Vera - 01.10.1989, Blaðsíða 36

— sjálfum sér líkur — á allt öðru róli Tillög-
una reyndu þeir auk heldur að gera tortryggi-
lega. Föðurlegi tónninn var einnig notaður.
Harla lítið vissum við um það sem við værum
að tala og þessi doktor sem gerði skýrsluna
ekki heldur að þeirra áliti. Gott ef ekki lágu
annarlegar hvatir að baki öllu saman. Ég bjóst
ekki við lófataki og varð því iítið hissa. Það er
hins vegar sorglegt að horfa á konurnar í
meirihlutanum svo algerlega ofurliði bornar, að
þær bera ekki einu sinni hönd fyrir höfuð sér
í eigin hagsmunamálum, en lúta algerlega karla-
veldi flokksins. í gömlu flokkunum í minni-
hlutanum hafa karlarnir hægara um sig um
þessar mundir og leyfa konunum að sprella með
mjúku málin.
Glæsihýsi í stíl faraóa og keisara.
Sérlega eru þessar viðtökur meirihlutans
athyglisverðar nú í ljósi þess hversu borgin er
rík, hversu brýnt verkefnið er og hversu var-
lega við áætluðum. Við höfum e.t.v. ekki verið
nógu glannaleg fyrir meirihlutann. í borgar-
stjórn þar sem ofuráherslan er á glæsihallir eins
og á tímum faraóa og keisara er tillaga fyrir
börnin og foreldra þeirra bara ,,lummuleg” —
ekki nógu „stórhuga” og glæsileg. Glýjan af
glæsihöllunum villir þeim sýn. Meirihlutinn
virðist vera orðinn endanlega ruglaður í dans-
inum kringum gullkálfinn með Davíð. Hver
skilur þessa tímaskekkju og brenglun í áhersl-
um og verkefnavali? Auknar tekjur á undan-
förnum árum, úr þínum og mínum vasa hafa
stigið þeim til höfuðs. Þau haga sér eins og börn
sem ekki kunna fótum sínum forráð með auð-
fengið fé undir höndum. Engin framtíðarsýn
eða fyrirhyggja, aðeins glingur og ytri tákn.
Sjálfstæðismeirihlutinn í borginni er tíma-
skekkja. Æ fleiri borgarbúar eru að gera sér
þetta ljóst. En þrátt fyrir þetta er okkur hinum
skylt að teyma þau út í darraðardansinn í hags-
munamálum sem þessum.
Við reyndum sem sagt að tala vit í meirihlutann.
Við bentum þeim á að með þessari fjárveitingu
stigi borgarstjórn fyrsta skrefið í samfelldri
fimm ára framkvæmdaáætlun um uppbyggingu
einsetins skóla í Reykjavík. Við miðum við að
alls vanti 163 skólastofur til að allir grunnskólar
borgarinnar verði einsettir eftir fimm ár og að
hver skólastofa kosti um 4.5 milljónir króna.
Þetta þýðir að reisa þarf um 32 stofur á ári.
Þessar tölur byggjum við á upplýsingum sem
koma fram í skýrslu Dr. Jóns Torfa Jónssonar
sem hann vann fyrir menntamálaráðuneytið og
gefin var út í ár. Jón Torfi er sá sami og reikn-
aði út kostnað fyrir okkur Kvennalistakonur
þegar við lögðum fram frumvarpið um ein-
setinn skóla á Alþingi, vandaður vísindamaður
í hvívetna. Því tíunda ég þetta að í málflutningi
sínum reyndu Sjálfstæðismenn, eins og áður
sagði, að gera skýrslu Jóns Torfa tortryggilega
og að við í barnaskap okkar gleyptum tölur
hans hráar. Þeir vildu auðvitað ekki vita að við
erum ekki að velta þessu fyrir okkur í fyrsta
sinn og vitum auðvitað afar vel um hvað við
erum að tala. Við höfum lengi vitað að það er
dýrt að gera bragarbót í þessum efnum. Mun-
um aldrei halda öðru fram.
Eins og áður sagði er löngu orðið brýnt að
samræma vinnudag barna og foreldra. Einnig
er löngu orðið tímabært að gera vinnutíma
barna í skólum samfelldan. Það er einnig álit
nær allra sem láta sig þessi mál varða að lengja
verði skólatíma yngstu nemendanna þannig að
þau geti dvalið í skólanum við starf og leik
lungann úr deginum. Okkur ber öllum að
þrýsta á um þetta.
