Vera - 01.05.1983, Blaðsíða 34

INNLENDAR
FRÉTTIR
frá Hvammstanga
Ein úr ritnefnd Veru var stödd á Hvatnms-
tanga og fékk þá tvœr kotutr, þær Ingi-
björgu Pálsdóttur og Ragnheiði Eyjólfs-
dóttur, til að segja sér frá mannlífinu þar og
hvernig það vœri að vera kona á Hvamms-
tanga. Ingibjörg og Ragnheiður eru báðar
hústnœður en vinna einnig utan heimilis.
Ingibjörg er bréfberi, húsvörður við félags-
heimilið á Hvammstanga og hún kennir
einnig við tónlistarskólann á staðnum.
Ragttheiður er verslunarmaður og rœstinga-
kona. En hér á eftir fer inntak viðtalsins við
Ragnheiði og Ingibjörgu.
Á Hvammstanga er sjaldgæft aö konur
vinni heima allan daginn. Þó eru eldri kon-
ur og konur meö börn heima en algengast
er aö konur vinni utan heimilis og þá yfir-
leitt í hálfu starfi. Það eru helst ungu kon-
urnar sem eru að koma sér upp húsnæði
sem vinna úti allan daginn. Margar konur
vinna utan heimilis vegna þess aö þeim
finnst þær hafa svo gott af því félagslega.
Leikskóli er á staðnum og hingað til hef-
ur verið nóg pláss fyrir alla krakka þar.
Börn innan við 6 ára aldur eru ævinlega í
pössun og þá ýmist á leikskólanum eða hjá
einstaklingum. Krakkar á skólaaldri bjarga
sér sjálf eða konur í næstu húsurn líta til
með þeim. Hér eru engar dagmömmur en
mæður hafa stundum verkaskipti og skipt-
ast á að passa hver fyrir aðra.
Helstu kvennastörfin eru við sjúkrahús-
ið, í rækjunni og fiskinum, í búðunum, á
saumastofunni og á skrifstofum. Þær Ragn-
heiður og Ingibjörg sögðust ekki vita hvort
konur væru í lægri launaflokkum en karlar.
Hins vegar sögðu þær að það heyrði til
undantekninga að karlmenn væru í hálfu
starfi. Þær telja ekki að vinna kvenna sé
stopulli en karla, t. d. ef ekki er vinna í fisk-
inum eru þeir lausráðnu látnir fara en það
eru ekkert frekar konur.
Á Hvammstanga er enginn einstæður
faðir en nokkrar einstæðar mæður. Annars
er tiltölulega lítið um einhleypinga eða það
að fólk búi eitt. Félagsleg cinangrun þekk-
ist ekki.
Nú í vetur er í fyrsta sinn 9. bekkur
grunnskóla starfræktur hér og er það mikill
munur. En krakkar verða að leita annað til
að fara í framhaldsnám og yfirleitt fara
flestir, jafnt stelpur sem strákar, í eitthvað
nám eftir grunnskóla.
& 34
Tónlistarskóli hefur verið á Hvamms-
tanga síðan 1968 og er hann fyrir alla Vest-
ur-Húnavatnssýslu. 28 nemendur af
Hvammstanga stunda nám við hann en
nemendur eru um 80 alls. I skólanum er
kennt á orgel, píanó, llautu, gítar og
harmóniku.
Sjúkrahús eru hér og starfandi læknar.
Um tíma var engin Ijósmóðir á sjúkrahús-
inu og var það mjög bagalegt fyrir sængur-
konur sem þurftu að fæða á Blönduósi en
nú er Ijósmóðir starfandi og geta sængur-
konur dvalið hér. Síðast liðið sumar settist
tannlæknir að á Hvammstanga.
Til Hvammstanga kemur fólk frá Laug-
arbakka til vinnu og sláturvinnan byggist
að mestu leyti á aðkomufólki, fólki úr
sveitunum í kring enda flestir Hvamms-
tangabúar í fastri vinnu.
Ymis konar félagastarfsemi cr á
Hvammstanga. Kvenfélagið og Lions eru
einu félögin þar sem kynskipting er, en í
ungmennafélaginu eru bæði kynin. Kven-
félagið og ungmennafélagið standa að leik-
starfsemi en í stjórn leikhópsins eru 6
manns, þrír frá kvenfélaginu og þrír frá
ungmennafélaginu. Eitt leikrit er fært upp
á ári hverju og leiklistarnámskeið er haldið
árlega og er það opið öllum. í lok hvers
námskeiðs er reynt að hafa bókmennta-
kynningu og er þá einn rithöfundur kynnt-
ur. Nú síðast var Nína Björk Árnadóttir og
verk hennar kynnt. Á bókmenntakynning-
ar mæta fáir en leikritin hafa gengið sæmi-
lega. Reyndar var leikritið í vetur illa sótt,
líkast til vegna þess að það var barnaleikrit.
Fólk virðist hafa talið að það næði ekki til
fullorðinna.
Fyrir þorrablót er ntikið æft og sönglíf
blómlegt. En alla jafna er kirkjukórinn eini
kórinn. Á þorrablót mæta allir og skemmta
sér óskaplega vel. Mikil vinna felst í undir-
búningi blótsins en það þroskar fólk félags-
lega að koma þarna saman og vinna fyrst,
skemmta sér svo. Allt skemmtiefni er
heimatilbúið og fólkið kemur saman til að
útbúa matinn, eitt kvöld er bakað laufa-
brauð og annað kvöld fer í að úrbeina
hangikjöt.
Félagslífið er mjög gott og taka konur
ekki síður þátt í því en karlar. Flest alla
daga vetrarins er félagsheimiliö í notkun.
Eins er mikið félagslíf í skólanum og eitt
kvöld í viku hafa krakkarnir aðstöðu í skól-
anum án þess að kennarar séu með.
Íþróttalíf hefur eflst mjög undanfarin ár og
eru frjálsar íþróttir aðallega stundaðar. Síð-
ast liðið sumar var tekin í notkun ný og fín
sundlaug og mun sundlíf áreiðanlega verða
gott á næstu árum. í félagsmálum og félög-
unum er yfirleitt almenn og góð þátttaka.
í lokin snerist umræðan að jafnrétti kynj-
anna. Þær Ingibjörg og Ragnheiður töldu
að á Hvammstanga ríkti jafnrétti. Karlar
sæju ekkert síður um börn og matarinn-
kaup og ýmis heimilisstörf en konur. Ekki
sögðust þær verða varar við mikla umræðu
um stöðu kvenna á Hvammstanga.
Se
Vera þakkar þeim Ingibjörgu og Ragn-
heiði fyrir spjallið og upplýsingarnar og
sendir öllum konutn og öðrutn á Hvatnms-
tanga bestu kveðjur.