Morgunblaðið - 16.09.2011, Blaðsíða 16
FRÉTTASKÝRING
Egill Ólafsson
egol@mbl.is
Allt að 100% munur er á kostnaði
sem fjármálastofnanir innheimta
af viðskiptavinum sínum sem
greiða af lánum sínum í heima-
banka sínum. Lægst er gjaldið hjá
Íbúðalánasjóði eða 75 krónur en
það er 150 krónur þar sem það er
hæst. Þessi kostnaður á að end-
urspegla raunkostnað við að
stofna kröfuna.
Í gegnum árin hafa ýmsir gagn-
rýnt að fólk skuli þurfa að greiða
seðilgjald af hverjum greiðsluseðli
sem bankar eða fyrirtæki senda
heim til fólks. Þessu hefur verið
svarað á þann hátt að seðillinn
kosti peninga og það kosti pen-
inga að senda hann heim til fólks.
Eðlilegt sé að lántaki greiði þenn-
an kostnað en ekki einhver annar.
Í seinni tíð er orðið æ algengara
að fólk afþakki greiðsluseðilinn og
sjái sjálft um að greiða af lánum í
heimabanka sínum. Ef einhver
heldur að þar með sé fólk laust
við allan kostnað þegar það greið-
ir af láninu þá er það misskiln-
ingur. Lánastofnanir innheimta
svokallað „greiðslugjald“ í hvert
sinn sem fólk borgar af lánum sín-
um í heimabankanum.
Á að endurspegla kostnað
Samkvæmt upplýsingum frá
bönkunum hefur þetta gjald lengi
verið innheimt og gjaldinu sé ætl-
að að dekka kostnað við að stofna
kröfuna. Gjaldið endurspegli
kostnað sem bankarnir þurfi að
greiða til Reiknistofu bankanna.
En þá vaknar spurningin hvers
vegna er þetta gjald mismunandi
hátt milli lánastofnana?
„Þetta eru gjöld sem fjármála-
stofnanir ákveða sjálfar. Við tökum
enga ákvörðun um gjöldin sem
fjármálastofnanir rukka sína við-
skiptavini um,“ segir Friðrik Þór
Snorrason, forstjóri Reiknistofu
bankanna.
Hann sagði að ekki væri hægt
að tengja með beinum hætti þjón-
ustugjöld sem Reiknistofa bank-
anna innheimtir við verðskrá fjár-
málastofnana. Það verði til einhver
kostnaður hjá þeim sjálfum við
innheimtu „sem ráði væntanlega
mestu um verðlagningu á þjónust-
unni“. Hann segir að eðli þjónustu
RB sé mismunandi. Stundum sé
innheimt fyrir hana í formi færslu-
gjalda, en ef um alrekstur sé að
ræða þá sé greitt í formi fastra
mánaðargjalda.
Heimir Skarphéðinsson, hjá
Neytendasamtökunum, sagði að
samtökin hefðu mikið fjallað um
færslugjöld í gegnum tíðina. Gjöld-
in væru ekki ólögleg, en aðalatriðið
væri að þau endurspegluðu raun-
kostnað og að bankarnir væru ekki
að nota þessa innheimtu til að
hagnast á henni. Hann sagðist
hafa efasemdir um að gjaldið end-
urspeglaði í öllum tilvikum raun-
kostnað.
Algengt er að íbúðalán séu til 40
ára og ef greitt er mánaðarlega
eru greiðslurnar 480. Ef gjaldið er
150 kr. nemur heildarkostnaður
sem fólk greiðir þegar það borgar
í heimabanka sínum 72.000 kr.
Það kostar 75-150 kr. að
borga af húsnæðislánum
Bankar innheimta gjald þegar greitt er af lánum þó greitt sé í heimabanka
Morgunblaðið/Ómar
Kostar að borga Þér er gert að borga 75-150 krónur í hvert skipti sem þú
greiðir af láni í heimabanka þínum þó greiðsluseðill sé ekki sendur heim.
