Saga - 2004, Page 38

Í bréfinu til Monrads-Hansens gagnrýnir Begtrup Helga Briem fyrir
neikvætt viðhorf hans til stjórnar Dana á Íslandi og telur að hann
vilji gera sig að hetju á Íslandi og afla sér vinsælda í Svíþjóð með
því að láta slíkar skoðanir í ljós.68 Hún taldi því framkomu íslenska
sendiherrans óeðlilega enda hafi hann notið góðs af námi sínu í
Danmörku. Þrátt fyrir það sagði Begtrup það vera meginreglu sína
að láta ekki til skarar skríða gegn einstökum mönnum vegna ásak-
ana þeirra en hins vegar vildi hún fylgjast með skrifum Helga
áfram og bað því Monrad-Hansen um að láta sig vita er nýtt upp-
lag af Iceland kæmi út.
Vaxandi vilji til að skoða samskipti Íslands og Danmerkur í nýju
ljósi kom hins vegar fram í samtali sem Helgi Elíasson fræðslu-
málastjóri átti við Begtrup, líklega í ágúst 1953.69 Þá sagðist Helgi
orðinn óþreyjufullur eftir breytingum á sögubókum og sagði henni
frá setu sinni á fundi menningarmálanefndar Norðurlanda í Osló í
ágúst þar sem hann tók þátt í viðræðum um sögubókamálið. Fund-
inn sátu einnig Flemming Hvidberg, menntamálaráðherra Dana, og
Albert Michelsen, skrifstofustjóri danska menntamálaráðuneytis-
ins. Helgi sagðist hafa sett fram kröfu um að breytingar yrðu gerð-
ar á sögubókunum og lýsti hann yfir þeirri skoðun sinni að árang-
urinn af starfinu hefði hingað til verið mjög lítill. Helgi sat einnig
fund sem haldinn var í Reykjavík dagana 9.–11. ágúst 1954, þar sem
saman voru komnir allir skólastjórar héraðs-, gagnfræða- og mið-
skóla á Íslandi auk námsskrárnefndarmanna, og auk þess sat hann
námskeið í móðurmáli og sögu sem haldið var í júní 1955, að til-
hlutan hans og Landssambands framhaldsskólakennara.70 Á þess-
um fundum kom fram að þörf væri á nýjum kennslubókum í Ís-
landssögu og á þeim fyrrnefnda var samþykkt tillaga þess efnis.
Einkum var Bodil Begtrup illa við kennslubækur Jónasar frá
Hriflu og sagði þær vera einstrengingslegar og fjandsamlegar Dön-
um. Hún getur þess í endurminningum sínum að hafa talað ein-
stöku sinnum við Jónas um sögukennsluna. Hann hafi talið að bæk-
ur hans ættu rétt á sér og hélt því fram af ástríðu að nauðsynlegt
S VAVA R J Ó S E F S S O N38
68 RA. Udenrigsministeriet. Representationer i udlandet. Ambassade Rvk. 154,
F.2.I. Historisk udvikling mellem Danmark og Island [1951–1954]. Bréf frá
Begtrup til K.A. Monrads-Hansens sendiherra 26.5.1954.
69 Sama heimild. Minnisblað Begtrup 22.8.1953.
70 ÞÍ. Menntamálaráðuneytið. Fræðslumáladeild. Kennaramót og ráðstefnur. —
Bjarni Vilhjálmsson og Helgi Þorláksson, „Kennaranámskeið í móðurmáli og
sögu“, bls. 280–283.
Saga 2004 - NOTA 1.12.2004 9:40 Page 38