Birtingur - 01.01.1961, Síða 58

Haustfjöllum heitir þessi bók Helga
með fjölskrúðugu efni en kannski helzttil
ójöfnu að gildi, allt ofan frá Shakespeare
niður í smælki eftir Piet Hein sem gæti
kannski staðið sig sæmilega einhversstaðar
annarsstaðar
Síðar verður væntanlega fjallað um hina
þörfu og tímabæru útgáfu þessa fyrirtækis
á ritgerðum Þórbergs Þórðarsonar. En
hvers vegna í ósköpunum er ekki farið til
þess að gefa út ritsafn Þórbergs, heildar-
útgáfu. Það er til háborinnar skammar að
það skuli ekki vera hægt að fá keyptar
bækur eins og: ég nefni bara Ofvitann.
Það eru helzt seinni bækur hans sem
hægt er að fá. Skyldu vera einhverjir
tæknilegir örðugleikar á því að gefa út
slíkt ritsafn sem við lesendur þekkjum
ekki? Ég bara spyr.
Almenna Bókafélagið gaf út skáldsögur
eftir tvo unga höfunda Jökul Jakobsson
og Jón Dan og verður nú enn að vísa til
hirna sérþjálfuðu ritdómara að dæma
þær. En þetta félag getur einmitt unnið
þarft verk með því að kynna verk ungra
höfunda. ójá.
Síðan þurfum við að kalla á aðra sérfræð-
inga til að fjalla um bók Þórleifs Bjarna-
sonar: Hjá afa og ömmu (ég segi
fyrir mig að ég hef gaman að svoleiðis
bókum), og enn aðra til að skrifa um
sálarfræðina sem Karl Strand nefnir hinu
látlausa nafni: Hugur einn það
veit. Það er sjálfsagt prýðileg bók
samin af færum manni í sinni grein sem
hefur öðlazt mikla reynzlu í starfi sínu og
hefur mikinn áhuga á því að gera flókið
efni aðgengilegt fyrir okkur. Maður skyldi
ætla að við Islendingar yrðum fegnir að
nýta starfskrafta og kunnáttu Strands
læknis þegar býðst. En geðverndarmál á
Islandi virðast vera á frumstæðu stigi
þrátt fyrir ótal sjálfboðaliða sem draga
ekki af sér að gefa út vottorð um geð-
heilsu hver annars í dagblöðum og heima-
húsum eftir hentugleikum. Það er varla
skrifuð stjórnmálagrein í dagblað án þess
að skrif andstæðinganna híjóti einkunnina
geðbilunarskrif. Og ef einhver skriffinnur
fer halloka fyrir andstæðingi sínum og
hefur kannski orðið heimaskítsmát þá
æpir hann: geðbilun vitfirring geðvernd-
arstöð. Mætti ekki krefjast þess af hinum
sjálfskipuðu geðheilbrigðisvottorðaútgáfu-
sérfræðingum og sálarvafateiknimeistur-
um dægurblaðamennskunnar í stjórnmála-
þjónustu að þeir lesi nú greinargóða bók
í sálarfræði eins og áðurnefnda eftU' Karl
Strand.
Margar þýddar bækur hefur þetta forlag
gefið út eins og til að mynda Gróður
Jarðar eftir Hamsun sem Helgi Hjörvar
þýddi. En nú var ég næstum búinn að
gleyma bókinni sem ég varð einna fegn-
astur en það er hin bráðskemmtilega
Dagbók í íslandsferð 1810 eftir
enska lækninn Henry Holland. Má ég
þakka Steindóri Steindórssyni frá Hlöðum
fyrir prýðislega þýðingu og skýringar
hans og fyrir að koma þessari bók á fram-
færi við félagið.
Og svo var það víst ekki fleira, eins og
aldið skáld sagði þegar hann hafði lokið
við að lesa sautján ljóð eftir sjálfan sig.
Þetta ítarlega og glögga yfirlit tekur ekki
til bóka sem hafa komið út á því ári sem
nú er í fullum gangi og skyldi einhver
vilja þakka mér fyrir þetta traktiment
56 Birtingur