Morgunblaðið - 16.07.2010, Blaðsíða 12

FRÉTTASKÝRING
Skúli Á. Sigurðsson
skulias@mbl.is
Ætlaðir kókaínsmyglarar mættu í
Héraðsdóm Reykjavíkur í gærmorg-
un þar sem aðalmeðferð í máli gegn
þeim fór fram. Eru sakborningarnir
fimm talsins og þeim gefið að sök, að
hafa staðið í sameiningu að innflutn-
ingi á um 1,6 kílóum af mjög hreinu
kókaíni frá Spáni í þeim tilgangi að
selja það hér á landi.
Tveir hinna ákærðu, Guðlaugur
Agnar Guðmundsson og Davíð Garð-
arsson, neita sök í málinu. Ráða má af
ákæru og málflutningi að ákæruvald-
ið telur Guðlaug vera annan tveggja
höfuðpaura í málinu. Hinn heitir Orri
Freyr Gíslason og hefur játað sakir að
hluta. Er Guðlaugi og Orra Frey gefið
að sök að hafa fjármagnað og skipu-
lagt smyglið en auk þess eru þeir
ákærðir fyrir peningaþvætti. Orri
Freyr er einnig ákærður fyrir vörslu
kókaíns.
Davíð er borið á brýn að hafa haft
milligöngu um að útvega burðardýr
en framburður annarra sakborninga
er á reiki um hlut hans að málum. Í
viðtali við Fréttablaðið fyrir rúmum
þremur árum kvaðst hann hafa þénað
ágætlega á að „miðla samskiptum“ í
tengslum við eiturlyfjasmygl og sölu.
Verjandi Davíðs tók svo til orða að
hann væri „rangur maður á röngum
stað á röngum tíma“ og kvað ákæru
gegn skjóstæðingi sínum í meginat-
riðum ranga. Davíð játaði þó vörslu
fíkniefna samkvæmt ákæru.
Pétur Jökull Jónasson og Jóhannes
Mýrdal gengust við þeim sökum sem
þeir voru bornir. Pétur hafði milli-
göngu um að fá Jóhannes til að flytja
efnin inn, lét honum í té fé fyrir efninu
og töskur til að fela það í. Jóhannes
játaði að hafa sótt efnið, greitt fyrir
það og flutt til landsins.
Fyrir réttinum í gær kom fram að
Sverrir Þór Gunnarsson er talinn
hafa afhent Jóhannesi efnið gegn
greiðslu í Alicante á Spáni. Sverrir
Þór var ekki ákærður í málinu eða
kallaður til vitnis. Hann er eftirlýstur
af Europol í tengslum við fíkniefna-
brot.
Breyttu framburði sínum
Tveir ákærðu í málinu, Orri Freyr
og Pétur Jökull, breyttu upphafleg-
um framburði sínum töluvert á síðari
stigum málsins. Gerðu þeir báðir
minna úr hlut Davíðs en áður í breytt-
um framburði sínum.
Lýsti saksóknari því þannig að
framburður þeirra hefði „snarbreyst“
í kjölfar þess að þeim gafst færi á að
ræða hvor við annan og aðra sakborn-
inga í gæsluvarðhaldi. Ýjaði hann að
því að um væri að ræða samantekin
ráð um að halda hlífiskildi yfir Davíð
þar sem hann væri nauðsynlegur
tengiliður í starfseminni.
Kvað saksóknari að leggja ætti
upprunalegan framburð sakborning-
anna tveggja til grundvallar; hann
hafi verið samhljóða og eigi sér stoð í
gögnum málsins.
Létu að sögn undan þrýstingi
Orri Freyr sagði í vitnisburði sín-
um að lögregla hefði beitt hann mikl-
um þrýstingi til að knýja hann til
sagna. Kvaðst hann hafa eytt tveimur
vikum í einangrun og í kjölfarið verið
yfrheyrður af lögreglu án þess að lög-
maður væri viðstaddur. Þegar ekki
hafi fengist svör sem nægja þóttu hafi
hann verið settur í einangrun að nýju.
