Vera - 01.10.2001, Page 8

Elín Helena
myndir: Gréta
Ragnheiður Helga
í sumar voru Ólympíuleikarnir í stærðfræöi
haldnir í 42. sinn og í þetta skipti í George
Mason University íVirginíu í Bandaríkjunum.
Um 80 lönd víðs vegar að úr heiminum sendu
fulltrúa sína á leikana. Ragnheiður Helga
Haraldsdóttir er ein af þeim sem kepptu fyrir
hönd íslands á leikunum. Hún stundar nám
við Menntaskólann í Reykjavík. Helstu áhuga-
mál hennareru stærðfræði, tónlist, lestur
góðra bóka og fþróttir. Hún æfði handbolta í
mörg ár og lærði einnig á píanó.
í vetur gafst nemendum á framhaldsskóla-
stigi um allt land kostur á að taka þátt í
undankeppni sem haldin var til að velja í
íslenska ólympíuliðið í stærðfræði. Keppt var í
tveimur erfiðleikastigum og þeir tuttugu efstu
í hvoru stigi tóku þátt í lokakeppni í mars,
þrettán efstu úr þeirri keppni tóku svo þátt í
norrænu stærðfræðikeppninni hér heima. Að
lokum var tekið mið af þeirri keppni og loka-
keppninni til að velja í íslenska liðið.
Ragnheiður Helga er eina stelpan í liðinu í ár
en segir að mikið fleiri stelpur hafi tekið þátt í
undankeppninni í ár en á fyrri árum.
í sumar tók svo við fjögurra vikna undir-
þúningstímabil hjá liðinu. „Við æfðum frá níu
á morgnana til fimm á daginn. Við fengum
styrk frá Reykjavíkurborg í gegnum Hitt húsið
þar sem við gátum ekkert stundað vinnu þes-
sar vikur. Keppnistímabilið úti var svo tvær
vikur," segir Ragnheiður Helga. Ólympíuleik-
arnir í stærðfræði voru haldnir í Bandaríkj-
unum í ár en í fyrra voru þeir í Suður Kóreu og
verða haldnir í Skotlandi á næsta ári. Kepp-
endurnir eru á aldrinum 16-20 ára og mega
ekki vera byrjaðir í háskóla. Þann 4. júlf var
haldin mikil opnunarhátíð þar sem keppend-
unum var meðal annars boðið upp á flugelda-
sýningu og siglingu eftir Potomac ánni.
Kínverjar og Bandarfkjamenn voru hlutskarp-
astir á leikunum. „Það var mjög gaman að
koma þarna og kynnast fólki hvaðanæva að úr
heiminum. Dæmin sem við glímdum við voru
mjög erfið en aðalatriðið er auðvitað að taka
þátt. Mér hefur alltaf gengið vel í stærðfræði
og fundist hún skemmtileg. Að loknu stúdents-
prófi í vor ætla ég í einhverja tegund stærð-
fræði f Háskólanum og halda síðan áfram
erlendis," segir Ragnheiður Helga og brosir.
Það er greinilegt að hér er á ferðinni ung
kona sem á framtíðina fyrir sér á sviði
stærðfræðinnar.
8