Morgunblaðið - 17.06.2011, Blaðsíða 36

Menning
MORGUNBLAÐIÐ FÖSTUDAGUR 17. JÚNÍ 2011
Á fyrstu plötu Megasar
yrkir skáldið um margar
af helstu hetjum okkar
Íslendinga. Þar eru menn
eins og Ingólfur Arn-
arson, Egill Skalla-
Grímsson, Snorri Sturlu-
son, Jón Arason og fleiri
teknir óblíðum tökum.
Jón Sigurðsson slapp
þó betur en mörg hetjan
og hefði verið hægt að fjalla um
viðkvæmari hluti í sögu hans. En
enginn vafi leikur á því að myndin
af Jóni nöktum í rauðum slopp
brúkandi gylltan kopp væri efni í
góða styttu.
Jón Sigurðsson og sjálf-
stæðisbarátta Íslendinga
Ó Jón Sigurðsson var
sveitungi óþekktrar konu
hann sigldi til Hafnar
að nema þar einhver fræði
og krefja Dani einarðlega
íslenskum einum til handa um
landsins gögn og gæði
Hann mátti ekkert aumt sjá
það er staðreynd
og einatt gekk hann
nakinn í rauðum slopp
um íbúð sína sem einhver
kaupahéðinn gaf Íslandi
nýskeð og brúkaði gylltan kopp
Nú er Jón dauður en
sjálfstæðisbaráttan blífur
við berjumst til þrautar
fyrir tungu og frelsi
og við gefum af bókum
út eitthvert firnafár
og förgum stundarhagsmunum fyrir
nýtt helsi
Lag og texti:
Megas
Megas og Jón
Jón Sigurðsson 200 ára
Megas
Díana Rós A. Rivera
diana@mbl.is
Helga Kristbjörg Guðmundsdóttir
harmonikkuleikari hlaut í gær við-
urkenningu úr Minningarsjóði
Kristjáns Eldjárns gítarleikara við
athöfn sem fór fram í Listasafni Sig-
urjóns Ólafssonar. Þetta er í þriðja
sinn sem þessi viðurkenning er veitt
til framúrskarandi tónlistarmanns.
Ákveðin innspýting
Helga Kristbjörg lagði stund á
harmonikkuleik við Tónlistarskóla
Ísafjarðar nær óslitið frá árunum
1995-2007 og hlaut ýmsar viðurkenn-
ingar fyrir góðan námsárangur í
skólanum. Haustið 2004 var hún í
námi í Frakklandi við tónlistarskól-
ann Centre National & Internationl
de Musique & d’Accordéon og vorið
2010 lauk hún B.Mus.-prófi frá
Listaháskóla Íslands, fyrst nemenda
til að úskrifast í harmonikkuleik frá
skólanum. Hún var valin harmon-
ikkumeistari Sambands íslenskra
harmonikkuunnenda árið 2010 og
hefur starfað bæði sem harmonikku-
leikari og -kennari.
Spurð hvaða þýðingu viðurkenn-
ing af þessu tagi hefur fyrir hana
segist Helga Kristbjörg varla hafa
trúað því í fyrstu að hún hefði orðið
fyrir valinu. „Þetta er gríðarlega
mikill heiður og viðurkenning. Þetta
er líka mikil hvatning og ákveðin inn-
spýting fyrir mann. Styrkur af þessu
tagi gefur mér einnig tíma til að æfa
mig og gerir mér kleift að einbeita
mér að tónlistinni.“
Framhaldsnám á dagskrá
Helga Kristbjörg segist alltaf hafa
verið heilluð af harmonikkunni og
því valið að læra á hana þegar hún
hóf tónlistarnám. Velgengni sína
segist hún meðal annars þakka þrot-
lausum æfingum. „Þetta er blanda
held ég af miklum æfingum og
þrautseigju og svo er ég búin að vera
í þessu svo rosalega lengi og er alltaf
að spila. Svo verður maður að hafa
einhverja hæfileika líka og vonandi
eru þeir þarna,“ segir hún og hlær.
Að sögn Helgu hyggst hún kenna í
haust auk þess að undirbúa sig fyrir
frekara nám þótt enn sé allt frekar
óljóst hvað það varðar. „Ég ætla
kannski að sækja einhverja einka-
tíma og undirbúa mig fyrir inntöku-
próf í tónlistarskóla en ég veit ekki
alveg hvaða. Ég verð að fara út þar
sem það er ekki hægt að taka meist-
arapróf í hljóðfæraleik á Íslandi. Það
hefur alltaf verið planið að fara í
framhaldsnám þótt það hafi kannski
tafist aðeins. Ég er að vinna í þessu,“
segir Helga að lokum.
Harmonikkan heillar
 Fær viðurkenningu úr Minningarsjóði Kristjáns Eldjárns
Morgunblaðið/Sigurgeir S.
