Birtingur - 01.01.1961, Page 77

Vopn, farartæki
Ég er Einstaklingurinn.
Varla gafst mér tóm til að grafa mína dauðu
Varla tími að sá
Ég er Einstaklingurinn.
Nokkrum árum síðar datt mér ýmislegt í hug
Nokkrar myndir
Ég fór yfir landamæri
Og ég var kyrrsettur í einhvers konar hólfi
Á skipi sem sigldi fjörutíu daga
Fjörutíu nætur
Ég er Einstaklingurinn.
Síðan komu þurrkar
Komu styrjaldir
Litaðir náungar komust inn í dalinn
En ég varð að halda áfram
Varð að framleiða
Ég framleiddi vísindi, óhagganleg sannindi
Ég framleiddi leirmyndir
Ég ól í heiminn þúsund síðna bækur
Ég bólgnaði í framan
Smíðaði glymskrattann
Saumavélina
Fyrstu bílarnir komu til sögunnar
Ég er Einstaklingurinn.
Einhver kreisti úr sér reikistjörnurnar
Einhver kreisti úr sér tré
Ég kreisti uppúr mér tól
Húsgögn, skriffæri.
Ég er Einstaklingurinn.
Einnig voru borgir byggðar
Vegir
Trúarfélög hurfu úr tízku
Leitað var sælu, leitað var hamingju
Ég er Einstaklingurinn.
Síðan helgaði ég mig helzt ferðalögum
Að æfa mig að æfa mig í tungumálum
Tungumálum
Ég er Einstaklingurinn.