Birtingur - 01.01.1960, Page 10

einar bragi
endurfundir
heimkominn úr langferð horfi ég á lækinn
og lækurinn á mig ég spyr um orsök áráttu
hans að snúa jafnan aftur í ósnum með
auðlegð djúpsins og hann svarar með gagn-
spurningu: hvers vegna ég sé snúinn heim
til hans með aleigu mína þannig horfumst
við í augu feimnir og þegjum lengi saman
unz hann segir hæversklega: hæðstu ekki að
mér með því að kalla þá auðlegð þessa steina
sem einhver fleygði hugsunarlaust í straum-
inn og vatn hefur sorfið á ýmsa vegu hvað
ætti þá að nefna það sem ég hef sótt um langan
veg, svara ég og fer hjá mér: þessar örður
sem aldrei komu í vatn og hafa ekki sér til
ágætis annað en geta skipt litum eftir því
hvernig þær snúa við sól eða stjörnum þá
getum við ekki varizt brosi lengur yfir
hlálegri örbirgð okkar ég leysi frá skjóðu
minni og hvolfi úr henni í lækinn, geng síðan
hægt í átt til gistihússins þegar ég lít
um öxl á miðri leið sé ég lítinn snáða standa
á lækjarbakkanum og horfa á völur mínar velta
8 Birtingur