Morgunblaðið - 17.06.2011, Blaðsíða 10

10 DAGLEGT LÍF
MORGUNBLAÐIÐ FÖSTUDAGUR 17. JÚNÍ 2011
Morgunblaðið/Sigurgeir S.
Götuleikhúsið Fjórtán ungmenni munu gleðja gesti miðbæjarins í sumar með skemmtilegum uppákomum. Hér er
hópurinn samankoninn ásamt Aðalbjörgu og Unu sem sjá um starfið í sumar.
Ingveldur Geirsdóttir
ingveldur@mbl.is
Fuglarnir verða ekki þeireinu sem dvelja í Tjörn-inni í Reykjavík í dagþví þar hefur tekið sér
bólfestu dreki einn. Það er Götu-
leikhús Hins hússins sem býður
gestum í miðbænum upp á dreka
og baráttu góðs og ills þjóðhátíð-
ardaginn 17. júní. Sagan segir að
vond konungshjón hafi tekið
völdin í landinu. Það tókst þeim
með því að fanga drekann í
Tjörninni og siga honum á óvini
sína. Ömmu Þórgunni og fjöl-
skyldunni frá Kátakoti er nú nóg
boðið. Þau hafa ákveðið að losa
landið við vondu konungshjónin
með því að frelsa drekann.
„Það er gaman að koma því
til skila að drekinn er góður.
Börn þurfa ekki að verða hrædd
við hann. Ég man eftir því þegar
ég var lítil 17. júní, þá sá ég tvo
dreka sem börðust í Lækjargötu
og ég gleymi því aldrei, “ segir
Aðalbjörg Árnadóttir, leikstjóri
Götuleikhússins.
Fjórtán ungmenni á aldr-
inum 17 til 25 ára starfa í Götu-
leikhúsinu í sumar. Auk Aðal-
bjargar stýrir Una Stígsdóttir
hópnum en hún sér aðallega um
útlit og búninga. „Sýningin í dag
er sú stærsta sem við erum með í
sumar. Þannig að við ákváðum að
vera barnvæn og búa til ævintýri
með dreka, góða fólkinu og vonda
fólkinu,“ segir Aðalbjörg.
Með brennandi áhuga
Götuleikhúsið er með aðstöðu
í Listasmiðjunni á Lindargötu og
þar hefur mikið gengið á undan-
farna daga. „Við erum búin að
vera núna í tvær vikur að æfa á
morgnana og smíða seinnipart-
inn,“ segir Aðalbjörg.
Tvö hundruð og fjörutíu ung-
menni sóttu um starf í Götuleik-
húsinu í sumar og þurfti Aðal-
björg að velja fjórtán úr þeim
Barátta góðs og ills
við Tjörnina í dag
Götuleikhús Hins hússins er orðið vel þekkt á meðal fólks í borginni enda hefur
leikhúsið verið starfrækt yfir sumartímann frá árinu 1992. Í dag setur Götuleik-
húsið upp sýningu við Tjörnina þar sem fjölskyldan í Kátakoti frelsar góða drek-
ann úr klóm vondu konungshjónanna og riddara þeirra.
Hann Jón karlinn Sigurðsson skipar
stórt hlutverk í dag. Jón fæddist 17.
júní árið 1811 á Hrafnseyri í Arnar-
firði. Jón, stundum nefndur forseti,
var leiðtogi Íslendinga í sjálfstæðis-
baráttunni á 19. öld og þakka má
honum meðal annars að við erum
sjálfstæð þjóð í dag. Fæðingardagur
hans var valinn sem þjóðhátíðar-
dagur okkar þegar Lýðveldið Ísland
var stofnað hinn 17. júní árið 1944.
Vefsíðan Jonsigurdsson.is var sett
á laggirnar af nefnd sem var skipuð
til að undirbúa hvernig minnast eigi
þess að í dag verða liðin 200 ár frá
fæðingu Jóns Sigurðssonar forseta.
Nefndin hefur undirbúið ýmis verk-
efni vegna afmælisársins en viða-
mest eru endurgerð Safns Jóns Sig-
urðssonar á Hrafnseyri. Á síðunni má
lesa ýmislegt um Jón og safnið á
Hrafnseyri auk þess sem sjá má við-
burði sem eru tengdir Jóni.
Vefsíðan www.jonsigurdsson.is
Forsetinn Jón Sigurðsson stendur sperrtur á Austurvelli alla daga.
Jón forseti á afmæli í dag
Blómin springa út og þau svelgja í sig sól.
Sumarið í algleymi og hálft ár enn í jól.
Í hjarta sínu fólkið gleðst og syngur lítið
lag, því lýðveldið Ísland á afmæli í dag.
Hæ, hó, jibbí, jei og jibbí, jei.
Það er kominn 17. júní.
Hæ, hó, jibbí, jei og jibbí, jei.
Það er kominn 17. júní.
Þetta yndislega lag var samið af
Hauki Ingibergssyni og Bjartmar
Hannesson samdi textann. Dúmbó og
Steini sáu svo um að flytja það og
gera frægt á sínum tíma. Nú er það
orðið fastur liður 17. júní og heyrist
víða þennan hátíðisdag.
Endilega …
… fáið þetta
lag á heilann
17. júní Það raula eflaust margir lag-
ið „Hæ, hó, jibbí, jei“ í dag.
Konur kaupa föt fyrir um það bil
helming líkamsþyngdar sinnar á
hverju ári.
Rithöfundurinn Lucy Siegle komst
að því þegar hún skrifaði bókina To
Die For: Is Fashion Wearing Out the
World? að venjuleg kona á Vestur-
löndunum kaupir föt sem vega sam-
tals um þrjátíu kíló á ári hverju. Kem-
ur þetta fram á vefsíðunni
Cocoperez.com.
Siegle segir einnig í bók sinni að
venjuleg kona eigi að meðaltali um
tuttugu flíkur í fataskápnum sínum
sem hún hefur aldrei klæðst. Verður
það að teljast þónokkur fjöldi og auð-
séð að þessar ónotuðu flíkur taka
töluvert pláss í fataskápnum. Þá er
spurning hvort það sé ekki kominn
tími á vorhreingerningu og fara með
einn poka í Rauða krossinn.
Tíska
Konur kaupa föt á ári hverju
sem vega samtals þrjátíu kíló
Reuters
Innkaup Föt geta vegið heilmikið.
Skannaðu kóðann
til að fara inn á
vefsíðuna.
KILJA
„… húmor og kaldhæðni …
Skemmtanagildi hennar
er … ótvírætt …“
IFV / DV
„… skemmtileg skrif …
djörf tilraun …“
PBB / FRÉTTATÍMINN
VERULEIKINN
slær öllum skáldskap við