Þegar ég tala um lengingu skóladags er ég að
tala bæði um kennslutíma og aðra viðveru.
Æskilegur kennslutími á viku er að mínu áliti
30 stundir fyrir yngstu nemendurna og 37
stundir fyrir þá elstu. Fer reyndar saman við
áðurnefnt frumvarp til laga um breytingar á
lögum um grunnskóla sem Kvennalistinn lagði
fram á Alþingi á síðasta og næst síðasta þingi.
Forgangsverkefni sem fólk er sammála
um.
Eins og áður sagði virðist fólk almennt sam-
mála um að fá verkefni í samfélaginu séu brýnni
en að koma á samfelldum einsettum grunnskól-
um þar sem börn geti dvalið undir handleiðslu
fagfólks, fengið mat og aðra umönnun. Þar sem
yfirgnæfandi meirihluti beggja foreldra vinnur
langan vinnudag utan heimilis er þetta ofur eðli-
leg þróun sem stjórnvöldum ber að horfast í
augu við. Þetta kemur líka m.a. skýrt fram í
niðurstöðum (óbirtum) úr könnun mennta-
málaráðuneytisins um forgangsverkefni í ís-
lenskum skólamálum. Þar kemur auðvitað í ljós
að samfelldur og einsetinn skóli er í efstu sæt-
um forgangsverkefna að áliti flestra sem til var
leitað. Þetta segir mér að fólk gerir orðið kröfu
um úrbætur í þessum efnum og að okkur beri
að hlýða kallinu og skilja okkar vitjunartíma.
Reykjavík er nú verst setta fræðsluumdæmið
hvað varðar einsetinn skóla. Við teljum að það
ástand sem rfkir hér nú í grunnskólum sé í
ósamræmi við þá staðreynd að Reykjavík er rík
borg, sem telur sig hafa efni á að leyfa sér ýms-
an munað í húsbyggingum. f Reykjavík á því að
vera tiltölulega auðvelt að koma á einsettum
skóla ef vilji er fyrir hendi. Ef ekki er hægt að
koma á einsetningu hér í borg er það hvergi
hægt á landinu.
Með því að koma á einsettum skóla, og þar
með öruggri og góðri starfsaðstöðu fyrir alla
nemendur í grunnskólum borgarinnar, sýndu
borgaryfirvöld stórhug á réttum stað og tíma.
Þau gengju á undan öðrum sveitarstjórnum með
góðu fordæmi.
Kostir einsetins, samfellds skóladags.
Að endingu vil ég hnykkja á um kosti einsetins,
samfellds skóla.
Við einsetningu skóla breytist mjög margt til
batnaðar. Allir nemendur geta byrjað á sama
tíma, lokið heimanámi í skólanum og hætt á
svipuðum tíma. Einsetning gerir auðveldara en
ella að koma á fjölbreyttu skólastarfi og sam-
fellu í námi. Einsetning bætir almennt aðstöðu
til náms. Sérkennsla þeirra sem eru á undan og
eftir í námi fellur betur að öðru starfi og auð-
veldara er að tryggja fötluðum nemendum rétt
til náms og aðstöðu inni í almennum
grunnskólum. Einsetinn, samfelldur skóli skap-
ar nemendum aukið öryggi í starfi og leik og
forráðamönnum þeirra langþráða festu varð-
andi vinnutíma og tryggt umhverfi barnanna.
Ég lít á þessa tillögu sem tímamótatillögu í
borgarstjórn. Samþykkt hennar hefði einnig
orðið tímamótasamþykkt. Ég trúði því mátu-
lega að tillagan hlyti jákvæðar undirtektir og af-
greiðslu í borgarstjórn nú, en dropinn holar
steininn. Tillagan verður aftur flutt við gerð
fjárhagsáætlunar, enda vísað þangað samhljóða.
Darraðardansinum í kringum gullkálfinn ver-
ður að linna hér í borg. Við verðum að hlýða
kalli tímans, þekkja okkar vitjunartíma og
setja þau mál í forgang sem brýnast er að leysa.
Einsetinn, samfelldur, heilsteyptur skóli er
eitt brýnasta verkefnið. Ef við leysum það verk-
efni mun aðstaða flestra heimila í borginni gjör-
breytast til hins betra.
Elín G. Ólafsdóttir.
36