Morgunblaðið - 26.06.2010, Blaðsíða 21

Fréttir 21ERLENT
MORGUNBLAÐIÐ LAUGARDAGUR 26. JÚNÍ 2010
Bogi Þór Arason
bogi@mbl.is
Bandarísk stjórnvöld hvöttu í gær
Evrópulönd til að leggja áherslu á
efnahagslegar umbætur til að auka
hagvöxt og sögðu þau ekki geta
reitt sig eins mikið og áður á
Bandaríkin til að koma í veg fyrir
nýja efnahagslægð.
Stjórnvöld í Evrópulöndum,
sem hafa boðað mikinn niðurskurð
ríkisútgjalda, lögðu hins vegar
áherslu á þörfina á því að minnka
fjárlagahalla vegna mikillar
skuldasöfnunar.
Herman Van Rompuy, forseti
ráðherraráðs Evrópusambandsins,
sagði við blaðamenn í gær að það
væri enn eitt af forgangsverkefn-
um Evrópuríkjanna að tryggja
hagvöxt. Ljóst er þó að talsverður
munur var á áherslum þeirra og
bandarískra stjórnvalda fyrir leið-
togafund G8-ríkjanna í gær og
fund ríkjahópsins G20 í Kanada nú
um helgina.
„Það sem við eigum sameigin-
legt er miklu fleira en það sem
okkur greinir á um,“ sagði Tim
Geithner, fjármálaráðherra
Bandaríkjanna. „Allir eru sammála
um að ríkin þurfa að minnka fjár-
lagahallann með tímanum þannig
að hann verði viðráðanlegur.“
Fjármálaráðherrann lagði þó
áherslu á að mikilvægast væri
núna að tryggja hagvöxt og traust
á hagkerfunum. „Heimurinn getur
ekki reitt sig eins mikið á Banda-
ríkin og hann hefur gert.“
Óttast nýja efnahagslægð
Áður hafði Barack Obama
Bandaríkjaforseti sent leiðtogum
aðildarríkja G20 bréf þar sem
hann varaði þau við því að minnka
skuldirnar af hratt þar sem það
gæti stefnt efnahagsbata í heim-
inum í hættu. Bandaríkjastjórn
óttast að ef ríkin minnka fjárlaga-
hallann of hratt – með stórfelldum
niðurskurði ríkisútgjalda og
skattahækkunum – geti það leitt
til áralangrar stöðnunar, líkt og í
Japan, eða jafnvel til nýrrar efna-
hagslægðar.
Spáir átakasömum fundi
Angela Merkel, kanslari
Þýskalands, lagði hins vegar
áherslu á þörfina á minni fjár-
lagahalla og strangara aðhaldi í
ríkisfjármálum. „Ég tel að umræð-
urnar um þetta mál verði mjög ár-
angursríkar, en einnig mjög átaka-
samar,“ sagði Merkel.
Francois Fillon, forsætisráð-
herra Frakklands, sagði að ef
stjórn landsins sýndi ekki að hún
væri staðráðin í því að draga úr
ríkisútgjöldunum myndu fyrirtæki
og neytendur óttast óvissu og
skattahækkanir. Þau myndu því
halda að sér höndum og fresta
fjárfestingum og það yrði til þess
að efnahagur landanna drægist
saman að nýju.
Reuters
Þungaður Mótmælandi í miðborg Toronto með mynd af Stephen Harper, forsætisráðherra Kanada, fyrir andlitinu
og í búningi með áletruninni: „Þungaður loforðum“. Mikill öryggisviðbúnaður er í borginni vegna funda G8 og G20.
Heimild: Aþjóðagjaldeyrissjóðurinn Ath.: Verg landsframleiðsla ESB og alls heimsins byggist á útreikningum Reuters og tölum frá AGS
HAGKERFI RÍKJAHÓPSINS G20
Ríkjahópurinn G20 var stofnaður árið 1999 til að takast á við fjármálakreppu í mörgum löndum
og til að auka vægi ríkja sem hafa verið í örum vexti efnahagslega og þóttu ekki hafa nógu mikil
áhrif í umræðunni á alþjóðavettvangi og þegar ákvarðanir eru teknar um efnahagsmál heimsins.
Fundi G20 sitja fjármálaráðherrar og seðlabankastjórar nítján landa
og Evrópusambandsins.
VERG LANDSFRAMLEIÐSLA
Á hvern landsmann í dollurum Önnur G20-lönd ESBG8-lönd
Kanada
45.658
Kína
3.999
Frakkland
42.414
Þýskaland
40.679
Ítalía
35.231
Bretland
35.721
Bandaríkin
47.702
Rússland
10.740
Japan
41.366
Mexíkó
9.168
ESB
33.127 Suður-Kórea
20.265
Argentína
8.493
Ástralía
53.862
Brasilía
9.886
Indland
1.124
Indónesía
2.858
Sádi-
Arabía
16.778
Suður-
Afríka
6.609
Tyrkland
9.950
Evrópusamb.
