Morgunblaðið - 03.07.2010, Blaðsíða 12

12 FréttirINNLENT
MORGUNBLAÐIÐ LAUGARDAGUR 3. JÚLÍ 2010
Hjalti Geir Erlendsson og
Önundur Páll Ragnarsson
Stjórn Íbúðalánasjóðs mun ráða nýjan fram-
kvæmdastjóra sjóðsins á fundi sínum á fimmtu-
daginn í næstu viku, að sögn stjórnarmanna sem
rætt var við í gær.
Guðmundur Bjarnason lét af starfi fram-
kvæmdastjóra á fimmtudaginn, fyrir aldurs sakir,
eftir um tíu ára starf hjá sjóðnum. Áður gegndi
hann embætti landbúnaðar- og umhverfisráð-
herra.
Þar til nýr framkvæmdastjóri verður ráðinn
mun Ásta H. Bragadóttir, aðstoðarframkvæmda-
stjóri, gegna starfinu. Ásta er einnig meðal um-
sækjenda um starf framkvæmdastjóra.
Margir um hituna
Auglýst var eftir umsækjendum í starfið 30.
apríl síðastliðinn og umsóknarfrestur rann út 23.
maí. Alls bárust 27 umsóknir
um starfið. Auk Ástu sóttu um
stöðuna þau Ágúst Önundar-
son miðlari, Elín Sigrún Jóns-
dóttir framkvæmdastjóri, Erla
Sjöfn Jónsdóttir viðskipta-
fræðingur, Guðrún Árnadóttir
ráðgjafi, Gunnsteinn R. Óm-
arsson verkefnastjóri, Hallur
Magnússon ráðgjafi, Ingólfur
V. Guðmundsson ráðgjafi,
Kristjón Jónsson ráðgjafi,
Magnús Ingi Erlingsson verkefnastjóri, María
Grétarsdóttir verkefnastjóri, Olga Hanna Möller
sérfræðingur, Ragnar Marteinsson, fyrrverandi
framkvæmdastjóri, Ragnar Sigurðsson lögfræð-
ingur, Sif Jónsdóttir doktorsnemi, Sigrún Kjart-
ansdóttir ráðgjafi, Sigurður Erlingsson verkefna-
stjóri, Sigurður Geirsson forstöðumaður, Smári
Ríkarðsson ráðgjafi, Snorri Styrkársson verk-
efnastjóri, Trausti Harðarson forstjóri, Vigfús Kr.
Hjartarson framkvæmdastjóri, Vignir Björnsson
byggingarfræðingur, Vilhjálmur Wiium verkefna-
stjóri, Yngvi Örn Kristinsson ráðgjafi og Þórhall-
ur Biering Guðjónsson framkvæmdastjóri.
Víðtækrar reynslu krafist
Samkvæmt auglýsingu þarf framkvæmdastjóri
Íbúðalánasjóðs að hafa háskólapróf sem nýtist í
starfi og búa yfir víðtækri þekkingu og reynslu af
fjármálastarfsemi. Þá er þekking á íbúðalánum
sögð æskileg og sömuleiðis reynsla af stjórnun og
rekstri.
Núverandi stjórn Íbúðalánasjóðs var skipuð í
janúar 2007 af Magnúsi Stefánssyni, þáverandi fé-
lagsmálaráðherra, og er skipunartími hennar fjög-
ur ár. Formaður stjórnar er Hákon Hákonarson
og varaformaður er Gunnar S. Björnsson. Auk
þeirra eiga sæti í stjórn þau Elín R. Líndal, Jó-
hann Ársælsson og Kristján Pálsson.
Framkvæmdastjóri enn óráðinn
 Guðmundur Bjarnason hefur látið af störfum hjá Íbúðalánasjóði  Eftirmaður hans verður ráðinn á
stjórnarfundi á fimmtudaginn í næstu viku  Umsóknarfrestur rann út 23. maí en 27 sóttu um starfið
Guðmundur
Bjarnason
Í höndum stjórnar
» Ekki liggur fyrir hver verður
næsti framkvæmdastjóri, en
rúmur mánuður er síðan um-
sóknarfrestur rann út.
» 27 umsækjendur sóttu um
starfið en umsóknarfrestur
rann út 23. maí.
» Stjórnarmenn sjóðsins vilja
lítið segja hvers vegna
ráðningarferlið tekur jafn lang-
an tíma og raun ber vitni, en
stefnt er að því að klára málið
á stjórnarfundi á fimmtudag.
Nýjar tölur Capacent um áhorf á
sjónvarp sýna að Heimsmeistara-
keppnin í knattspyrnu nýtur gífur-
legrar hylli hjá notendum RÚV.
Af 10 vinsælustu dagskrárliðum
RÚV vikuna 21.-27. júní voru 9 liðir
tengdir HM í Suður-Afríku. Þar af
voru sjö leikir í beinni útsendingu og
tvö HM-kvöld. Af öðrum liðum er
það aðeins hinn skoski Taggart lög-
regluforingi sem nær inn á listann,
en hann er í 8. sæti. Jafnvel fréttir
ná ekki inn á þennan lista. Mesta
áhorfið var á beina útsendingu frá
leik Argentínu og Mexíkó. Hlutfall
þeirra sem horfðu á leikinn í 5 mín-
útur eða lengur, þ.e. svokallað upp-
safnað áhorf, var 59,2%. Miðað er við
aldurshópinn 12-80 ára. Argentína
nýtur greinilega mestra vinsælda af
liðum á HM því næstflestir horfðu á
leik Argentínu og Grikklands, eða
51,5%. Hjá aldurshópnum 12-49 ára
var HM í níu efstu sætunum. Að-
þrengdar eiginkonur náðu 10. sæt-
inu.
