Saga - 2004, Side 45

hvaða árangur varð af þessari tilraun Begtrup og ekki er að sjá að
umfjöllun Ord och Bild um Ísland eða samskipti þess við Danmörku
hafi aukist að ráði fyrstu árin eftir að sendiherrann skrifaði honum.
Begtrup vildi jafnframt fá félagasamtök til að stuðla að auknum
skilningi milli Dana og Íslendinga. Í þeim tilgangi reyndi hún að
vekja áhuga Gudmunds Schacks, heildsala og formanns danskra
Rótarý-klúbba haustið 1952.96 Schack tilkynnti sendiherranum í júní
1953 að Rótarý-samtökin hefðu ekki setið auðum höndum.97 Þau
hefðu þegar hafist handa við að auka samskipti sín við íslensku
Rótarý-klúbbana. Á þessum árum reyndu íslenskir Rótarý-klúbbar
einnig að auka tengslin við norræna Rótarý-klúbba á ýmsa vegu98 en
í umræðum á ársþingi Rótarý-klúbbanna á Íslandi árið 1955 komu
þau sjónarmið fram að íslenska Rótarý-umdæmið fengi litla umfjöll-
un í norræna Rótarý-ráðinu og ef til vill væri því um að kenna hve
sjaldan íslensku Rótarý-klúbbarnir sendu fulltrúa á þing þess.
Enn er þess að geta að sendiherrann hafði átt samtal í New York
við Eiler Jensen, formann Samtaka stéttarfélaga (De samvirkende
Fagforbund), um leiðir til að auka gagnkvæman skilning á milli
Dana og Íslendinga. Begtrup skrifaði Jensen síðan í febrúar 1953 og
skýrði frá því að hún teldi mjög brýnt að samtök á borð við
Fræðslusamband verkamanna (Arbejdernes Oplysnings-Forbund)
tækju þátt í að auka þennan gagnkvæma skilning.99 Begtrup stakk
upp á kynningu um Ísland í Danmörku með fyrirlestrum og kvik-
myndasýningum, auk þess sem hún benti á að það væri menning-
arnefnd innan Samtaka stéttarfélaga sem Fræðslusambandið gæti
ef til vill unnið með.100
Begtrup hafði sýnt því áhuga að virkja fræðimenn í þeim til-
gangi að stuðla að bættum samskiptum Íslands og Danmerkur. Í
B O D I L B E G T R U P 45
96 Sama heimild. Bréf frá Begtrup til Gudmunds Schacks, formanns danskra
Rótary-klúbba, 17.9.1952.
97 Sama heimild. Bréf frá Schack, formanni danskra Rótarý-klúbba, til Begtrup
15.6.1953.
98 Sjöunda ársþing íslenzku Rótaryklúbbanna, bls. 29–32. — Áttunda ársþing ís-
lenzku Rotaryklúbbanna, bls. 77–78.
99 RA. Udenrigsministeriet. Representationer i udlandet. Ambassade Rvk. 154,
F.2.I. Historisk udvikling mellem Danmark og Island [1951–1954]. Bréf frá
Begtrup til Eilers Jensens, formanns Samtaka stéttarfélaga, 9.2.1953.
100 Frekari rannsókna er þörf í Danmörku til að fá botn í það hvort viðleitni Beg-
trup til að virkja Samtök stéttarfélaga og Fræðslusamband verkamanna hafi
borið nokkurn árangur.
Saga 2004 - NOTA 1.12.2004 9:40 Page 45