Birtingur - 01.01.1961, Side 53

Thor Vilhjálmsson Hátíðleg athöfn
Verðlaun úr rithöfundasjóði útvarpsins
voru reidd af höndum við hátíðlega at-
höfn í fögru umhverfi. Það fór fram í
Þjóðminjasafninu að viðstöddum mennta-
málaráðherra, dómnefndinni að undan-
skildum formanni sem var sjúkur, en réði
þó húsum, nokkrum boðsgestum þar á
meðal blaðamönnum og ljósmyndurum og
auk þess voru viðstaddir heiðursgestur-
inn og útvarpsstjóri. Átti hér vel við að
útvarpsstjóri tæki til máls einsog á stóð.
1 glerkössum við vegginn gat að líta vopn
fornmanna svo sem bitlausa spjótsodda
og ryðguð brot úr sverðum, sveðjur og
breddur og ljái sem hrópuðu árangurs-
laust á stjórnarbyltingu. Áheyrendur sátu
í þyrpingu en ræðupallur stóð á miðju
gólfi í hæfilegri fjarlægð. Tvær höfuð-
kúpur fáðar horfðu tómum tóftum yfir
sviðið. Útvarpsstjóri sagði að verðlauna-
þegi hefði skrifað merkar bækur og unnið
mikilsverð störf í þágu félagsmála rit-
höfunda og væri því vel að þessum bók-
menntaverðlaunum kominn. Hann hefði
einnig lesið sögu í útvarpið. Lauk hann
lofsorði á það að höfundar semdu sögur
fyrir útvarp. Höfuðkúpurnar tvær voru
af norðlenzkri ætt sem hefur unnið sér
til landsfrægðar í þúsund ár að í fólk af
þeirri ætt hefur vantað eina framtönn.
Naut þetta ættareinkenni sín einkar vel.
Lárviðarskáldið gekk nú fram og þakkaði
útvarpsstjóra með handabandi. Þá munu
ljósmyndarar hafa tekið myndir.
Á baksviði blasti við áhorfendum beina-
grind liggjandi á gulum sandi. Hún sneri
sér til veggjar í glerskápnum. Hver var
hún? Menntamálaráðherra veitti síðan
Syrpa
Birtingur 51