Morgunblaðið - 16.07.2010, Blaðsíða 40

Gunnþórunn Jónsdóttir
gunnthorunn@mbl.is
Adam Emil Ríkharðsson, 7 ára
gamall drengur úr Reykjavík, hef-
ur útskrifast úr geimbúðum í Kan-
sas, Bandaríkjunum. Hann var á
ferðalagi í Bandaríkjunum ásamt
foreldrum sínum og skráði móðir
hans hann í búðirnar sem honum
fannst gríðarlega spennandi en
geimbúðirnar stóðu yfir í fimm
daga.
Adam segist hafa skemmt sér vel
og lærði hann mikið um sólkerfið
og ýmislegt tengt geimnum.
„Mamma mín skráði mig bara.
Maður fær að læra um tunglið,
pláneturnar, sólkerfið og svarthol
og alls konar. Við vorum líka að
læra um allar pláneturnar,“ segir
Adam. „Á fyrsta deginum lærðum
við um ný tungl og hvaðan tunglið
kemur. Svo fær maður að læra að
tunglið og jörðin eru fædd á sama
tíma.“ Adam útskýrði fyrir blaða-
manni að tunglið hafi verið partur
af jörðinni. „Það kom geimsteinn
og klessti á jörðina, svo fór part-
urinn af jörðinni úr og þá varð
tunglið til.“
Adam var í fríi með foreldrum
sínum, Ríkharði Má Jósafatssyni
og Judi Penrod sem er bandarísk.
„Mamma er frá Bandaríkjunum en
ég er frá Íslandi og pabbi minn er
frá Íslandi,“ segir Adam. Hann
segir það hafa verið lítið mál að
námskeiðið væri á ensku en hann
talar góða ensku. „Já, ég kann
næstum því allt í enskunni,“ segir
hann ákveðinn.
Flugmenn vilja fara í geiminn
Það sem stóð upp úr hjá unga
geimfaranum var að fá að klæða
sig í geimbúninginn. „Mér finnst
skemmtilegast að klæða mig í
geimbúningana. Bara ef ég myndi
nú fá geimhanska, geimskó og
geimhjálm,“ segir Adam en hann
var hrifinn af verslun sem var í
búðunum þar sem hægt var að
kaupa geimbúning ásamt öllu til-
heyrandi. Aðspurður segist Adam
ekki viss um hvað hann ætli að
verða þegar hann verður stór en
hann sagðist þó næstum viss.
„Kannski geimferðamaður eða
kannski lögga. En ég veit að allir
flugmennirnir á Íslandi vilja fara
að fljúga úti í geimnum. Þeir vilja
fara eitthvað út í geim og skoða.“
Kannski þrjár afmælisveislur
„Ég er sjö, að verða átta ára 9.
ágúst. Ég ætla að halda upp á það í
Bandaríkjunum, Reykjavík og á
Ísafirði. En bara kannski á Ísa-
firði,“ segir Adam.
Adam býr í Reykjavík og gengur
í Rimaskóla en í haust byrjar hann
í 3. bekk. Aðspurður hvort hann
læri eitthvað um geiminn í Rima-
skóla segir hann: „Nei, ekki svo
mikið, eða kannski bara svona einu
sinni í mánuði.“
Ungur Adam í geimbúðum
 Skemmtilegast
að klæða sig í
geimbúninginn
Í búðunum Adam þótti skemmtilegast að klæðast geimbúningi og óskaði sér
þess helst að fá alla nauðsynlega fylgihluti, eins og geimhanska og -hjálm.
Hver er Adam Emil
Ríkharðsson?
7 ára gamall drengur úr Reykja-
vík sem gengur í Rimaskóla og er
nýútskrifaður úr geimbúðum í
Bandaríkjunum.
Hvers vegna sótti Adam
geimbúðir í Bandaríkjunum?
Adam var ásamt foreldrum sín-
um í fríi í Bandaríkjunum og voru
þau að ferðast. Móðir hans ákvað
að skrá hann á námskeiðið sem
honum þótti skemmtilegt.
Hvernig gat hann sótt
geimbúðir þar sem kennt
er á ensku?
Móðir Adams er bandarísk og því
talar Adam ensku og átti því
auðvelt með að sækja nám-
skeiðið.
Hvað stóð upp úr hjá
Adam eftir námskeiðið?
Honum fannst skemmtilegast að
fá að klæða sig í geimbúning
með öllu tilheyrandi, að setja á
sig hanska, hjálm og klæða sig í
geimskó.
