Fréttablaðið - 08.12.2011, Qupperneq 4

8. desember 2011 FIMMTUDAGUR4
Á forsíðu blaðsins í gær var sagt að
bókin „Þóra – heklbók“ væri fyrsta
heklbókin sem hefði komið út í 53
ár. Hið rétta er að þetta er fyrsta
heklbókin sem kemur út í 63 ár.
Í frétt á blaðsíðu 2 í gær var kona
rangnefnd í myndatexta. Hún heitir
Anna Guðbjörg Bjarnadóttir.
LEIÐRÉTT
EFNAHAGSMÁL Landsframleiðsla
jókst um 4,7 prósent að raungildi
á milli annars og þriðja ársfjórð-
ungs 2011. Á sama tíma jukust
þjóðarútgjöld um 1,6 prósent.
Þetta kemur fram í tölum frá Hag-
stofu Íslands. Fyrstu níu mánuði
ársins jókst landsframleiðslan um
3,7 prósent að raungildi.
Einkaneysla jókst um 1,1 pró-
sent en samneysla var óbreytt. Þá
dróst fjárfesting saman um 5,3
prósent. Útflutningur jókst um 6,8
prósent en innflutningur um 1,2
prósent. - kóp
Einkaneyslan eykst:
Vöxtur milli
ársfjórðunga
SVÍÞJÓÐ Þriðjungur Svía hefur
litla eða mjög litla trú á konungi
landsins, Karli Gústafi. Tæpur
þriðjungur styður konunginn.
Öðrum er nokkuð sama. Þetta
kemur fram í nýrri könnun sem
gerð var fyrir TV4-sjónvarps-
stöðina í Svíþjóð.
Meirihluti Svía, 56 prósent,
styður þó áframhaldandi tilvist
konungdæmis. 32 prósent lands-
manna vilja að krónprinsessan
Viktoría taki við krúnunni af
föður sínum.
Karl Gústaf hefur verið sér-
lega umdeildur eftir að bók um
hann kom út í fyrra þar sem
greint var frá framhjáhaldi,
heimsóknum á nektardansstaði
og tengslum við undirheima. - þeb
Þriðjungur vill prinsessuna:
Svíar missa trú
á konungnum
KRÓNPRINSESSAN Þriðjungur Svía vill að
Viktoría taki við krúnunni af Karli föður
sínum.
VEÐURSPÁ
Alicante
Basel
Berlín
Billund
Frankfurt
Friedrichshafen
Gautaborg
Kaupmannahöfn
Las Palmas
London
Mallorca
New York
Orlando
Ósló
París
San Francisco
Stokkhólmur
HEIMURINN
Vindhraði er í m/s.
Hitastig eru í °C.
Gildistími korta er um hádegi.
18
8°
5°
5°
8°
7°
5°
5°
23°
12°
18°
7°
18°
0°
11°
13°
1°
Á MORGUN
5-13 m/s, hvassast A-til.
LAUGARDAGUR
Vaxandi SA-átt SV-til
-4
-9
-10
-6
-5
-14
-7
-4
-6
0
-5
10
8
9
13
8
8
5
7
9
10
15
-10
-10
-10
-7
-12 -9
-9
-4
-5
-8
KULDABOLI
RÆÐUR RÍKJUM
Það er útlit
fyrir hörkufrost
á morgun en
síðan er von á
breytingum seint
á laugardag. Þá
hlýnar heldur,
einkum syðst með
stífri suðaustanátt
og úrkomu. Bendi
þó á að hitinn mun
ekki fara víða yfi r
frostmark.
Elísabet
Margeirsdóttir
veður-
fréttamaður
KJARAMÁL Draga á til baka launa-
skerðingu sem starfsmenn Ríkisút-
varpsins tóku á sig í ársbyrjun 2009
í kjölfar bankahrunsins. Þetta til-
kynnti Páll Magnússon útvarps-
stjóri á fundi sem hann boðaði til
með starfsmönnunum í síðustu
viku.
„Auðvitað erum við ánægð með
að fá þessa launaskerðingu til
baka,“ segir Ægir Þór Eysteins-
son, formaður Félags fréttamanna
hjá RÚV. „Okkur hefur fundist
við sitja eftir miðað við launaleið-
réttingar hjá öðrum ríkisstofnun-
um þar sem starfsmenn tóku á sig
kjaraskerðingu eftir hrunið, þannig
að við fögnum þessu eins og gefur
að skilja.“
Ekki náðist tal af Páli Magnús-
syni í gær né öðrum æðstu yfir-
mönnum RÚV. Samkvæmt heim-
ildum Fréttablaðsins gengur
skerðingin til baka í tveimur jöfn-
um áföngum. Fyrst hækka launin
um komandi áramót og síðan að
nýju í síðasta lagi 1. september á
næsta ári.
