Morgunblaðið - 26.06.2010, Qupperneq 39

Menning 39FRÉTTIR
MORGUNBLAÐIÐ LAUGARDAGUR 26. JÚNÍ 2010
Myndlistarkonan Daphne Todd
vann til hinna virtu BP Portrait-
verðlauna í Bretlandi í vikunni fyrir
málverk af móður sinni en að verð-
launum fékk hún 25 þúsund pund.
Málverkið hefði ef til vill ekki þótt
svo merkilegt nema fyrir þær sakir
að móðir hennar er látin á myndinni.
Todd, sem er 63 ára og elsti hand-
hafi þessara verðlauna, segist ítrek-
að hafa reynt að mála mynd af móð-
ur sinni en móðir hennar hafi aldrei
verið ánægð með myndirnar. „Hún
sagði að ég ætti bara að mála hana
þegar hún væri dauð sem ég og
gerði.“
Todd fékk að sitja í þrjá daga yfir
líki móður sinnar til að mála og segir
að hún hafi ákveðið að sækja um
verðlaunin ári síðar. „Bróðir minn
var afar mótfallinn þessari ákvörðun
og hefur ekki talað við mig síðan.“
Myndin var afhjúpuð í gær og bjóst
listakonan við því að einhverjir yrðu
hneykslaðir. „Það er alltaf skrítið að
sjá myndir af látnu fólki en persónu-
lega finnst mér hún líta frábærlega
út.“
Todd Málaði móður sína látna.
Mynd af
látinni
móður
BP Portrait-verðlaun
til Daphne Todd
1.200 sögufrægar ljósmyndir voru
boðnar upp í New York í vikunni.
Myndirnar eru hluti af þrotabúi
Polaroid og boðnar upp svo hægt
væri að greiða kröfuhöfum. Alls
seldust verk á uppboðinu fyrir 12,4
milljónir dala, tæpa 1,6 milljarða
króna, sem er mun hærri fjárhæð
en reiknað hafði verið með.
Á uppboðinu voru myndir eftir
heimsfræga listamenn og ljós-
myndara sem margir hverjir voru
ósáttir við uppboðið, enda telja
þeir að Polaroid hafi einungis ver-
ið með myndirnar að láni og þeim
beri að skila til þeirra sem tóku
þær.
Hæsta verðið fékkst fyrir ljós-
mynd landslagsljósmyndarans An-
sels Adams, Clearing Winter
Storm, Yosemite National Park
eða 722.500 dalir. Um 400 myndir
úr safninu eru eftir Adams. Denise
Bethel, yfirmaður ljósmyndadeild-
ar uppboðshússins, sagði að það
teldist ágætt að boðnar væru upp
ein til tvær stórar landslagsmyndir
eftir Adams á fimm ára fresti en í
þetta skipti voru þær um 30.
Myndasafn
Polaroid á
1,6 milljarða
Í dag kl. 15:00 verður opnuð í
Hafnarborg sýning á verkum
listmálarans Eiríks Smith frá
sjötta áratugnum. Á morgun
kl. 15:00 verður síðan leiðsögn
um sýninguna, sem fengið hef-
ur heitið Formlegt aðhald, í
umsjón Ólafar K. Sigurð-
ardóttur sýningarstjóra og
forstöðumanns Hafnarborgar
og aðstoðarsýningarstjórans
Heiðars Kára Rannverssonar.
Á sýningunni eru verk frá árunum 1951-1957,
fyrstu árunum eftir að Eiríkur sneri heim frá
námi í Kaupmannahöfn og París. Þá var mikill
umbrotatími í íslenskri myndlist og hann tók þátt
í þeirri formbyltingu sem var að eiga sér stað.
Myndlist
Strangflatarverk
Eiríks Smith
Eiríkur
Smith
Dans- og sviðslistakonan Aude
Busson býður uppá upplestur í
Hjartagarðinum (hjá Hemma og
Valda) í dag frá kl. 13:00 - 15:30.
Hún hyggst lesa nokkur vinsæl
verk úr íslenskum bókmenntum
og áhorfendur eru líka hvattir til
þess að koma með sínar uppá-
haldsbækur. Hugmynd verksins
er byggð á vexti þjóðern-
ishyggju í Evrópu og því hvernig
tungumál skilgreinir ákveðinn
hóp sem þjóð, með umráðasvæði og landamæri.
Aude Busson er frönsk og hefur verið hér á
landi í fimm ár og unnið að dans- og sviðslist, sam-
ið barnadansverk, stjórnað brúðum og leikið á
sviði.
Sviðslist
Upplestur í
Hjartagarðinum
Aude
Busson
Næstkomandi sunnudag, 27.
júní, verður Hulda Hlín
Magnúsdóttir listfræðingur
með leiðsögn um sýninguna
Ónefnd kvikmyndaskot sem
er ein þekktasta myndaröð
bandarísku listakonunnar
Cindy Sherman. Á sýningunni
getur að líta 69 svarthvítar
ljósmyndir af listakonunni
sjálfri sem bregður sér í hlut-
verk ímyndaðra kvikmynda-
stjarna frá miðbiki síðustu aldar. Myndirnar eru
teknar og unnar á tímabilinu 1977-1980 en þær
skutu Sherman upp á stjörnuhimininn korn-
ungri. Leiðsögnin hefst kl. 14:00 í Listasafni Ís-
lands.
