Saga - 2004, Blaðsíða 26

gangi málsins. Hvidberg menntamálaráðherra sagðist þegar hafa
látið málið í skoðun með tilliti til þess hvað væri hægt að gera í sam-
bandi við sögukennslu í löndunum tveimur. Hann taldi Begtrup hafa
fullan rétt á skoðun sinni og að í sameiningu gætu þau og ættu að
gera eitthvað í málinu.27 Hansen rektor sagðist vera reiðubúinn til
að kynna málið í menningarmálanefnd Norðurlanda en benti hins
vegar á að helst væru norrænu félögin til þess fallin að taka að sér
þetta verkefni.28 Frantz Wendt, formaður Norræna félagsins í Dan-
mörku, sagði sögubókamálið hafa verið sett á dagskrá sögunefnd-
ar Norræna félagsins í Danmörku og að það yrði rætt á næsta fundi
um þriðja bindi Omstridde Spørsmål i Nordens Historie. Í þriðja bind-
inu yrði jafnframt fjallað um samband Íslands og Danmerkur.
Wendt tók það fram að bæði menningarmálanefnd Norðurlanda og
menntamálaráðuneyti Danmerkur yrði sagt frá framgangi málsins
af hálfu Norræna félagsins og þar með var að minnsta kosti laus-
legu samstarfi komið á.
Það tók nokkurn tíma að ákveða hvernig heppilegast væri að
hafa áhrif á sögukennslu þjóðanna tveggja. Frantz Wendt lagði sig
þó eftir því að sögubókamálið yrði unnið á vettvangi sögunefnda
norrænu félaganna.29 En sendiherrann fór að lengja eftir ákvörðun
danskra stjórnvalda um hvernig málið yrði unnið og skrifaði því
Albert Michelsen, skrifstofustjóra menntamálaráðuneytisins, tví-
vegis sumarið 1952.30 Í bréfunum ítrekaði sendiherrann að til að ná
fram breytingum á íslenskum kennslubókum mætti líta á aukna
umfjöllun um Ísland í dönskum bókum sem „mótgreiðslu“
(modydelse). Við þetta bætti Begtrup að Ísland hafi ekki leikið eins
stórt hlutverk í sögu Danmerkur og Íslendingar vilji vera láta. Auk
þess tilkynnti hún Michelsen að norrænu félögin væru byrjuð að
vinna í málinu. En Begtrup sagðist telja að það myndi hafa meiri
áhrif ef menntamálaráðherrar þjóðanna tveggja tækju málið upp og
lagði aftur áherslu á að danska menntamálaráðuneytið tæki form-
lega þátt í endurskoðun sögubókanna. Begtrup tilkynnti Michelsen
S VAVA R J Ó S E F S S O N26
27 Sama heimild. Bréf frá Flemming Hvidberg, menntamálaráðherra Danmerk-
ur, til Begtrup 30.8.1951.
28 Sama heimild. Bréf frá Hansen rektor til Begtrup 31.8.1951.
29 Sama heimild. Bréf frá Hansen rektor til Begtrup 15.10.1951, bréf frá Frantz
Wendt, formanni Norræna félagsins í Danmörku, til Hansens rektors 9.10.1951
og bréf frá Wendt til Begtrup 7.2.1952.
30 Sama heimild. Bréf frá Begtrup til Alberts Michelsens, skrifstofustjóra danska
menntamálaráðuneytisins, 29.7.1952 og 25.8.1952.
Saga 2004 - NOTA 1.12.2004 9:40 Page 26