Saga - 2004, Síða 8

The United Kingdom and the European Community I, 1945–1963 (2002).
Hann hefur einnig ritað nokkuð um norska sögu, t.d. bókina The
Fascist Economy in Norway (1972) og greinina „Interdependence or
Integration? A National Choice“ (ásamt Vibeke Sørensen), sem birt-
ist í bókinni The Frontier of National Sovereignty. History and Theory
1945–1992 (1993).
Milward hefur hlotið fjölda viðurkenninga um ævina. Hann var
m.a. gerður að félaga í Bresku akademíunni árið 1987 og Konung-
legu norsku vísindaakademíunni árið 1995. Milward kom til
Íslands haustið 2003 í boði Sagnfræðistofnunar Háskóla Íslands til
að halda Minningarfyrirlestur Jóns Sigurðssonar og við það tæki-
færi ræddi Auðunn Arnórsson við hann. Samræðan fór fram á
Hótel Borg 9. október 2003 og tók Páll Björnsson þátt í henni.
— Fyrsta kennslustaðan á háskólastigi sem þú gegndir var á sviði ind-
verskrar fornleifafræði. Varstu að hugsa um að helga þig fornleifafræð-
inni?
Já, ég ætlaði mér að verða fornleifafræðingur þótt ég hefði reyndar
numið sagnfræði. Ég taldi að það væri ómaksins virði að reyna að
beita formfastri félagsvísindakenningu og aðferðafræði (rigorous
social science theory and method) í fornleifafræði; með því væri hægt
að auka vísindalegt gildi fagsins. Fornleifafræðin mætti vera félags-
vísindalegri en hún er að mínu mati, en vandinn er sá að á mörgum
sviðum fornleifafræði eru gögnin sem finnast svo brotakennd að
ekki er hægt að byggja nokkrar megindlegar félagsfræðilegar álykt-
anir á þeim.
— Var það þess vegna sem þú ákvaðst að halda þig við sagnfræðina?
Já. Ég prísa mig sælan fyrir að hafa farið þá leið. Ég hafði líka áhuga
á að vinna með krefjandi fræðikenningar, og fornleifafræðin bauð
einfaldlega upp á litla möguleika á slíku. Það skapast frjórri um-
ræður af því að vinna með slíkar kenningar. Það er á hinn bóginn
hægt að halda því fram að það ýti undir hugmyndaflug, sem
kannski er ekki æskilegt í fornleifafræði.
— Höldum okkur þá við sagnfræðina. Fyrsta bók þín, The German
Economy at War (1965), sem þú skrifaðir á grundvelli doktorsritgerð-
ar þinnar, fjallaði um efnahagslífið í Þýzkalandi á árum síðari heims-
styrjaldarinnar. Var það ekki óvenjulegt fyrir brezkan sagnfræðing á
þessum tíma að snúa sér að þýzkri sögu? Varstu að fylgja gagnrýni
MENN ÆTTU ALDREI AÐ SKRIFA Í VONDU SKAPI8
Saga 2004 - NOTA 1.12.2004 9:39 Page 8