Heiður Helga Kristbjörg Guðmundsdóttir harmonikkuleikari hlaut í gær
viðurkenningu úr Minningarsjóði Kristjáns Eldjárns gítarleikara.
Í dag og á morgun verður flutt nýtt
dansverk, Out of Our Hands, sem
unnið er í samvinnu íslenska dans-
hópsins Raven, sænska hópsins
Blauba, tónlistarmannsins Madeleine
Jonsson og hljómsveitarinnar Heima.
Verkið er sprottið af samstarfi vina-
bæjanna Kópavogs og Norrköping,
en einnig koma að því Dansverk-
stæðið og Klassíski listdansskólinn.
Out of Our Hands er um tuttugu
mínútna dansverk fyrir átta dansara
með lifandi tónlist. Það er samið fyrir
óhefðbundið rými og áhersla er lögð á
að færa dansinn og listina nær al-
menningi. Fyrir vikið verður verkið
sýnt úti á götu í almenningsrými, en
einnig verður eins sýning á því á
Dansverkstæðinu og þar fara einnig
fram opnar umræður um verkefnið í
tengslum við sýninguna.
Í kynningu á verkinu kemur fram
að innblásturinn sé fenginn úr nátt-
úrunni og unnið með afl líkamans, en
verkið er mjög líkamlega krefjandi.
Samstarfinu verður haldið áfram í
Norrköping í Svíþjóð sumarið 2012.
Verkið verður sýnt á Austurvelli
kl. 14 í dag og á Rútstúni í Kópavogi
kl. 17. Á morgun verður síðan sýnt á
Hjartatorgi, milli Laugavegar og
Hverfisgötu, kl. 15 og á Dansverk-
stæðinu, Skúlagötu 28, kl. 17. Að lok-
inn sýningunni þar verða opnar um-
ræður með listamönnunum.
arnim@mbl.is
Norrænt dansverk í óhefðbundið rými
Afl Íslenskir og sænskir listamenn æfa fyrir dansverkið Out of Our Hands.
Morgunblaðið/Kristinn
Ársrit Sögufélags
Ísfirðinga er að
þessu sinni helg-
að minningu Jóns
Sigurðssonar for-
seta. Í ritinu eru
sex greinar sem
fjalla um Jón Sig-
urðsson frá ýms-
um sjón-
arhornum. Jón Þ.
Þór skrifar yf-
irlitsgrein um ævi Jóns og störf auk
þess sem hann skrifar annars vegar
um sagnfræðinginn Jón Sigurðsson
og hins vegar um Jón Sigurðsson í
íslenskri söguritun. Þá fjallar Guð-
jón Friðriksson um Jón Sigurðsson
og liberalismann, Guðfinna M.
Hreiðarsdóttir um áhrif Jóns á upp-
byggingu útgerðar og verslunar á
Ísafirði og Margrét Gunnarsdóttir
um Ingibjörgu Einarsdóttur, eig-
inkonu Jóns. Ennfremur eru í ritinu
kvæði sem flutt voru við hátíðarhöld
á Hrafnseyri árið 1911.
Ársrit
helgað Jóni
Ársrit Sögufélags
Ísfirðinga
Fyrstadagsumslög fást stimpluð 17. júní
á Hrafnseyri við Arnarfjörð og í verslun
Frímerkjasölunnar, Stórhöfða 29, 110
Reykjavík. Einnig er hægt að panta þau
hjá Frímerkjasölunni.
Sími: 580 1050 • Fax: 580 1059
stamps@postur.is • www.stamps.is
Safnaðu litlum listaverkum
BURÐARGJALD GREITT
INNANLANDS
50g
Kr. 1.100
Kr. 1.165
Bréfspjald. Kr. 250
Kr. 3.470
Kr. 3.180 stk.
F R Í M E R K I
S T A M P S
F R Í M E R K I
S T A M P S
Mappa sem inniheldur smáörkina og
frímerkin tvö með Jóni Sigurðssyni.
Kr. 2.350
Mappa sem inniheldur smáörkina
með Jóni Sigurðssyni. Kr. 1.275
Kr. 1.155
Kr. 90
Kr. 1.000
17. júní gefur Íslandspóstur út frímerki í tilefni þess
að 200 ár eru liðin frá fæðingu Jóns Sigurðssonar forseta.
Frímerkin hlutu fyrstu verðlaun í hönnunarsamkeppni
Íslandspósts sem var haldin af þessu tilefni.
Fyrstadagsumslög og gjafavörur með frímerkjunum
eru fáanlegar á pósthúsum um land allt. Pósthús verður
opið á Hrafnseyrarhátíð í Arnarfirði 17. júní.
Verslun Frímerkjasölunnar verður opin
17. júní frá kl. 13.00-16.00.