Birtingur - 01.01.1961, Side 31

fessor og- gagnrýnandi og ljóðskáld en
þráði alltaf Frakkland, leit á sig sem
Frakka enda kvað vera franskt blóð í
móðurkyni hans. Árið 1938 sneri hann til
Parísar og hefur búið þar síðan. Þá hafði
hann styrk til bókmenntafræðilegra rann-
sókna á því efni hvernig fjallað er um
dauðann í nútímaljóðlist.
Tvö síðustu verk hans eru lengri en hin
fyrri: Kauplaus morðingi og
Nashyrningurinn. Nashyrningurinn
hefur farið um allar jarðir sigurför. Fyrst
var hann sýndur í Diisseldorf í Þýzka-
landi en síðan í París 1959: einn fremsti
leikhúsmaður Frakka J. L. Barrault lék
aðalhlutverkið og stjórnaði; Laurence
Olivier í Lundúnum undir stjórn Orson
Welles. Einnig hefur það verið sýnt við
hrifningu í New York en höfundurinn
sjálfur var lítið hrifinn af þeirri sýn-
ingu.
Sumir sjá nazismann og uppgang hans í
hryllisögunni um nashyrningana, aðrir
fasisma á vorum dögum, enn aðrir ein-
skært afl múgsefjunarinnar sem getur
tekið á sig ýmsar myndir og breytt mönn-
um í ófreskjur fyrr en varir ef þeir eru
ekki alltaf á verði.
Ionesco segir: Nashyrningurinn er
tólfta verk mitt. Það sýnir hvar ég stend
eftir tíu ára leikhússtarf. Það er annarra
að dæma mig. Það eitt get ég fullvissað
menn urn að ég held áfram baráttunni án
þess að láta nokkuð hefta för mína.
I
Birtingur 29