Mælingar Capacent sýna einnig
að RÚV hefur mikla yfirburði yfir
aðrar sjónvarpsstöðvar þegar
heildaráhorf er skoðað. RÚV er með
64,4% áhorf, Stöð 2 er með 17,5%
áhorf og Skjáreinn með 6,4% áhorf.
sisi@mbl.is
HM í 9 af
10 efstu
sætunum
Reuters
Vinsælir Messi og félagar njóta
mestrar hylli hjá áhorfendum.
Taggart er sá eini
sem náði inn á listann
„Mínar ráðleggingar til þeirra Íslend-
inga sem hyggjast flytjast hingað til
Noregs eru að hafa norskuna á valdi
sínu og hafa í vasanum peninga sem
duga til tveggja mánaða. Margir hafa
samband og gjarnan er það fólk sem
er komið í öngstræti heima t.d. vegna
peningavandræða og vill þá byrja upp
á nýtt í nýju landi,“ segir Eyþór Jó-
hannsson, formaður Íslendingafélags-
ins í Rogalandi í Noregi.
Á fyrstu þremur mánuðum þessa
árs fluttu 354 Íslendingar til Noregs og fetuðu þar með í
fótspor þeirra 1.584 landa sinna sem fór utan 2009, skv.
tölum norsku hagstofunnar. Frá hruni hefur Íslend-
ingum í Noregi fjölgað mjög og eru nú 6.000-7.000.
Margir hafa flutt til Rogalands, sem eru byggðirnar í
Suður-Noregi og ná yfir Stafangur, Haugasund og
Björgvin. Ágætt atvinnuástand hefur verið á þessu svæði
en þar gætir meðal annars áhrifa frá olíuvinnslunni í
Norðursjó. Nákvæmar tölur um fjölda Íslendinga í
Rogalandi liggja ekki fyrir en stjórn Íslendingafélagsins
á svæðinu áætlar að þetta séu um 1.000 manns.
Verkfúsir ekki í vanda
„Þegar við stofnuðum félagið fyrir sjö árum bjuggu
hér um 300 Íslendingar. Stóra sprengingin varð í fyrra.
Fjölgunin þá varð mikil og er fólk að heiman enn að
koma hingað,“ segir Eyþór sem fluttist utan fyrir níu ár-
um. Hann bjó fyrsta kastið í Ósló en hefur sl. átta ár búið
í Karmey við Haugasund og keyrir strætó.
„Þegar fólk kemur er mikilvægt að vera með pappíra
að heiman en þannig er því greið leið inn á vinnumarkað.
Tveimur Íslendingum hef ég komið í vinnu sem strætó-
bílstjórar. Þá hafa komið hingað smiðir, rafvirkjar, ein-
hverjir hafa farið í skrifstofustörf eða þá í vinnu við olíu-
vinnslu í Norðursjó. Verkfúsir Íslendingar hafa ekki átt í
vandræðum með að fá vinnu hér.“ sbs@mbl.is
Landnemarnir hafi pen-
inga til tveggja mánaða
 Áætlað að um þúsund Íslendingar búi í Rogalandi í Noregi
 Rafvirkjar, smiðir, olíuverkamenn og strætisvagnastjórar
Morgunblaðið/Golli
Ósló Íslendingum í Noregi fjölgar stöðugt, ekki síst í Rogalandi þar sem áhrifa olíuvinnslu gætir helst.
Gísli
Jóhannsson.
Tveir dómar féllu í Héraðsdómi
Reykjavíkur í gær vegna vændis-
kaupa karlmanna af vændisþjónustu
Catalinu Mikue Ncogo eða konum í
hennar þjónustu á síðasta ári. Að
sögn Huldu Elsu Björgvinsdóttur,
saksóknara, er öðrum karlmann-
inum gert að greiða 80 þúsund krón-
ur í sekt en hinum 40 þúsund krón-
ur.
Maðurinn sem þarf að greiða 80
þúsund krónur er sektaður fyrir full-
framið brot, það er hann keypti
vændisþjónustu og greiddi 15 þús-
und krónur fyrir. Hinn maðurinn
gerði tilraun til þess að kaupa
vændisþjónustu en ekki var um full-
framið brot að ræða. Að sögn Huldu
mun embætti ríkissaksóknara taka
sér tíma til að kanna hvort niður-
stöðu héraðsdóms verður áfrýjað til
Hæstaréttar.
Alls voru 11 karlmenn ákærðir
fyrir vændiskaup og á Hulda von á
því að dómur í máli níu þeirra falli í
haust. Þetta er í fyrsta skipti sem
ákært er fyrir vændiskaup hér á
landi og verða dómarnir fordæmis-
gefandi.
80 þúsund
krónur fyrir
vændiskaup
Alls sóttu 22 um starf bæjarstjóra
Vesturbyggðar, sem nýlega var aug-
lýst laust til umsóknar.
Meðal umsækjenda eru Magnús
Jónsson, fyrrv. veðurstofustjóri,
Ragnar Jörundsson, núv. bæjar-
stjóri, og Ragnar Sær Ragnarsson,
fyrrv. sveitarstjóri. Fleiri sveitar-
stjórar eru þá meðal umsækjenda
um bæjarstjórastöðuna því þeir
Ágúst Kr. Björnsson, fyrrv. sveitar-
stjóri Súðavíkur og Hrunamanna-
hrepps, og Björn Ingimarsson,
fyrrv. sveitarstjóri Þórshafnar, voru
einnig meðal umsækjenda.
Farið verður yfir umsóknirnar og
unnið úr þeim næstu daga.
22 vilja í
bæjarstjóra-
stólinn