Myndlist
Leiðsögn á
Kjarvalsstöðum
Hulda Hlín
Magnúsdóttir
Tónleikaröðin Alþjóðlegt orgel-
sumar í Hallgrímskirkju hófst fyrir
stuttu, en nú færist aukinn þungi í
tónleikahaldið. Um helgina verða
þannig tvennir tónleikar þeirra
Harðar Áskelssonar organista og
Jessica Buzbee básúnuleikara í
kirkjunni.
Hörður Áskelsson hefur verið
organisti og kantor Hallgrímskirkju
allt frá því hann lauk framhaldsnámi
í Düsseldorf í Þýskalandi árið 1982
og gegnt lykilhlutverki í uppbygg-
ingu listalífs kirkjunnar. Hann stóð
meðal annars að stofnun Listvina-
félags Hallgrímskirkju en tónleika-
röðin er á vegum þess.
Jessica Buzbee nam básúnuleik í
Svíþjóð, Frakklandi og Bandaríkj-
unum og hefur hlotið fjölmörg verð-
laun og viðurkenningar fyrir leik
sinn. Hún er nú búsett hér á landi og
starfar sem básúnuleikari við Sin-
fóníuhljómsveit Íslands.
Laugardagstónleikar Jessicu og
Harðar hefjast á sálmforleiknum
Vakna, Síons verðir kalla eftir J.S.
Bach. Síðan hljóma meðal annars
verk úr Buxheimer orgelbókinni frá
15. öld og Morceau Symphonique
eftir Guilmant. Á efnisskrá sunnu-
dagsins bætast við verk eftir Gar-
dner Read, J.S. Bach sem og verkið
Signing eftir Huga Guðmundsson.
Tónleikarnir á laugardag hefjast kl.
12:00, en kl. 17:00 á sunnudag.
Upplýsingar um tónleika sumars-
ins má finna á listvinafelag.is.
Básúna og orgel
 Tvennir tónleikar í Hallgrímskirkju
Morgunblaðið/Eggert
Tónleikaröð Hörður Áskelsson og Jessica Buzbee æfa í Hallgrímskirkju.
Ásgerður Júlíusdóttir
asgerdur@mbl.is
Listabókin Karlynja kom út á dög-
unum en hún er hugverk listamanns-
ins Huldu Halldór. Hulda á að baki
langan listaferil og hefur haldið yfir
sautján myndlistarsýningar og lista-
verkainnsetningar, til að mynda lista-
verkagjörninginn 13 listaverk í 13
kirkjum landsins þar sem hún bjó til
listaverk sem öll vísuðu í trúna á ólík-
an hátt og setti upp í kirkjum víðs-
vegar á höfuðborgarsvæðinu og úti á
landi, en verkið tileinkaði hún minn-
ingu þeirra er látist höfðu í umferð-
inni.
Hulda gefur sjálf út bókina sem
inniheldur ljósmyndir af listgjörningi
og er jafnframt sjálft listaverkið, því
er um heildstæðan listaverkagjörn-
ing að ræða. Hún segir að bókin og
verknaðurinn sé ein heild. „Ég vinn
með flesta listmiðla, ég hef lengi verið
í málverkinu en listsköpunin kemur
svo sjálfkrafa til mín og stundum veit
maður ekki hvert listin tekur mann
og svo verða til svona verk.“ Karlynj-
an er bæði kvenkyns og karlkyns,
hún er dýrsleg og hlaðin tilfinningum.
„Ég skrifa ljóð á spegla sem hanga á
Karlynjunni, ljóðin eru brot af mín-
um tilfinningum. Spegilinn nota ég
því ég velti því oft fyrir mér hvort það
sé ekki ef til vill fortíðin sem maður
sér þegar maður lítur í spegil, því
maður er alltaf rétt kominn þegar
maður er farinn og andartakið orðið
að fortíð.“
Hver spegill hefur sinn stað í bók-
inni og sýnir hugleiðingar sem í senn
eru hluti af fortíðinni og lifa í núinu í
listabókinni. Karlynjan stendur eftir
án spegla í lok bókarinnar, hún hefur
tjáð tilfinningar sínar. „Síðasti speg-
illinn segir að sannleikurinn muni
gjöra yður frjálsa. Þetta er ákveðið
uppgjör og ég er að draga fram og
gera upp tilfinningar frá ég var stelpa
og hvernig mér leið að vilja vera mað-
ur eða hestur. Ég er samkynhneigð
og í verkinu segi ég frá ýmsu sem ég
upplifði í sambandi við það.“
Ljósmyndirnar tóku Ljósmynda-
stofan Nærmynd; Guðmundur Kr.
Jóhannesson og Jóhannes Frank Jó-
hannesson. Hulda Halldór annast út-
gáfu bókarinnar að öllu leyti.
Fortíðin í
speglinum
 Hulda Halldór gefur út ljósmynda-
og ljóðabók  Bókin inniheldur ljós-
myndir og er í senn sjálft listaverkið
Ljósmynd/Ljósmyndastofan Nærmynd
Tilfinningar Hulda Halldór skrifar ljóð á spegla sem hanga á Karlynjunni.
Karlynja
» Í bókinni Karlynju má finna
um 30 ljósmyndir.
» Í henni er einnig að finna um
15 ljóð eftir listakonuna sjálfa
sem hún lætur Karlynjuna
túlka.
» Karlynjan tjáir tilfinningar
sínar til lífsins og ástarinnar í
gegnum spegil sem hún snýr
við er hún hefur gert upp
hverja tilfinningu.
» Á endanum hefur hún sagt
allan sannleikann og stendur
eftir berskjölduð, tilbúin til að
takast á við fleiri upplifanir.
Við skulum átta
okkur á því að mikil-
menni eru ekkert alltaf góði
karlinn heldur 42
»