Greiðslukostnaður
í heimabanka
Kostnaður í krónum
Íbúðalánasjóður 75
Landsbanki 120
Arion banki 100
Íslandsbanki 120
MP banki 120
Lýsing 150
SP-fjármögnun 150
Lífeyris. verslunarm. 140
Almenni lífeyrissj. 100
LSR 150
16 FRÉTTIRInnlent
MORGUNBLAÐIÐ FÖSTUDAGUR 16. SEPTEMBER 2011
Slysavarnaskóli sjómanna hefur
tekið í notkun þrjá nýja björg-
unarbáta, þar af einn lokaðan lífbát
af nýjustu gerð. Bátarnir voru
keyptir frá Færeyjum og verða not-
aðir til kennslu sjómanna á nám-
skeiðum skólans.
Við þetta tækifæri voru bátunum
gefin nöfn og voru það Gylfi Sigfús-
son, forstjóri Eimskipa og Björn
Valur Gíslason og Ragnar Björns-
son, meðlimir hljómsveitarinnar
Roðlaust og beinlaust, sem það
gerðu. Þessir aðilar hafa styrkt
starfsemi Slysavarnaskóla sjó-
manna veglega. Hlutu bátarnir
nöfnin Fossinn, Roðlaus og Bein-
laus. Slysavarnafélagið Landsbjörg
festi kaup á lífbátnum og léttbát-
unum tveimur ásamt búnaði.
Roðlaus Björn Valur Gíslason gefur
nýja björgunarbátnum nafnið Roðlaus.
Nýir björgunarbátar
Fræðslu- og kynningarfundur fyrir
karlmenn sem hafa greinst með
krabbamein verður í Ljósinu, Lang-
holtsvegi 43, mánudaginn 19. sept-
ember kl. 17:30. Nánir aðstand-
endur eru velkomnir með.
Matti Osvald heilsufræðingur
verður með fræðslu um mismuninn
á körlum og konum, og hversu mik-
ilvægt það er fyrir karlmenn að fá
fræðslu og heyra um reynslu ann-
arra sem hafa byggt sig upp eftir
greiningu. Auk þess mun Halldór
Snær Bjarnason segja frá eigin
reynslu og hvernig það nýttist hon-
um þegar eiginkona hans dró hann
í endurhæfinguna í Ljósinu. Í kjöl-
farið eða næstu tíu mánudagskvöld
verða fræðslufundir fyrir karlmenn
á sama stað.
Ljósið með fræðslu
fyrir karlmenn
Friðrik Ólafsson vann öruggan sig-
ur á Gunnari Gunnarssyni í 19 leikj-
um í 6. umferð Norðurlandamóts
öldunga í skák í gær.
Er Friðrik nú kominn í 3.-5. sæti í
mótinu með 4,5 vinninga, hálfum
vinningi á eftir finnska stórmeist-
aranum Rantanen og danska FIDE-
meistaranum Jorn Sloth.
Bragi Halldórsson tapaði fyrir
Nils Ake Malmdin frá Svíþjóð og er
með 4 vinninga eins og Magnús Sól-
mundarson.
Friðrik í þriðja sæti
Kofi Annan, fyrr-
verandi aðalrit-
ari Sameinuðu
þjóðanna og frið-
arverðlaunahafi
Nóbels, verður
aðalfyrirlesari á
hátíðarmálþingi
Háskóla Íslands í
tilefni ald-
arafmælis skól-
ans þann 7. októ-
ber næstkomandi. Máþingið ber
yfirskriftina „Áskoranir 21. aldar“.
Annan kemur hingað til lands í
boði forseta Íslands, Ólafs Ragnars
Grímssonar.
Málþingið, sem fer fram á ensku,
verður haldið í Háskólabíói og hefst
kl. 13. Það er öllum opið meðan
húsrúm leyfir. Skráning hefst 20.
september.
Kofi Annan flytur
fyrirlestur í HÍ
Kofi
Annan
STUTT
Helgi Bjarnason
helgi@mbl.is
Miklar framkvæmdir hafa verið á fé-
lagssvæði hestamannafélagsins
Fáks í Víðidal í sumar. Á vormán-
uðum verður svæðið síðan klætt í
sparifötin fyrir Landsmót hesta-
manna sem þar verður haldið í lok
júní.
