Vera - 01.02.2000, Side 49

Sóley rannsakar gnðsmynd barna
Sóley Stefánsdóttir er 26 ára nemi í guðfræði og kynjafræðum við Háskóla íslands og starfskona Rann-
sóknastofu í kvennafræðum. „Þegar ég var 18 ára tók ég mér frí úr framhaldsskólanum og festi kaup
á sólbaðstofu sem ég rak í tvö ár. Þar kynntist ég mínum fyrrverandi manni sem var við nám í guð-
fræði. Við rökræddum mikið um trúmál og varð það til þess að ég ákvað að skrá mig í guðfræði-
deild HÍ."
En fyrst þurfti Sóley að taka stúdentsprófið og kláraði myndlistarbrautina í FB, en námið
þar jafngildir fornámi við MHÍ. Hún hefur mjög gaman af að mála og stefnir jafnvel að
meira myndlistarnámi í framtíðinni.
„Ég byrjaði í djáknanámi en breytti því síðan yfir í BA nám og tek kynjafræði
sem valgrein með því. Áhuginn á kynjafræði kviknaði á námskeið-
inu Kristin siðfræði og kvennagagnrýnin sem Arnfríður
Guðmundsdóttir, nú lektor við deildina, kenndi."
Sóley hefur ekki hug á að starfa innan kirkjunnar í
framtíðinni. „Ég er ekki tilbúin að gangast við þeim
boðskap og tungutaki sem kirkjan notar, tungutakið
byggir mikið á hefðardýrkun og er hefðin að sjálf-
sögðu mjög karllæg þar sem trú á FÖÐUR, skapara
himins og jarðar er í fyrirrúmi," segir hún.
í sumar fékk hún styrk frá Nýsköpunarsjóði til
að vinna að rannsókn um framsetningu kynferðis í
barnabókum og áhrif hennar á mótun barna. í fram-
haldi af þvi ákvað hún að skrifa BA ritgerð um
barnaefni kirkjunnar út frá kynjafræðilegu sjónar-
horni, með sérstakri athygli á guðsmyndinni sem þar
kemur fram. „Ég ætla að greina hvaða guðsmynd og
líkingar eru í barnaefni kirkjunnar og fá svo fram, með
viðtölum við börn, hugmyndir þeirra um Guð. Ekki
kæmi mér é óvart að sú mynd væri frekar einhæf
föðurmynd," sagði Sóley að lokum.
s
K
Y
N
D
I
M
Y
N
D