Hvað lærði Adam í
geimbúðunum?
Hann segist hafa lært mikið, en
meðal annars fræddist hann um
tunglið og hvaðan það kemur,
sólkerfið, plánetur, svarthol og
fleira sem tengist geimnum.
Spurt & svarað
FÖSTUDAGUR 16. JÚLÍ 197. DAGUR ÁRSINS 2010
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 350 ÁSKRIFT 3890 HELGARÁSKRIFT 2400 PDF Á MBL.IS 2200
1. Kynhneigðin að falli?
2. Seldi fasteign degi fyrir frystingu
3. Segist ætla í mál við Steinunni
4. Útlit fyrir gott helgarveður
»MEST LESIÐ Á mbl.is
FÓLK Í FRÉTTUM
 Vídeólistamaðurinn Sean Stiege-
meier mun halda listasmiðju á Íslandi
í byrjun september. Stiegemeier kom
hingað til lands fyrr á árinu og tók
ljósmyndir af gosinu í Eyjafjallajökli
sem hann skeytti síðan saman í
myndband. Mun hann kenna íslensk-
um áhugamönnum tækni sína.
Stiegemeier heldur
námskeið á Íslandi
 Vilborg Dagbjartsdóttir rithöf-
undur verður áttræð 18. júlí nk. og af
því tilefni kemur út ný ljóðabók
hennar, Síðdegi. Fyrsta ljóðabók Vil-
borgar, Laufið á trjánum, kom út árið
1960 og var hún þá ein
fárra íslenskra kvenna
sem ortu atómljóð.
Síðdegi er ní-
unda ljóða-
bók Vilborg-
ar.
Níunda ljóðabók
Vilborgar
 Mynd Valdísar
Óskarsdóttur,
Kóngavegur, hefur
verið valin til þess
að keppa í dag-
skránni Film-
makers of the
Present á kvik-
myndahátíðinni í
Locarno í Sviss nú
í ágúst. Valdís
verður viðstödd hátíðina ásamt Gísla
Erni Garðarssyni og Nínu Dögg Filipp-
usdóttur, sem leika í myndinni.
Kóngavegur keppir á
kvikmyndahátíð í Sviss
Á laugardag Norðlæg átt 3-8 m/s. Dálítil væta norðaustantil, annars víða léttskýjað. Hiti
10 til 20 stig að deginum, hlýjast um landið suðvestanvert.
Á sunnudag og mánudag Norðlæg átt 3-8 m/s. Dálítil væta NA-til, annars skýjað með
köflum eða bjartviðri. Líkur síðdegisskúrum inn til landsins. Heldur kólnandi veður.
SPÁ KL. 12.00 Í DAG Norðan 8-13 m/s austantil og lítilsháttar væta. Annars hægari
vindur og léttskýjað að mestu. Hiti 8 til 20 stig, hlýjast suðvestantil.
VEÐUR
Ólafur Stefánsson, lands-
liðsfyrirliði í handknattleik,
gekkst í gær undir aðgerð á
hné vegna meiðsla sem
hafa lengi gert honum lífið
leitt. Hann sagði við Morg-
unblaðið að útlitið væri
gott, hann hefði farið
hækjulaus heim af spít-
alanum og gerði ráð fyrir að
geta hafið æfingar með
Rhein-Neckar Löwen eftir
2-3 vikur. Tímabilið hefst í
lok ágúst. »1
Ólafur bjartsýnn
eftir aðgerðina
Steinþór Freyr Þorsteinsson úr
Stjörnunni er besti leikmaður fyrri
umferðar Íslandsmóts karla í fót-
bolta. Heimir Hallgrímsson úr ÍBV er
besti þjálfarinn og Jó-
hannes Valgeirsson er
besti dómarinn.
Heimir segir að marg-
ir hafi hlegið að
markmiðum ÍBV
áður en Ís-
landsmótið
hófst. »4
Steinþór, Heimir
og Jóhannes bestir
Hinn 21 árs gamli Rory McIlroy frá
Norður-Írlandi stal senunni á fyrsta
degi Opna breska meistaramótsins í
golfi. McIlroy lék Gamla völlinn á St.
Andrews á 63 höggum sem er jöfnun
á mótsmeti. McIlroy deilir metinu
með sjö öðrum kylfingum. Skorið var
almennt mjög gott í gær sem sést
best á því að 45 kylfingar notuðu
færri en 70 högg. »2
McIlroy jafnaði móts-
metið á Opna breska
ÍÞRÓTTIR