Saga - 2004, Qupperneq 46

febrúar og mars árið 1953 átti hún í bréfaskiptum við tvo fræði-
menn, þá Franz From prófessor og Jørgen Steining aðjúnkt.101
Begtrup hafði frétt af sálfræðirannsóknum Froms á mannlegum
samskiptum og taldi margt sameiginlegt með rannsóknum hans
og eigin störfum. Því reyndi hún að vekja áhuga prófessorsins á
sambandi þjóðanna tveggja en ekki er að sjá að From hafi svarað
bréfinu. Jørgen Steining leitaði álits og aðstoðar sendiherrans
vegna útgáfu á sjötta bindi ritsins Danmark og Island sem áður hef-
ur verið nefnd. Steining taldi gagnlegt að gefa út auðlesnari út-
gáfu fyrir almenning og bað sendiherrann um að styðja styrkum-
sókn sína til Sáttmálasjóðs. Begtrup tók undir að þörf væri á slíku
riti fyrir almenning en varð að neita honum um stuðning við um-
sókn hans þar sem hún hefði þegar lýst yfir stuðningi við aðra að-
ila.102
Bodil Begtrup reyndi einnig að stuðla að samstarfi íslenskra og
danskra fornleifafræðinga. Í bréfi til Johannesar Brøndsteds, pró-
fessors og framkvæmdastjóra Þjóðminjasafns Danmerkur, í mars
1954, harmaði hún að Alþingi Íslendinga hefði veitt norskum forn-
leifafræðingi styrk til rannsókna í Skálholti.103 Begtrup sá því ekki
fram á að af áætlun þeirra Brøndsteds yrði, en þau höfðu viljað að
Danir tækju þátt í uppgreftinum í Skálholti. Begtrup sagðist sár yfir
þessu því að sérhvert samvinnuverkefni þjóðanna skipti máli.
Nær tvö ár liðu án þess að minnst væri á bókaskrif um samband
Íslands og Danmerkur í embættisskjölum sendiherrans.104 Skyndi-
lega var svo hætt við að gefa út rit um samband þjóðanna í aldanna
rás en Begtrup taldi of snemmt að gefa út slíkt rit þar sem málið
væri enn of viðkvæmt.105 Hún vildi samt ekki gefa bókaútgáfuna
upp á bátinn og taldi að mikil þörf væri á bók á dönsku um dansk-
íslenska sögu.106
S VAVA R J Ó S E F S S O N46
101 Sama heimild. Bréf frá Begtrup til Franz Froms prófessors 24.2.1953 og bréf
frá Jørgen Steining aðjúnkt til Begtrup 19.2.1953.
102 Sama heimild. Bréf frá Begtrup til Jørgens Steinings aðjúnkts 4.3.1953.
103 Sama heimild. Bréf frá Begtrup til Johannesar Brøndsteds prófessors
23.3.1954.
104 RA. Udenrigsministeriet. Representationer i udlandet. Ambassade Rvk. 154,
F.2.II. Historisk udvikling mellem Danmark og Island [1955–1958]. Bréf frá
Axel Linvald þjóðskjalaverði til Begtrup 28.1.1955.
105 Sama heimild. Bréf frá Begtrup til Pouls Westermanns 7.3.1955 og 16.3.1955,
bréf frá Westermann til Begtrup 11.3.1955.
106 Sama heimild. Bréf frá Begtrup til Pouls Westermanns 7.3.1955 og 16.3.1955.
Saga 2004 - NOTA 1.12.2004 9:40 Page 46