Morgunblaðið - 15.04.2011, Qupperneq 18

18 FRÉTTIRInnlent
MORGUNBLAÐIÐ FÖSTUDAGUR 15. APRÍL 2011
VIÐTAL
Ágúst Ingi Jónsson
aij@mbl.is
„Ég flaug inn í myrkrið og vissi ekki
á hverju ég átti von hér á Sval-
barða,“ segir Sigfús Ófeigur Kon-
ráðsson, eini Íslendingurinn sem
býr á staðnum. Honum líkar vel
dvölin í Longyearbyen á Spits-
bergen, megineyjunni í Svalbarða-
klasanum. „Það er oft talað um
Svalbarða-vírusinn og ég held að ég
hafi fengið hann strax á fyrstu mán-
uðunum. Ef þú kemst í gegnum
fyrsta myrka tímabilið og þér líkar,
þá ertu í góðum málum. Ég þekkti
engan þegar ég kom hingað, en nú
stefni ég á að vera hér einhver ár í
viðbót.“
Sigfús fæddist á Akureyri fyrir
rúmum 30 árum, en fluttist ungur
með foreldrum sínum til Svíþjóðar.
Þar starfa foreldrar hans í Upp-
sölum, Konráð Konráðsson háls-,
nef- og eyrnalæknir og Guðbjörg
Ófeigsdóttir hjúkrunarfræðingur.
Systkini hans, Signý og Konráð, búa
einnig í Svíþjóð. Sigfús bjó í Lundi
og lauk prófi sem viðskiptafræð-
ingur frá háskólanum í Linköping
árið 2004. Hann starfaði um tíma í
Svíþjóð en svo lá leiðin til Íslands
eins og lengi hafði verið á döfinni.
Slátrari og fjárhirðir
„Ég flutti til Íslands árið 2006 og
starfaði hjá BYKO fram yfir hrun,“
segir Sigfús. „Ég flutti aftur út 2009
og eftir að hafa auglýst eftir starfi
réð ég mig tímabundið í vinnu í slát-
urhúsi í Noregi og vann við að
slátra sauðfé í sláturtíðinni þar
haustið 2009. Svo söðlaði ég alveg
um og réð mig sem fjárhirði í Ísrael
í nokkra mánuði. Meðan ég var í
Noregi fékk ég enn eitt svarið við
auglýsingunni minni og var nú boðið
að starfa sem þjónn á Spitsbergen-
hótelinu á Svalbarða. Ég var tilbú-
inn í fleiri ævintýri og réð mig snar-
lega.“
Með háskólanámi hafði Sigfús
starfað um tíma sem þjónn og fljót-
lega eftir að hann kom til Svalbarða
var hann orðinn yfirþjónn á hót-
elinu, sem frá gamalli tíð gengur
undir heitinu Funken og stendur
efst í þorpinu. Þar eru 88 herbergi
og 122 rúm og mikið að gera yfir há-
vertíðina. Fyrri törnin byrjar með
marsmánuði og stendur fram í maí
þegar snjóa leysir á vesturströnd
Spitsbergen.
Hótelherbergi kostar drjúgt
Gisting á hótelunum á Svalbarða
er ekki gefin og í aprílmánuði er al-
gengt að nótt í eins manns herbergi
kosti yfir 50 þúsund krónur sam-
kvæmt verðlista.
Síðan kemur tími skemmti-
ferðaskipanna frá miðjum júní fram
undir lok ágústmánaðar, en þá er
orðið nánast íslaust í fjörðunum
vestan megin, þökk sé Golf-
straumnum. Gjarnan er flogið með
farþega skipanna til Svalbarða og
gista þeir þar í eina nótt áður en
haldið er í vikusiglingu um norð-
urslóðir. Aftur er gist í eina nótt á
Svalbarða áður en haldið er heim á
leið. Hátt í 30 skemmtiferðaskip
komu til Svalbarða í fyrrasumar.
„Annars er alltaf eitthvað um að
vera í ferðamennskunni hér á Sval-
barða eins og sést á því að í fyrra
komu hingað um 65 þúsund ferða-
menn,“ segir Sigfús. „Ég er búinn
að vera hérna á hótelinu í rúmt ár
og hef því upplifað eitt myrkt tíma-
bil, en í desember og janúar er hér
myrkur allan sólarhringinn. Sólinni
er síðan fagnað hér 8. mars og fljót-
lega taka við fjórir albjartir mán-
uðir.
Fólk er náið í myrkrinu
Á þessum tíma er samt talsvert af
ferðamönnum, en á þeim tíma eru
færri vinnandi hendur því margir
heimamenn fara í frí á þessum tíma.