Hvammsvöllur sem er í brekkunni
neðan við Reiðhöllina verður að-
alvöllurinn á landsmótinu nú, ekki
Brekkuvöllur við félagsheimili Fáks
eins og síðast þegar landsmót var
haldið í Reykjavík. Búið er að laga
og stækka áhorfendabrekkuna við
Hvammsvöll og hún tekur nú 14 þús-
und manns, ef þétt verður setið. Þá
verður einnig sett upp bráðabirgða-
stúka fyrir 3 þúsund gesti á plan hin-
um megin vallarins. Þá er verið að
laga keppnisvelli, breikka þá og
setja á vikurlag. Brekkuvöllur verð-
ur notaður að einhverju leyti til kyn-
bótasýninga og kappreiða og sem
upphitunarvöllur. Þá er verið að
skipta um grindverkið í kringum
stóra hringinn neðan við Fáksheim-
ilið.
Verið er að útbúa 4 hektara tjald-
svæði með aðstöðu fyrir tjöld, hjól-
hýsi og tjaldvagna og gesti þeirra.
Þá hefur sést til hestamanna við
að snyrta í kringum hesthús sín og
mála.
Búist við 16 þúsund gestum
Jón Finnur Hansson, fram-
kvæmdastjóri Fáks, segir að öllum
framkvæmdum sem hafa jarðrask í
för með sér verði lokið í haust og
næsta vor verði síðan haldið áfram
við snyrtingu svæðisins og unnið að
lokaundirbúningi þess.
Hann segir búist við 16 þúsund
gestum á landsmótið sem haldið
verður dagana 25. júní til 1. júlí, þar
af hátt í sex þúsund erlendum.
Svæðið geti þó tekið allt að 20 þús-
und gesti.
„Við reiknum með að fólk verði
mikið á ferðinni því það búa margir
hér í nágrenninu. Ég hef þó heyrt
um Reykvíkinga sem ætla að gista á
tjaldsvæðinu til að ná þeirri
stemmningu sem því fylgir og alltaf
er á hestamannamótum,“ segir Jón.
Hann hefur það frá ferðaþjón-
ustufyrirtækjum að mikill áhugi sé
fyrir mótinu hjá erlendu hestafólki.
„Þetta verður vissulega öðruvísi
landsmót en þau sem haldin eru á
landsbyggðinni. Reykjavík hefur
upp á margt að bjóða, fjölbreytta
gistingu og mikla afþreyingu. Þetta
verður mikil innspýting fyrir borg-
ina og ferðaþjónustuna á Íslandi.
Það hefur sýnt sig að þeir útlend-
ingar sem koma á landsmót dvelja
hér yfirleitt lengur og gera margt í
leiðinni. Þetta er fólk sem hefur
áhuga á Íslandi og tekur þennan lífs-
stíl af alvöru,“ segir Jón Finnur.
Hann segir ekki ljóst hvað fram-
kvæmdirnar kosta í heildina.
Reykjavíkurborg greiðir hluta fram-
kvæmdanna með 60 milljóna króna
framlagi í ár.
Nýtist til framtíðar
„Allar þessar framkvæmdir, fyrir
utan stúkuna og klósett sem sett
verða upp fyrir mótið, munu nýtast
hestamönnum og Reykvíkingum til
framtíðar, til mótahalds, útreiða og
annarrar útivistar í dalnum,“ segir
Jón Finnur Hansson.
Morgunblaðið/RAX
Tjaldsvæði Ekki er tjaldað til einnar nætur í Víðidal. Þar eru verið að leggja þökur á 4 hektara lands fyrir tjöld og
hjólhýsi þar sem áður var mói. Jón Kristinsson og félagar hjá Túnþökuþjónustunni leggja á um 600 fermetra á dag.
Víðidalur í sparifötin
Áhorfendabrekka stækkuð við keppnisvöll í Víðidal fyrir landsmót hesta-
manna á næsta ári 4 hektara tjaldsvæði útbúið með tilheyrandi aðstöðu