Ekki tóku allir starfsmenn RÚV
á sig launaskerðingu á sínum tíma
því hún gilti ekki um þá sem voru
með minna en þrjú hundruð þúsund
krónur í mánaðarlaun. Skerðingin
var stigvaxandi hlutfallslega eftir
því sem launin voru hærri. - gar
Starfsmenn Ríkisútvarpsins fengu ánægjuleg skilaboð í síðustu viku:
Fá skerðingu á launum til baka
LÖGREGLUMÁL Karlmaður á sex-
tugsaldri, sem lögreglumenn
fundu alvarlega slasaðan á
heimili hans í fjölbýlishúsi við
Skúlagötu í fyrrinótt, er tal-
inn hafa skorið sig sjálfur með
glerbrotum.
Hann gekkst undir aðgerð á
Landspítalanum í gær.
Nágrannar kölluðu á lög-
regluna vegna hávaða frá íbúð
mannsins. Þegar lögreglumenn
komu á vettvang var hann mikið
skorinn víða um líkamann og
hafði misst mikið blóð.
Hann var þegar fluttur á
slysadeild, þar sem blæðing
var stöðvuð. Maðurinn var illa
á sig kominn vegna blóðmissis
og áfengisneyslu þegar lögreglu
bar að. - jss
Fannst alvarlega slasaður:
Er talinn hafa
skorið sig sjálfur
SVÍÞJÓÐ 26 ára gömul kona er
fyrsti lögregluþjónninn í Sví-
þjóð til þess að ganga með
hijab-slæðu við störf. Fimm ár
eru síðan Svíar afléttu banni
við því að slæður, túrbanar og
önnur höfuðföt væru hluti af
einkennisbúningum.
Donna Eljammal hóf nám í
lögregluskóla nú í haust. Hún
segir í viðtali við The Local að
hún hafi alltaf vitað að hún vildi
verða lögreglukona.
Störf hennar innan lögregl-
unnar sýndu almenningi að
sumar konur veldu að vera
með slæðu, þær væru ekki
kúgaðar heldur sjálfstæðar og
sterkar. Þá þekkti hún aðrar
hliðar samfélagsins en flestir
lögregluþjónar.
- þeb
Tímamót í Svíþjóð:
Fyrst til að bera
slæðu í lögreglu
BRUSSEL, FRÉTTABLAÐIÐ Áhyggjur af
samskiptum Atlantshafsbandalags-
ins og Rússlands settu svip sinn á
fund utanríkisráðherra bandalags-
ins, sem hófst í Brussel í gær. Ráð-
herrarnir búast greinilega við að
Sergej Lavrov, utanríkisráðherra
Rússa, sem mætir til fundar við
þá í dag, verði býsna úfinn vegna
áforma NATO um eldflaugavarna-
kerfi, sem á að byrja að taka í
notkun næsta vor.
Anders Fogh Rasmussen, fram-
kvæmdastjóri NATO, margítrekaði
vilja NATO til að ná samkomulagi
við Rússland um eldflaugavarn-
ir fyrir leiðtogafund bandalags-
ins, sem haldinn verður í Chicago í
maí. Hann sagðist vona að fundur-
inn með Lavrov í dag myndi hreinsa
andrúmsloftið.
Rasmussen vísaði til nýlegra
ummæla Medvedevs, þar sem hann
hótaði að bregðast við áformum
NATO með því að staðsetja nýjar
eldflaugar við landamæri Rúss-
lands og NATO-ríkja. „Slík við-
brögð minna okkur á átök horfins
tíma,“ sagði Rasmussen við blaða-
menn eftir fund ráðherrann í gær
og vísaði þar augljóslega til kalda
stríðsins. Hann sagði að yfirlýsing-
arnar bæru einnig vott um grund-
vallarmisskilning á umfangi og
tilgangi eldflaugavarna NATO.
„Það væri peningasóun ef Rúss-
ar færu að fjárfesta í gagnaðgerð-
um gegn gervióvini sem er ekki
til. Það mætti fjárfesta það fé með
arðbærari hætti í þágu rússnesku
þjóðarinnar, til að skapa störf og
nútímavæða þjóðfélagið,“ sagði
Rasmussen.
