Morgunblaðið - 03.07.2010, Blaðsíða 14

Árbók Ferðafélags Íslands
er komin út!
Árbók Ferðafélags Íslands fjallar að
þessu sinni um eitt fegursta svæði
Íslands, Friðland að Fjallabaki.
Bókin fæst á skrifstofu félagsins,
Mörkinni 6 og kostar 7900 kr.
Félagsmenn fá bókina senda,
sér að kostnaðarlausu, um leið
og heimsendir gíróseðlar vegna
félagsgjalda hafa verið greiddir.
Kynnið ykkur kosti félagsaðildar
og þau fjölmörgu fríðindi sem
henni fylgja á heimasíðu félagsins.
www.fi.is
14 FréttirINNLENT
MORGUNBLAÐIÐ LAUGARDAGUR 3. JÚLÍ 2010
Tjaldsvæðið á
Flúðum hefur
verið stækkað
þrefalt frá því í
fyrra. Alls eru
stæði fyrir 150
einingar í raf-
magn á almenn-
um tjald-
svæðum. Gerð
hafa verið sér-
stök húsbíla-
stæði og hjólhýsastæði. Jafnframt
er búið að gjörbreyta aðstöðu fyrir
hópa og ættarmót og sett upp kola-
grill og vatnshanar þannig að flest
er til taks þegar komið er á svæðið.
Risastórt tjald-
svæði á Flúðum
Margir saman
komnir á Flúðum
Íslandsstofa hóf formlega rekstur
hinn 1. júlí sl. Íslandsstofa sameinar
starfsemi Útflutningsráðs, Fjárfest-
ingarstofu og erlent markaðsstarf
Ferðamálastofu. Íslandsstofa verð-
ur þó annað og meira en einföld
samlagning þeirrar starfsemi sem
þegar er fyrir hendi, því henni er
ætlað víðtækara starf sem snýr m.a.
að því að styrkja ímynd og orðspor
Íslands og styðja við kynningu á ís-
lenskri menningu erlendis. Hún
verður til húsa í Borgartúni 35,
Reykjavík, í húsi atvinnulífsins þar
sem Útflutningsráð var áður til
húsa.
Íslandsstofa
Í dag, laugardag, verður haldin
kraftmikil fjölskylduskemmtun í
Viðey, Viðeyjarjarlinn. Hjalti Árna-
son mun stýra keppninni sem stend-
ur frá kl. 13-16. Keppt verður í
Sterkasti maður Íslands -105 kg og
meðal keppnisgreina eru Atlas
steinar, bændaganga, hönd fyrir
hönd og kútakast. Eftir keppnina
eru allir gestir hvattir til að vera
með en þeir geta átt von á glæsi-
legum vinningum. Þá verður boðið
upp á veitingar í Viðeyjarstofu.
Kraftajötnar Meðal keppnisgreina í
Viðey eru bændaganga og kútakast.
Viðeyjarjarlinn
Á morgun, sunnudag, verður Forn-
bílaklúbbur Íslands með forn-
bílasýningu í Árbæjarsafni.
Heimsókn á safnið gefur fólki
tækifæri á að ferðast aftur í tím-
ann. Starfsfólk klæðist fatnaði eins
og tíðkaðist á 19. öld og úti í haga
verða kindur, kýr, lömb og kálfur.
Safnið verður opið kl. 10-17 en
fornbílasýningin hefst kl. 13.
Morgunblaðið/ Jim Smart
Fornbílar Eðalvagnar í Árbænum.
Fornbílasýning
í Árbæjarsafni
Húsavík Byrjað var að selja „Fish &
chips“, eða djúpsteiktan þorsk og
franskar, í Uggahúsinu við höfnina
á Húsavík síðastliðinn fimmtudag.
Hráefnið er þorskur, veiddur í
dragnót, en það eru útgerðarhjónin
Óskar Karlsson og Ósk Þorkels-
dóttir í Flóka ehf. sem standa að
þessu framtaki ásamt fjölskyldu
sinni.
Opnað var um miðjan daginn og
fljótlega eftir að farið var að bjóða
upp á þennan þjóðarrétt Breta
myndaðist biðröð en afgreitt er út
um sölulúgu.
Ráðgert er að vera með borð og
stóla utandyra þar sem hægt er að
snæða þegar vel viðrar en einnig er
hægt að taka matinn með sér í þar
til gerðum bökkum.
Ekki var annað að sjá og heyra
en Húsvíkingar kynnu vel að meta
fisk og franskar, enda boðið upp á
góða vöru í Uggahúsinu.
Til gamans má geta þess að Bret-
ar halda upp á það í ár að 150 ár
eru liðin frá opnun fyrsta Fish &
chips-veitingastaðarins þar í landi.
Það er því ekki ósennilegt að ferða-
menn eigi eftir að renna á lyktina
og fá sér fisk og franskar þegar
þeir eiga leið um hafnarsvæðið á
Húsavík.
Biðröð eftir þjóðarrétti Breta,
fiski og frönskum, í Uggahúsi
Nýjung Fyrsti viðskiptavinurinn Heimir Bessason sjómaður fær hér að smakka hjá Árna Guðmundssyni.
Morgunblaðið/Hafþór Hreiðar
Ólafsvík Nesbyggð hefur undan-
farið verið með tilboð á síðustu
íbúðunum á Fossabrekku 21 í
Ólafsvík. Tilboðið felur í sér að
íbúðirnar eru afhentar fullbúnar,
með öllum húsbúnaði, svo að ekki
þarf annað en að flytja inn og
setja föt inn í skápana því að allt
annað er til staðar.
Nýlega var afhent ný íbúð í hús-
inu en það var Laufey Guðbjörns-
dóttir sem tók við lyklunum úr
hendi Sigrúnar Pálsdóttur. Sigrún
er dóttir Páls Harðarsonar, bygg-
ingastjóra Nesbyggðar.
Fjölskylda Laufeyjar er greini-
lega mjög ánægð með frágang
íbúðanna hjá Nesbyggð því að
mjög stutt er síðan Ólafur bróðir
Laufeyjar festi kaup á samskonar
íbúð í sama fjölbýlishúsi.
Meðalaldur húsa í Snæfellsbæ
er orðinn nokkuð hár og því mikils
virði að fyrirtæki eins og Nes-
byggð sé tilbúið til að byggja nýtt
húsnæði og gera þannig ungu fólki
kleift að kaupa sína fyrstu eign án
þess að hafa áhyggjur af viðhalds-
kostnaði næstu árin. Ungt fólk í
Snæfellsbæ hefur því möguleika á
að kaupa sér nýja eign í heima-
byggð í stað þess að leita á höfuð-
borgarsvæðið.
Í samtali við Pál Harðarson
kom fram að Nesbyggð ætlar að
byggja nýtt fjölbýlishús austan við
Fossabrekku 21. Gert er ráð fyrir
að framkvæmdir við það hefjist í
júlí.
Nesbyggð lánar allt að 20% af
eftirstöðvum íbúðar eftir að íbúða-
lánasjóður hefur lánað 80%.
Þurfa ekki að gera
annað en flytja inn
Tekið við lyklunum Ný íbúð í húsinu á Fossabrekku 21 í Ólafsvík afhent.