingjarnir eigi þarna
að fá tækifæri til að tala yfir skríln-
um. Skríllinn fær svo örfáar mínútur
til að tjá sig.“
Alls hafa 230 manns atkvæðisrétt,
en rétt til að sitja fundinn og leggja
fram tillögur hafa allir flokksmenn.
Samkvæmt upplýsingum frá skrif-
stofu flokksins sækja jafnan milli tvö
og þrjú hundruð manns flokksstjórn-
arfundi.
Morgunblaðið/Ómar
Ræðir um verkefnin Jóhanna Sigurðardóttir ávarpar flokksstjórnarfund Samfylkingarinnar laust eftir hádegi í dag.
Umbætur og styrkir til
umræðu hjá Samfylkingu
 Almennir flokksmenn telja ekki næg tækifæri til að tjá gagnrýni á flokksstjórnarfundi
16 FréttirINNLENT
MORGUNBLAÐIÐ LAUGARDAGUR 26. JÚNÍ 2010
Á síðustu árum hafa Faxaflóahafnir
sf. veitt viðurkenninguna Fjöru-
steinn til fyrirtækja sem standa vel
að umhverfismálum. Að þessu sinni
var ákveðið að veita fyrirtækjunum
Jóni Ásbjörnssyni hf. og Fisk-
kaupum hf. þessa viðurkenningu.
Í rökstuðningi Faxaflóahafna
segir að allt umhverfi fyrirtækj-
anna sé eins og best verður á kosið
en ekki síður er viðurkenningin
veitt fyrir þá áherslu sem lögð er á
fullvinnslu sjávarafla og nýtingu
þess hráefnis sem fyrirtækið vinnur
úr. Það var fráfarandi formaður
hafnarstjórnar, Júlíus Vífill Ingv-
arsson, sem afhenti viðurkenn-
inguna, en Jón Ásbjörnsson tók við
henni fyrir hönd fyrirtækjanna.
Viðurkenning Verðlaunin afhent.
Fengu Fjörustein
Jónsmessuhátíð Síldarminjasafns
Íslands í Siglufirði hefst í dag, laug-
ardag, kl. 13:30 í Gránu. Þar verður
haldið málþing um bátavernd og
endurheimt fornrar verkmenn-
ingar. Málþingið er haldið í sam-
vinnu Síldarminjasafns Íslands við
Bátaverndarmiðstöð Norður- Nor-
egs og Samband íslenskra sjóminja-
safna.
Meðal frummælenda eru margir
helstu áhugamenn um bátavernd
og smíði trébáta. Fundarstjóri
verður Rósa Margrét Húnadóttir,
safnvörður á Síldarminjasafninu. Í
lok málþingsins verður sýnd heim-
ildarmyndin „Súðbyrðingur“ eftir
Ásdísi Thoroddsen.
Málþing um báta
og verkmenningu
Íþróttahátíðin
Goggi galvaski
verður haldin á
Varmárvelli í
Mosfellsbæ nú
um helgina í 21.
sinn. Goggi gal-
vaski er stórhá-
tíð ungra frjáls-
íþróttamanna og
er eitt stærsta íþróttamót sem
haldið er á landinu fyrir 14 ára og
yngri. Á mótinu er keppt í frjáls-
um íþróttum en margir íslenskir
afreksmenn í frjálsum íþróttum
hafa hafið feril sinn á þessu móti.
Það verður þó ekki bara keppt í
frjálsum íþróttum heldur verður
líka hægt að fara í skrúðgöngur,
skógrækt og sundlaugarpartí á
mótinu.
Íþróttahátíðin
Goggi galvaski
Niðurstaða kosninganna í maí er sam-
fylkingarmönnum ofarlega í huga.
Flokksmenn sem blaðamaður ræddi við
sögðu Samfylkinguna og varaformann-
inn Dag B. Eggertsson hafa „sloppið fyr-
ir horn“ eftir afhroð í borginni með því að
fara í meirihlutasamstarf við Besta flokk-
inn.
Flokksmenn séu þó almennt sáttir við
samstarfið og það að komast í meirihluta
í borginni hafi slegið á óánægjuraddir
vegna slakrar útkomu í kosningunum.
