Fréttablaðið - 16.12.2011, Blaðsíða 68

16. desember 2011 FÖSTUDAGUR48
folk@frettabladid.is
Mig langar að
spila eins oft
á Íslandi og
ég mögulega
get.
Rich Aucoin frá Kanada er
á leiðinni til Íslands í annað
sinn og spilar á Nasa 30.
desember. Hann er rísandi
stjarna í tónlistarbransan-
um og hefur vakið athygli
fyrir brimbrettatakta sína.
Kanadíski popparinn Rich Aucoin
stígur á svið á Nasa 30. desember
ásamt Retro Stefson og Of Mon-
sters And Men. Hann er rísandi
stjarna í heimalandi sínu og hefur
verið spáð góðu gengi á heimsvísu
í þekktum erlendum tímaritum.
Aucoin spilaði einmitt á Nasa
á Airwaves-hátíðinni í haust við
mjög góðar undirtektir. „Það var
alveg ótrúlega gaman. Ég hitti
mikið af frábæru fólki og fór í
skemmtileg partí,“ segir Aucoin
sem spilaði einnig á nokkrum
smærri tónleikum á hátíðinni.
Tónleikagestum á Nasa er vafa-
lítið eftirminnilegt þegar hann
fór með hugtakið „crowd surf“
alla leið og sveif um á brimbretti
yfir áhorfendaskaranum. Myndir
af uppátækinu birtust á síðu tón-
listartímaritsins Rolling Stone.
„Það var rosalega gaman. Ég hef
gert þetta örugglega sex
sinnum og hef þetta allt-
af mismunandi í hvert
skipi. Í fyrsta sinn próf-
aði ég þetta á útihátíð
þar sem þúsundir voru
að horfa á. Ég hef líka
gert þetta á pínulitlum
stöðum en á stöðum eins
og Nasa er þetta mjög
gaman. Þar er margt
fólk og allir geta líka séð
hvað er að gerast. Það er
líka gaman að gera þetta undir
þessari risastóru diskókúlu sem er
þar,“ segir Aucoinm. Hann fer ein-
mitt oft á brimbretti heima hjá sér
í Nova Scotia, meira að segja um
vetur þegar sjórinn er ískaldur.
Einnig reynir hann að nota tæki-
færið og fara á brimbretti á tón-
leikaferðum.
Eins og brimbretta-svif Aucoins
á tónleikum ber vott um er hann
ófeiminn við að tengjast tónleika-
gestum sterkum böndum. „Mér
finnst mjög mikilvægt að öllum
líði eins og þeir séu hluti af tón-
leikunum. Ég vil vera
eins mikið í áhorfenda-
skaranum og mögu-
legt er, ekki bara hanga
uppi á sviði og vera úr
tengslum við áhorfend-
urna.“
Aucoin gaf út sína
fyrstu breiðskífu, We´re
All Dying To Live, í
nóvember síðastliðnum
og hefur hún fengið mjög
góðar viðtökur, rétt eins
og skemmtilegt myndbandið við
lagið It. Þar syngur Aucoin gríp-
andi og dansvænt indípopp, þar
sem Arcade Fire er á meðal áhrifa-
valda.
Upptökurnar á plötunni stóðu
yfir í þrjú ár og aðferðafræði
Aucoins var óvenjuleg. „Ég bjó
til grunnútgáfu af plötunni upp
á eigin spýtur og svo ferðaðist
ég um landið og tók upp með um
fimm hundruð manns víðs vegar
um Kanada. Þetta var skemmti-
leg leið til að læra af og kynnast
mismunandi tónlistarmönnum. Ég
reyndi að fanga kanadísku tónlist-
arsenuna eins og ég gat. Þetta voru
allt frá heimaböndum sem spila
fyrir fimmtíu manns upp í Arcade
Fire og önnur stór, kanadísk bönd,“
segir hann en bassaleikari Arcade
Fire spilar í einu lagi á plötunni.
Aucoin er mjög ánægður með að
vera aftur á leið aftur til Íslands
og tekur fram að styttra sé að
fljúga hingað frá Nova Scotia en
hálfa leiðina yfir Kanada. „Mig
langar að spila eins oft á Íslandi
og ég mögulega get,“ segir hann og
ætlar að dvelja hér á landi á gaml-
árskvöld og vera hér til 5. janúar.
Á næsta ári verður nóg að gera
hjá Aucoin. Tónleikar hafa verið
bókaðir í Los Angeles, suðurríkj-
um Bandaríkjanna, Kanada og
Ástralíu, auk þess sem hann spil-
ar á hátíðinni South By Southwest
í Texas í mars. freyr@frettabladid.is
Maðurinn sem sörfaði á Airwaves
Á BRIMBRETTI Rich Aucoin á brimbretti á tónleikum í Bandaríkjunum fyrr á árinu. NORDIPCHOTOS/GETTY
Leonardo DiCaprio óskaði þess
að hann gæti fitnað hraðar þegar
hann var við tökur á mynd um
stofnanda FBI-leynilögreglunnar,
J. Edgar Hoover.
Hoover var vel í holdum þannig
að DiCaprio þurfti að klæðast
fitubúningi við tökurnar. „Ég var
stanslaust með innilokunarkennd
þannig að ég reyndi að fitna svo
ég þyrfti ekki að vera í bún-
ingnum. Ég gerði mitt besta en
það voru bara ekki nógu marg-
ar kökur á svæðinu til að það
tækist.“
Vildi fitna en
gat það ekki
OF GRANNUR DiCaprio fær góða dóma
fyrir frammistöðu sína sem FBI-stjórinn.
47
Hin nýfráskilda Kim Kardashian
átti gott kvöld með rapparanum
Kanye West eftir eina tónleika
þess síðarnefnda ef marka má
frásögn The New York Daily
News. Rapparinn hélt veislu eftir
tónleika sína í Los Angeles og var
Kardashian á meðal gesta þar.
„Kanye sveimaði eins og köttur
í kringum heitan graut þegar
Kim kom inn í herbergið. Hann
var stanslaust að snerta hana og
hefði líklega gefið henni
koss ef færra fólk hefði
verið í veislunni,“
var haft eftir sjón-
arvotti. Kardashian
var einnig orðuð við
West skömmu áður
en hún kynntist
eiginmanninum
fyrrverandi, Kris
Humphries.
Kanye daðr-
ar við Kim
SKOTIN Vel fór á
með Kim Kard-
ashian og Kanye
West í veislu
fyrir stuttu.
ÁRIN mun leikarinn Benjamin Bratt fylla í dag. Hann er
þekktastur fyrir leik sinn í sjónvarpsþáttunum Law & Order.