Morgunblaðið - 26.02.2011, Blaðsíða 20

20 FRÉTTIRInnlent
MORGUNBLAÐIÐ LAUGARDAGUR 26. FEBRÚAR 2011
BAKSVIÐ
Gísli Baldur Gíslason
gislibaldur@mbl.is
Andlit miðborgar Reykjavíkur er
smám saman að breytast. Á horni
Lækjargötu og Austurstrætis rísa
nú þrjú hús. Loksins, kunna ein-
hverjir að segja, því framkvæmdir á
reitnum hafa verið í bígerð síðan
húsin þar brunnu svo eftirminnilega
vorið 2007.
Húsin eru öll í gömlum stíl og eru
byggð eftir fyrirmynd forvera sinna
á lóðinni. Austurstræti 22 hefur ver-
ið endurgert sem stokkahús, eins og
það var árið 1807. Húsið við Lækj-
argötu 2 er eins og það var fyrir
brunann, nema einni hæð hærra.
Fyrir aftan þessi hús leynist svo
Lækjargata 2a, sem er endurgerð
Nýja bíós. Gríðarlega stór kjallari
liggur undir öllum reitnum og teng-
ir húsin saman. Framkvæmdin er á
vegum Reykjavíkurborgar.
„Þetta er mjög flókin fram-
kvæmd,“ segir Pétur Einarsson,
verkstjóri hjá Eykt. Hann segir
staðsetninguna á reitnum, í hjarta
miðborgarinnar, spila þar inn í. Á
annan tug verktaka kemur að fram-
kvæmdum á reitnum.
Stefnt er að því að fram-
kvæmdum verði lokið að mestu í
byrjun maí. Þegar hefur verið
ákveðið hvaða starfsemi verður í
húsunum að hluta. Efstu hæðunum í
Lækjargötu 2 og 2a hefur þó ekki
enn verið ráðstafað. Mikil eftirspurn
hefur verið eftir rýminu í nýju hús-
unum, að sögn Kristínar Ein-
arsdóttur, aðstoðarsviðsstjóra hjá
Framkvæmda- og eignasviði borg-
arinnar.
Veitingastaðir og verslanir
Á jarðhæð Lækjargötu 2 verða
tvær verslanir starfræktar. Ferða-
mannaverslunin Nordic Store verð-
ur á horninu og þar við hliðina verð-
ur skartgripaverslunin Leonard. Í
stokkahúsinu við Austurstræti verð-
ur veitingastaðurinn HaPP, sem
sérhæfir sig í hollustumat. Í „Nýja
bíói“ verður veitingastaður Hrefnu
Sætran og Ágústs Reynissonar sem
í dag reka Fiskmarkaðinn.
Morgunblaðið/Kristinn
Nýtt andlit
miðborgar
 Nýju húsin á horni Lækjargötu og
Austurstrætis opnuð í byrjun maí
Bogar Á jarðhæð og í kjallara Lækjargötu 2a verður
veitingastaður Hrefnu Sætran og Ágústs Reynissonar.
Styttist í opnun Þessa dagana er verið að leggja lokahönd á klæðningu Lækjargötu 2. Þegar því lýkur, sem er ætl-
að að verði eftir nokkrar vikur, munu grænu girðingarnar sem umkringja húsið hverfa á brott.
Bjartur salur Ekki hefur enn verið ákveðið hver mun
leigja efstu hæð Nýja bíós af Reykjavíkurborg.
MMeira á mbl.is
Morgunblaðið/Kristinn
Nýtt útlit Götumyndin hefur breyst nokkuð upp á síðkastið.
Útsýni yfir miðborgina Efsta hæð Lækjargötu 2 er hærri en áður og skartar nú svölum. Hæðinni hefur ekki verið ráðstafað enn, en ætlað er að þar verði einhvers konar atvinnustarfsemi.