Telja flokksmenn að staða Dags hafi
veikst til muna og einhverjum gremst að
hann skuli vera „í farþegasætinu hjá Jóni
Gnarr“, eins og einn viðmælandi orðaði
það.
Forysta flokksins hefur verið gagn-
rýnd undanfarið og telja margir það há
flokknum að enginn augljós forystumað-
ur hefur komið fram sem gæti tekið við
af Jóhönnu Sigurðardóttur. Þingmaður
flokksins, Sigmundur Ernir Rún-
arsson, sagði í fjölmiðlum á dögunum
að það væri verkefni flokksins á
næstu mánuðum að velja sér nýja
forystu. Samkvæmt heimildum er
ólíklegt að þau mál verði sérstaklega
til umfjöllunar á fundinum, nema
hugsanlega staða Dags. B Eggerts-
sonar.
Dagur á ákveðnum stalli
Einn viðmælenda taldi ólíklegt að
Dagur nyti nægs stuðnings til að
leiða flokkinn. Annar benti á að Dag-
ur ætti sér „heitari aðdáendur“ en
margir aðrir stjórnmálamenn. Hann
væri á ákveðnum stalli hjá stuðnings-
mönnum sínum, en svo væri aftur
spurning hvort þessi dyggi stuðn-
ingshópur væri nægilega stór til þess
að tryggja honum áframhaldandi
stöðu í forystu flokksins.
Samfylkingin „slapp fyrir horn“ í borginni
Morgunblaðið/Ómar
Dagur Sumir samflokksmenn hans telja stöðu hans hafa veikst.
Fjórir sóttu um embætti hæsta-
réttardómara en umsóknarfrestur
rann út nýlega.
Umsækjendur eru Sigríður
Ingvarsdóttir héraðsdómari, Sig-
rún Guðmundsdóttir héraðsdóm-
ari, Viðar Már Matthíasson, settur
hæstaréttardómari, og Þorgeir
Örlygsson, dómari við EFTA-
dómstólinn í Lúxemborg.
Skipað verður í embættið frá og
með 1. ágúst 2010. Nýr dómari
fyllir skarð Hjördísar Há-
konardóttur sem lætur af störfum
eftir fjögur ár í embætti. Þetta er
fyrsta dómaraskipunin í Hæstarétt
Íslands eftir að breytingar voru
samþykktar á dómstólalögum ný-
lega.
Fjórir sækja um
Úrslit sveitarstjórnarkosninga
voru að mörgu leyti óhagstæð
fyrir Samfylkinguna, einkum
fylgistap í Reykjavík. Að loknum
sveitarstjórnarkosningum sitja
alls 42 fulltrúar í sveit-
arstjórnum fyrir Samfylkinguna.
Flokkurinn er í meirihluta í sex
sveitarfélögum.
Þrátt fyrir minna fylgi í þrem-
ur stærstu sveitarfélögum lands-
ins, Reykjavík, Kópavogi og
Hafnarfirði, er Samfylkingin í
meirihluta í öllum þessum
sveitarfélögum. Æðsti yfirmaður
sveitarfélaganna kemur þó ekki
úr röðum Samfylkingar nema í
Hafnarfirði. Lúðvík Geirsson sit-
ur hálft kjörtímabil sem bæj-
arstjóri fyrir Samfylkinguna en
fulltrúi Vinstri grænna tekur þá
við stólnum.
Í Reykjavík myndar Samfylking
meirihluta með Besta flokknum
og í Kópavogi með Kópavogs-
lista, VG og Næstbesta flokkn-
um. Vonir höfðu verið bundnar
við að Samfylkingin fengi bæj-
arstjórasætið í Kópavogi en svo
varð ekki því ákveðið var að ráða
bæjarstjóra innan úr stjórnsýsl-
unni.
Samfylkingin er með hreinan
meirihluta í Sandgerði og í meiri-
hlutasamstarfi með Framsóknar-
flokki og Sjálfstæðisflokki í
Norðurþingi og með Framsókn og
VG á Akranesi. Í þessum þremur
sveitarfélögum er ópólitískur
bæjarstjórinn ráðinn.
Með hálfan bæjarstjóra í Hafnarfirði
STAÐA SAMFYLKINGAR EFTIR SVEITARSTJÓRNARKOSNINGAR