Sagðist hann hafa verið í mikilli
neyslu þar til hann var handtekinn og
því illa áttaður. Þetta hafi, í bland við
innilokunina og ótta hans, skert dóm-
greind hans þannig að hann skýrði
ekki rétt frá í upphafi.
Pétur Jökull kvaðst hafa verið svo
illa farinn af eiturlyfjaneyslu að lítið
mark hafi verið á honum takandi þeg-
ar fyrst var tekin af honum skýrsla.
Hann hafi verið hræddur og með
slakan lögmann sér til aðstoðar. Dav-
íð kvaðst telja lögregluna hafa hrætt
meðákærðu og verjandi hans sagði þá
hafa „séð að sér“ og leiðrétt frásögn
sína þegar þeir voru komnir í jafn-
vægi. Alþekkt væri að menn reyndu í
örvæntingu að koma sök á aðra í mál-
um sem þessu.
Lögreglumaður sem kom að rann-
sókn mannsins kallaði það í vitnis-
burði sínum fjarstæðu að halda fram
að lögregla hefði beitt óhæfilegum
þrýstingi, þvingunum eða lagt sökuð-
um mönnum orð í munn. Farið hafi
verið að lögum og reglum og sjá megi
á upptökum af yfirheyrslum hvernig
þær fóru fram. Þá hafi sakborningar
verið ágætlega á sig komnir við yfir-
heyrslur að hans mati.
Meintur höfuðpaur neitar sök
 Burðardýr og handbendi játuðu fyrir dómi  Íslendingur í Alicante afhenti kókaínið og þáði greiðslu
 Lögregla sökuð um að beita bolabrögðum  Tveir sakborningar einnig ákærðir fyrir peningaþvætti
Fyrir rétt Tveir sakborninga ganga inn í dómsal í héraðsdómi. Davíð Garðarsson er með sólgleraugu og húfu til vinstri, Guðlaugur Agnar hylur andlit sitt.
Morgunblaðið/Ernir
12 FréttirINNLENT
MORGUNBLAÐIÐ FÖSTUDAGUR 16. JÚLÍ 2010
Jónas Margeir Ingólfsson
jonasmargeir@mbl.is
Nemendum í tíunda bekk Álfta-
nesskóla er gefinn kostur á að
sitja námskeið sem kallast „stelpu-
val“ og „strákaval“. Í lýsingu á
námskeiðunum sem finna má í val-
bók skólans segir að í strákavali
verði farið yfir helstu áhugamál
drengja. Þar verður því farið yfir
helstu úrslit helgarinnar, bíla-
íþróttir og tæknimál. Í stelpuval-
inu verður hins vegar farið yfir
tískumálin, fatnað, skó og liti. Þá
verða undirstöðuatriði förðunar
kennd ásamt knappri úttekt á
slúðurblöðum og vefsíðum þeirra.
Trúir ekki eigin augum
Kristín Ástgeirsdóttir, fram-
kvæmdastýra Jafnréttisstofu, er
afar ósátt með námskeiðin. Hún
kveður þau ýta undir staðalmyndir
þó skólanum beri skylda til að
vinna gegn þeim. Kristín kveðst
hafa fengið ábendingar um nám-
skeiðin og því sent bréf til skóla-
stjórans þar sem hún bendir á að
námskeiðin brjóti gegn jafnrétt-
islögum þar sem kveðið er á
um hlutverk skólanna.
„Ég trúði ekki mínum
eigin augum þegar ég
sá þetta. Ég spurði
sjálfa mig hvort árið
væri 1920. Þetta er
svo fráleitt því þarna
er verið að ýta undir
hefðbundnar ímyndir og
þá sérstaklega verið að
gefa í skyn að stelpur hafi
ekki nein önnur
áhugamál en tísku,
útlit og fræga fólkið á meðan
strákarnir eiga bara að hafa áhuga
á íþróttum og tækni,“ segir Kristín
sem telur námskeiðin varða við
lög.
