Vera - 01.10.1999, Qupperneq 3

L F I Ð A B L
Kynlífsþrælasala
beint fyrir framan nefið á okkur
Er klám í tfsku? Þeirri spurningu er varpað fram hér í blaðinu en þemaefnið að þessu sinni er Klám
og vændi. Um nokkurra ára skeið hafa verið reknir nektardansstaðir ( Reykjavík og virðist eins og
fólk hafi látið það óáreitt en fylgst með úr fjarlægð. Síðustu misseri hefur hins vegar runnið upp
fyrir æ fleirum hvers konar starfsemi fer þarna fram og þegar stöðunum fjölgaði um helming á
stuttum tíma virðist fólk vera að vakna af doðanum og taka afstöðu. I það minnsta þarf að ræða
málin og það viljum við gera hér í VERU.
Það er nefnilega staðreynd að kynlífsþrælasala, sem hefur verið vaxandi alþjóðlegt vandamál und-
anfarin ár, hefur náð hingað til lands. Talið er að hingað komi um 100 stúlkur í hverjum mánuði,
aðallega frá Austur-Evrópu, til að starfa á nektardansstöðunum sjö í Reykjavík og úti á landi. Fyrst
grundvöllur er fyrir svo mörgum stöðum hlýtur eftirspurnin að vera mikil og það helst í hendur við
eftirspurnina eftir kynlffsefni af ýmsu tagi, t.d. símakynlífi sem einnig virðist vaxandi atvinnugrein
ef marka má auglýsingar um sllkt I Dagblaðinu Vlsi.
Önnur Ijót staðreynd varðandi þessa nýju tískubylgju er að verið er að nýta fjárhagslega slæma
stöðu kvenna. Oft er það hrein fátækt sem verður til þess að ungar stúlkur velja þessa leið til að
komast út úr ömurlegum aðstæðum og það getur bæði átt við um stúlkurnar sem hingað koma
frá austantjaldslöndunum og (slenskar konur sem drýgja tekjur sínar með því að lesa kynæsandi
texta inn á band eða spinna upp slíkar sögur. Þetta er að gerast út um allan heim og í blaðinu
segjum við hvernig vandamálið hefur komið upp á Kúbu eftir hrun Sovétríkjanna.
Tvær konur sem nýlega dvöldu hér á landi, þær Vaira Vike-Freiberga og Hillary Rodham Clinton,
hvöttu þjóðir heims til að stöðva þá nútímamynd þrælahalds sem hefur skapað alþjóðlega verslun
með lifandi manneskjur. Hér á landi getum við lagt því máli lið með því að vinna gegn rekstri staða
þar sem ungar stúlkur selja líkama sinn beint fyrir framan nefið á okkur - í húsinu gegnt Alþingi
við Austurvöll og víðar.
Aðalviðtal okkar að þessu sinni er við kvenhetjuna Auði Guðjónsdóttur sem auk þess að berjast
með dóttur sinni, Hrafnhildi Thoroddsen, fyrir mannsæmandi lífi hefur barist af ótrúlegum krafti
við læknaveldi heimsins með hag þeirra sem hafa orðið fyrir mænuskaða að leiðarljósi. Um þetta
leyti minnumst við einnig nöfnu hennar, Auðar Auðuns, sem var brautryðjandi íslenskra kvenna á
ýmsum sviðum. Hún lauk lögfræðiprófi fyrst kvenna og gegndi dómarastarfi, hún var farsæll for-
seti borgarstjórnar, fyrsta konan borgarstjóri og fyrsta konan í ríkisstjórn íslands þegar hún varð
dóms- og kirkjumálaráðherra. Sönn kvenréttindakona sinnar kynslóðar.
vÖH p#YA éntr
Hver hafa lagt sitt á vogarskálar jafnréttis?
Hver hafa unnið jafnréttisbaráttunni gagn og hver ógagn?
Sendu Veru ábendingar
Verslunarmannafélag Reykjavíkur
fyrir að vekja athygli á því hve mikill launamun-
ur er á milli kynjanna. I sjónvarpsauglýsingu fé-
lagsins kemur skýrt fram að konur gera mun
lægri launakröfur en karlar enda hafa laun
karla tekið mun stærri stökk en laun kvenna
undanfarið. Því hlýtur að þurfa að gera sérstakt
átak til jöfnunar og endurmats á störfum
kvenna.
Loforð ríkisstjórnarinnar
sem Davíð Oddsson kynnti við setningu ráð-
stefnunnar Konur og lýðræði og miða að því að
bæta stöðu kvenna á ýmsan hátt. Loforðin
voru I fjórum liðum og lutu að foreldraorlofi,
átaki til að jafna möguleika kynjanna til launa
og starfsframa ( ríkisfyrirtækjum, aukinni jafn-
réttisfræðslu I skólum og aðgerðum til að
sætta skyldur fólks gagnvart starfi og heimili.
Kvennabanki
Góð hugmynd sem vonandi kemst I fram-
kvæmd. Það er löngu þekkt staðreynd að völd-
in I þjóðfélaginu eru þar sem peningarnir eru,
þess vegna er mikilvægt að konur hasli sér völl
þar eins og annars staðar.
í N U S
Millifæranlegur persónuafsláttur
sem ríkisstjórnin jók nýlega úr 80 I 100%. Sér-
sköttun hjóna er meira I anda þeirrar stefnu
kvennahreyfingarinnar að konur séu fjárhags-
lega sjálfstæðar. Vegna hins mikla launamunar
kynjanna er hætt við að þessi aðgerð verði enn
frekar til þess að gera konur fjárhagslega háð-
ar eiginmönnum slnum.
Útlendingaeftirlitið
fyrir að brjóta 14. grein útlendingalaga sem
segir að fólk sem ekki hefur atvinnuleyfi megi
aðeins dvelja I landinu fjórar vikur á ári. Mörg
dæmi eru um að sama stúlkan fái aftur og aftur
leyfi til að dansa á nektardansstöðum en á slð-
asta ári er talið að 600 stúlkur hafi fengið tlma-
bundið dvalarleyfi hér sem „listdansarar."
VERA • 3