Ég held að ég hafi unnið yfir 220
vinnustundir bæði í desember og
janúar. Maður var nánast alltaf í
vinnunni. Heimamenn taka myrkr-
inu með ótrúlegu jafnaðargeði og
ferðamönnum finnst þetta spenn-
andi. Þeir ylja sér við tunglskinið og
norðurljósin, sem geta orðið ótrúleg
hérna norðurfrá.
Fólk er náið þennan tíma og tek-
ur hver utan um annan. Hittast á
jólahlaðborðum og halda jól og ára-
mót saman. Mér fannst þetta bara
Á Svalbarða
» Með Parísarsamningnum
um Svalbarða árið 1920, tók
gildi 1925, voru Noregi falin
fullveldisréttindi yfir Sval-
barða. Aðildarríki samningsins
eru 40 og er Ísland þar á með-
al. Í samningnum er kveðið á
um jafnréttisreglu aðildarríkja.
» Svalbarða-eyjaklasinn, sem
kenndur er við kalda strönd, er
samtals um 62 þúsund ferkíló-
metrar. Það er hálf önnur Dan-
mörk að flatarmáli og til sam-
anburðar má nefna að
flatarmál Íslands er 103 þús-
und ferkílómetrar.
» Um 2.000 manns búa í
Longyearbyen á Spitsbergen
sem er stærsta eyjan. Tæplega
400 Rússar og Úkraínumenn
búa í Barentsburg.
» Albjart er frá 7. apríl til 7.
ágúst, en myrkur í desember
og janúar.
» Alþjóðleg rannsóknastöð er í
Nýja-Álasundi og í Hopen ráða
sjö Pólverjar ríkjum. Þrjár veiði-
stöðvar eru á eyjunum og einn
maður í hverri, langt fjarri bæj-
unum. Þeir veiða einkum heim-
skautaref. Stór hluti eyjanna er
friðaður og umferð takmörkuð
um aðra hluta þeirra.
» Land var numið á eyjunum ár-
ið 1596 af Hollendingnum Bar-
entsz. Fljótlega voru stöðvar
hvalveiðimanna settar upp og
veiðimenn frá mörgum þjóðum
komu að veiðum og vinnslu. Í lok
19. aldar varð Svalbarði miðstöð
landkönnuða á leið norður á
bóginn.
» Nú eru þrjár stoðir sam-
félagsins á Svalbarða rann-
sóknir, ferðamennska og kola-
námur. Stóra Norska rekur
Svea-námuna, Rússarnir eru í
Barentsburg, en engin vinnsla
er lengur i Piramiden og er þar
„draugaþorp“. Um tíma hefur
verið til umræðu að koma upp
fiskmóttöku á Svalbarða.
» Í raun eru ekki margar dýra-
tegundir á Svalbarða, nefna
má hreindýr, heimskautaref og
ísbirni, en þeir eru um þrjú
þúsund á eyjunum og getur
karlinn orðið um 800 kíló að
þyngd. Jurtir eru heldur ekki
fjölbreyttar í sífreranum.
» Skammt frá flugvellinum við
Longyearbyen er fræhellir, sem
geymir fræ um 4,5 milljón
matjurta alls staðar að úr
heiminum. Þau eru varðveitt
við 18 gráða frost.
» Longyearbyen er ekki lífs-
hlaupsstaður eins og Norð-
menn orða það, þar er hvorki
fæðingardeild né elliheimili.
» Glæpir eru fátíðir og ekki er
að finna félagsþjónustu í
venjulegum skilningi þess
orðs. Talsvert er hins vegar um
slys í námunum og mikið um
leit og björgun ferðafólks.
Sýslumaður ræður m.a. yfir
Super Puma-þyrlu.
» Árið 2002 var í fyrsta skipti
kosið til sveitarstjórnar á Sval-
barða. Verkefni hennar eru lík
og hjá öðrum sveitarstjórnum,
m.a. skólar og veitur. Þrír leik-
skólar, grunnskóli og mennta-
skóli eru í Longyearbyen.
„Flaug inn í myrkrið“
 Sigfús Konráðsson fékk Svalbarða-vírus strax eftir komuna til Longyearbyen
 Fannst myrkrið yfir háveturinn þægilegur tími og segir alla vera aðkomumenn
Vor í lofti Sigfús Konráðsson léttklæddur í Longyearbyen í liðinni viku. Það
er mikið að gera á hótelunum og verður svo meira og minna fram í ágúst.
Morgunblaðið/Ágúst Ingi Jónsson
Miðbærinn Á göngu í miðbæ Longyearbyen á Svalbarða. Í næsta nágrenni eru skrifstofur bæjarins, menningarhúsið sem var tekið í notkun á síðasta ári,
verslanir og veitingastaðir sem sumir hafa dregið borð og stóla út á pall. Stærstu vinnustaðir eru í námunni, háskólanum og við ferðaþjónustu.