Bandaríkin
Kína
Japan
Þýskaland
Frakkland
Bretland
Ítalía
Brasilía
Kanada
Rússland
Indland
Ástralía
Mexíkó
S-Kórea
Tyrkland
Indónesía
Sádi-Arabía
Argentína
Suður-Afríka
16.543
14.800
5.365
5.273
3.333
2.669
2.223
2.121
1.910
1.556
1.508
1.367
1.193
996
991
711
670
438
344
330
G20
53.995
G8
33.483
Allur heimurinn
61.781
Önnur lönd
7.786
HAGKERFIN BORIN SAMAN
Verg landsframleiðsla í milljörðum $
Leggja ýmist
áherslu á vöxt
eða sparnað
 Bandaríkin og Evrópulönd deila um
hversu hratt eigi að minnka skuldirnar
Þriggja daga fundahöld
» Leiðtogar G8-ríkjanna
komu saman í grennd við bæ-
inn Huntsville í Ontario-fylki í
gær til að ræða aðstoð við þró-
unarlönd og fleiri mál. G8-
löndin eru: Bandaríkin, Bret-
land, Frakkland, Ítalía, Kanada,
Japan, Rússland og Þýskaland.
» Efnahagsmál verða í
brennidepli á fundi G20 í To-
ronto í dag og á morgun.
Yfirvöld í Georgíu létu flytja sögufræga bronsstyttu af
Jósef Stalín af aðaltorginu í fæðingarbæ hans í fyrri-
nótt. Styttan er sex metra há og hafði verið á aðaltorgi
Gorí frá árinu 1952. Hún var flutt í safn en í stað henn-
ar á að reisa styttu til minningar um fórnarlömb Stalíns
og þá sem biðu bana í árásum rússneska hersins á
Georgíu árið 2008. „Stalín varð milljónum saklausra
manna að bana, drap ekki aðeins bestu fulltrúa
Georgíu, heldur einnig besta fólkið í mörgum öðrum
löndum,“ sagði Nika Rurua, menningarmálaráðherra
Georgíu. Þessi ákvörðun er þó umdeild meðal bæjar-
búa, því margir þeirra eru enn mjög stoltir af Stalín.
Reuters
Stalín steypt af stalli í fæðingarbænum
Vísindamenn í Bretlandi hafa komist
að þeirri niðurstöðu að fóstur kenni
ekki sársauka fyrstu 24 vikur með-
göngunnar. Þessi niðurstaða stang-
ast á við eina af röksemdum and-
stæðinga fóstureyðinga fyrir því að
fóstureyðingarmörkin verði lækkuð
úr 24 vikum í 22 eða 20 vikur, að því
er fram kemur á fréttavef The Daily
Telegraph.
Breska heilbrigðisráðuneytið
hafði falið Konunglega læknaráðinu
(Royal College) í fæðingarlækn-
ingum og kvensjúkdómafræði að
fara vandlega yfir þau vísindalegu
gögn sem liggja fyrir í málinu. Vís-
indamennirnir komust að þeirri
niðurstöðu að taugaendar í heila
fóstranna hefðu ekki þroskast nóg til
að þau gætu skynjað sársauka
fyrstu 24 vikur meðgöngunnar.
Allan Templeton, rektor, sem
stjórnaði rannsókninni, sagði að full-
yrðing andstæðinga fóstureyðinga
um að fóstur gætu kennt sársauka
innan 24 vikna byggðist á rann-
sóknum á fyrirburum. Rannsóknir á
fóstrum í móðurkviði leiddu hins
vegar í ljós að svo væri ekki.
Vísindamennirnir komust einnig
að þeirri niðurstöðu að í legi kon-
unnar væru efni sem yllu því að
fóstrið væri „stöðugt án meðvit-
undar, líkt og í svefni“, eða líkt og
þau væru undir áhrifum róandi lyfja.
Að sögn vísindamannanna er því
ekki þörf á svæfingarlyfjum þegar
fóstri er eytt.
Tillaga um að lækka fóstur-
eyðingarmörkin niður í 20 vikur var
felld á breska þinginu fyrir tveimur
árum. David Cameron, forsætisráð-
herra Bretlands, var þá hlynntur til-
lögunni og gaf til kynna fyrir þing-
kosningarnar í vor að til greina
kæmi að taka málið upp aftur. Talið
er þó að margir þingmenn Frjáls-
lyndra demókrata séu andvígir til-
lögunni.
Finna ekki til
fyrstu 24 vikurnar
Reuters
Sofandi Fóstur á 8. viku meðgöngu.