„Þetta er náttúrlega bara brot á
jafnréttislögum. Þetta er ekkert
annað. Hér, í þessu tilviki, er þessi
skóli að ganga þvert gegn jafnrétt-
islögum og þeim áherslum sem
verið er að leggja í nýrri námsskrá
þar sem jafnrétti er ein af meg-
instoðunum. Í grunnskólalögunum
segir að strákar og stelpur skuli
hafa jöfn tækifæri og það eigi að
búa þau undir líf og starf í lýðræð-
islegu þjóðfélagi.“
Kristín segir þetta ekki fyrsta
tilfellið af þessu tagi á Íslandi en
telur þetta það umfangsmesta.
„Þetta er svo mikill hégómi. Það
hefur komið fram í fjölmiðlum að
okkur vanti margt tæknimenntað
fólk. Það vantar innan tölvu- og
tæknigeirans. Hvað er skólinn að
hugsa með svona hégóma?“
Segir skólann fullan hégóma
 Framkvæmdastýra Jafnréttisstofu
afar ósátt með námskeið Álftanesskóla
Jafnréttisstofa annast stjórn-
sýslu á sviði jafnréttismála á Ís-
landi í samræmi við lög um jafna
stöðu og jafnan rétta kvenna og
karla en hún heyrir undir yf-
irstjórn félagsmálaráðherra.
Helstu verkefni stofunnar
eru söfnun og miðlun upp-
lýsinga um jafnrétti
kynjanna, fræðsla og
ráðgjöf til einstaklinga,
félaga, fyrirtækja,
stofnana og stjórnvalda
á öllum stigum, auk eft-
irlits með lögunum.
Kristín Ástgeirsdóttir er
framkvæmdastýra
Jafnréttisstofu.
Hefur eftirlit
JAFNRÉTTISSTOFA
Kristín Ástgeirsdóttir
Lögregla beitti ýmsum aðferðum
við rannsókn sína á málinu. Við
meðferð málsins í gær kom fram
að símar að minnsta kosti tveggja
sakborninga hafi verið hleraðir,
jafnvel mánuðum saman, og þeim
veitt eftirför. Þá var hlerunarbún-
aði komið fyrir í töskunni sem kók-
aínið var falið í og eftirlitsbúnaði
komið fyrir á bifreiðum ákærðu til
að fylgjast með ferðum þeirra.
Í málflutningi saksóknara kom
fram að drjúgur hluti málskostn-
aðar væri reikningar frá símafyr-
irtækjum í tengslum við hleranir.
Einnig rannsakaði lögregla fjár-
mál sakborninga rækilega. Skoðuð
var kortanotkun, skattframtöl og
ýmis bankayfirlit í þeim tilgangi að
varpa ljósi á rekjanlegar tekjur og
útgjöld. Var þannig varpað ljósi á
að töluvert misræmi var milli
tekna og útgjalda tveggja sak-
borninga; Orri Freyr eyddi sex
milljónum króna umfram rekj-
anlegar tekjur frá í janúar 2009 og
Guðlaugur um sautján milljónum.
Eltu ákærðu og hleruðu síma
RANNSÓKN LÖGREGLU Á MÁLINU MJÖG UMFANGSMIKIL
Hleraðir Með símahlerunum fengust
mikilvægar upplýsingar um málið.
Bílasala í júní var með ágætum í
Evrópu allri. Á Írlandi jókst hún
hvað mest en á eftir Írum koma Ís-
lendingar, samkvæmt upplýsingum
frá Brimborg. Eygja menn því von á
að botninum sé loksins náð í íslensku
efnahagslífi, enda hefur bílasala
aukist mest á Íslandi af öllum Evr-
ópuþjóðum þegar skoðaðir eru
fyrstu sex mánuðir ársins.
Júnímánuður var þriðji mánuður-
inn í röð þar sem bílasala dróst sam-
an að meðaltali í Evrópu. Í júní dróst
til að mynda bílasala í Þýskalandi
saman um 32,3%. Þó eru nokkur ríki
að rétta úr kútnum, s.s Ítalía,
Frakkland og Spánn. Hvergi hefur
þó aukningin verið meiri undanfarna
mánuði en á Íslandi en hér á landi
hefur bílasala aukist um 58% fyrstu
sex mánuði ársins.
Bílasala að
glæðast á ný
Sala jókst næst-
mest á Íslandi