Birtingur - 01.01.1960, Blaðsíða 36
helzt að gera út um það mál við félaga
Krústjoff, áður en hann beinir geiri sín-
um að vestrænum rithöfundum fyrir
vonzku þeirra í garð Stalíns og brigzlar
þeim um nazisma, ef þeir falla ekki fram
og tilbiðja hann. Ætli flestir vestrænir
húmanistar hugsi ekki um Stalín líkt og
Brynjúlfur frá Minna-Núpi svaraði, þegar
við hann var sagt: Það er ég viss um,
Brynjúlfur, að þú gætir fundið sjálfum
andskotanum eitthvað til málsbóta.
,,Hann er nú sjálfsagt ekki verri en hann
er sagður,“ svaraði Brynjúlfur.
Karl Marx hefur eins og margir aðrir
mætir fræðimenn orðið að una því, eftir að
hann mátti ekki lengur bera hönd fyrir
höfuð sér, að ýmsir snöggtum skeikulli
hugsuðir hömpuðu sínu hugarglingri og
létu á sér skilja, að það væri smíðað eftir
hans fyrirsögn eða fræðum hans til fram-
dráttar. Slík „fræðimennska" heitir á út-
lenzku vúlgermarxismi, en mætti kallast
dólgamarxismi á íslenzku. Sé yfirleitt
heimilt að orða grein Hannesar við marx-
isma, verður hún aðeins talin til þessarar
vafasömustu tegundar hans.
Frá afgreiðslunni
Okkur berast alltaf öðru hverju fyrir-
spurnir um hvað fáanlegt sé af eldri Birt-
ingsheftum, því flestir nýir kaupendur
vilja eignast allt sem til er af ritinu. Það
er skynsamlegt af þeim, því timarit kom-
ast ótrúlega fljótt í hátt verð, ef upplag
þrýtur þó ekki sé nema af einu hefti.
Þannig kosta 1. og 2. hefti Birtings 1955
nú þegar eins mikið hjá fornbókasölum
og áskrifendur hafa greitt fyrir alla ár-
ganga ritsins. Þessi tvö hefti eru sem
sagt uppseld fyrir löngu hjá afgreiðslunni,
og af sumum öðrum eru aðeins til fáein
eintök. Þau eru ekki seld öðrum en föst-
um áskrifendum og kosta sem hér segir:
3. hefti 1955 kr. 15
1. _ 1956 _ 20
1.—2. — 1957 — 50
3. hefti 1957 kr. 25
1. _ 1958 _ 25
3.—4. — — — 50
1.—2. _ 1959 — 65
3.-4. _ _ — 65
Kaupendur sem ætla að afla sér eldri
hefta eru hvattir til að panta þau hið
bráðasta, ef þeir vilja ekki grípa 1 tómt.
Fáeinir kaupendur eiga enn ógreitt ár-
gjaldið 1959, og eru þeir beðnir að gera
skil hið allra fyrsta. Kaupendur í Reykja-
vík geta snúið sér beint til afgreiðslunn-
ar, en þeir sem heima eiga úti á landi
eru vinsamlega beðnir að innleysa kröfu,
sem þeim verður send fyrir árgjaldinu,
eða senda það í póstávísun.
I síðasta hefti Birtings slæddist sú villa
inn í fyrirsögn greinar Hjörleifs Sigurðs-
sonar, að þar stóð ártalið 1957 en átti að
vera 1958.
34 Birtingur