Framkvæmdastjórinn sagðist
aðspurður ekki geta útilokað að
breyttur og harðari tónn í rúss-
neskum ráðamönnum væri til
heimabrúks vegna þing- og for-
setakosninga í Rússlandi. Hins
vegar yrði að taka mark á yfirlýs-
ingum forseta Rússlands, þótt þær
væru ekki í samræmi við niðurstöð-
ur fundar leiðtoga NATO-ríkjanna
með Medvedev í Lissabon í fyrra.
Aðspurður hvort NATO hygðist
á einhvern hátt bregðast við vís-
bendingum um að Rússar væru
á ný að efla herafla sinn í vestur-
hluta landsins, sagði Rasmussen að
slík viðbrögð væru „klárlega ótíma-
bær“. olafur@frettabladid.is
Yfirlýsingar endur-
óma kalda stríðið
Áhyggjur af samskiptunum við Rússland setja svip sinn á utanríkisráðherrafund
NATO. Yfirlýsingar Medvedevs minna á tíma kalda stríðsins, segir Anders Fogh
Rasmussen. Össur segir kosningar í Rússlandi hafa áhrif á yfirlýsingar ráðamanna.
Hörð þjóðarhyggja í Rússlandi
Össur Skarphéðinsson utanríkisráðherra segist hafa talað fyrir því á
ráðherrafundinum að reynt yrði að þróa viðræður við Rússa um eldflauga-
varnakerfið. Tónninn í rússneskum ráðamönnum hafi breytzt undanfarið.
„Það er ekki ólíklegt að það stafi af því að það eru harðar kosningar í Rúss-
landi og greinilega miklu meira umrót en menn átta sig á. Þá kennir sagan
okkur að menn falla oft á völl sterkrar þjóðarhyggju til að safna í kringum
sig ákveðnum öflum.“
Össur segir að á fundinum hafi stór og öflug ríki talað fyrir því að reynt yrði
að semja við Rússa. Aðrir hafi sagt að sjálfsagt væri að hlusta á þá, en ekki
mætti láta þá stýra ákvörðunum NATO. „Það eru þá kannski helzt þjóðir sem
hafa einhvern tímann kynnzt þeim náið,“ segir hann.
RÁÐHERRAFUNDUR Össur Skarphéðinsson utanríkisráðherra ræðir við Villy Søvndal,
danskan starfsbróður sinn, í upphafi fundar. MYND/NATO
PÁLL MAGNÚSSON Tilkynnti á fundi með
starfsmönnum að launaskerðing yrði
dregin til baka.
JÓLAKAFFIÐ
frá Te & Kaffi
– ómissandi á aðventunni.
www.teogkaffi.is
PI
PA
R\
TB
W
A
•
S
ÍA
•
1
12
98
4
GENGIÐ 07.12.2011
GJALDMIÐLAR KAUP SALA
HEIMILD: Seðlabanki Íslands
215,7554
GENGISVÍSITALA KRÓNUNNAR
118,67 119,23
185,07 185,97
158,77 159,65
21,352 21,476
20,585 20,707
17,591 17,695
1,5259 1,5349
184,41 185,51
Bandaríkjadalur
Sterlingspund
Evra
Dönsk króna
Norsk króna
Sænsk króna
Japanskt jen
SDR
AUGLÝSINGADEILDIR FRÉTTABLAÐSINS – AUGLÝSINGASTJÓRI: Jón Laufdal jonl@frettabladid.is ALMENNAR SÍMI 512-5401: Einar Davíðsson einar.davidsson@365.is, Guðmundur Steinsson gudmundurs@365.is, Hjördís Zoëga hjordis@frettabladid.is, Hlynur Steingrímsson hlynurs@365.is, Laila Awad laila@365.is, Örn Geirsson
orn.geirsson@365.is ALLT SÍMI 512-5402: Jóna Hafsteinsdóttir jmh@365.is, Brynja Gunnarsdóttir brynjag@365.is, Snorri Snorrason snorris@365.is SÉRBLÖÐ SÍMI 512-5016: Benedikt Jónsson benediktj@365.is, Sigríður Sigurbjörnsdóttir sigridurdagny@365.is, Ívar Hansen ivarorn@365.is RAÐAUGLÝSINGAR /FASTEIGNIR SÍMI 512-
5403: Hrannar Helgason hrannar@365.is, Viðar Pétursson vip@365.is ÞJÓNUSTUAUGLÝSINGAR SÍMI 512-5407: Sigurlaug Aðalsteinsdóttir sigurlaug@365.is, Arna Kristinsdóttir arnarut@365.is, Guðný Gunnlaugsdóttir gunny@365.is, Sigrún Guðmundsdóttir sigrunh@365.is KYNNINGARSTJÓRI: Einar Skúlason einar.skulason@365.is