Vera - 01.08.2004, Side 56
FRÁ JAFNRÉTTISSTOFU /
Samstarfsverkefni
með styrk frá
Evrópusambandinu
»Jafnréttisstofa hefst nú handa við nýtt verkefni sem fellur undir jafnrétt-
isáætlun Evrópusambandsins (Community Framework Strategy on Gender
Equality). I sumar lauk starfi við stærsta verkefni úr sömu áætlun sem stofan
hefur leitt til þessa. Það fjallaði um möguleika nýbakaðra foreldra í fjórum
Evrópulöndum á nýtingu fæðingarorlofs. Samstarfsstofnanir í verkefninu hér
á landi voru Rannsóknastofa í kvenna- og kynjafræðum við Háskóla íslands
og Rannsóknastofnun Háskólans á Akureyri, ásamt Samver sem sá um gerð
sjónvarpsmyndar.
Tilgangur verkefnisins var að skoða samspil kynjahlut-
verka, menningar og siðvenja, laga og reglugerða, og
hvernig þessir þættir koma í veg fyrir eða auka möguleika
kvenna og karla til að vinna saman að uppeldi barna sinna.
Samstarfslönd í því verkefni voru Noregur, Þýskaland og
Spánn. Niðurstöðum verkefnisins verður m.a. miðlað með
sjónvarpsmynd sem tekin var í öllum þátttökulöndunum.
Myndinni verður væntanlega dreift innan Sambands evr-
ópskra ríkissjónvarpsstöðva, EBU, og sýnd í flestum aðild-
arlöndum Evrópusambandsins.
íþróttir og jafnrétti
Nú vendir stofan sínu kvæði í
kross og snýr sér að íþróttum.
Jafnréttisstofa hefur hlotið styrk
frá Evrópusambandinu til að
vinna fjölþjóðlegt verkefni um
staðalímyndir í íþróttum og
íþróttafréttum. Verkefnið, sem
mun kosta í heildina rúmlega
300.000 evrur, verður unnið með
þátttöku aðila frá Noregi, Austur-
ríki, Litháen og Ítalíu, auk íslands.
Verkefnisstjórn í hverju landi
mun samanstanda af fulltrúum
íþróttafréttamanna, íþróttasam-
banda og samstarfsaðilum Jafn-
réttisstofu í hverju landi.
(þróttir eru vinsælar um heim
allan en mjög mismunandi er
hversu hátt kvennafþróttum er
gert undir höfði og enn meiri
munur er þegar borin er saman umfjöllun fjölmiðla á
íþróttaafrekum kvenna og karla. Staðalímyndir um kynin
endurspeglast oft í þeirri umfjöllun og er það von Jafnrétt-
isstofu að í gegnum þetta verkefni verði hægt að finna
leiðir til að mennta íþróttafréttamenn, íþróttakennara og
þjálfara um jafnréttismál og auka þannig meðvitund
þeirra um þá ímynd sem þessir hópar spegla til almenn-
ings.
Stofan hefur leitað eftir samstarfi við menntamálaráðu-
neytið, Samtök íþróttafréttamanna og (þrótta- og ólymp-
íusamband (slands til að tryggja að það fræðsluefni sem
þróað verður af verkefnisstjórninni skili sér til viðeigandi
markhópa. Fræðsluefnið, sem verður endurmenntunar-
pakki í margmiðlunarformi, verður hannað af námsbraut í
fjölmiðlafræði við Háskólann á Akureyri. Rannsóknastofn-
un Háskólans á Akureyri vinnur rannsóknina en Rann-
sóknastofa ( kvenna- og kynjafræðum við Háskóla (slands
sinnir eftirlitshlutverki.
Verkefnið hefst formlega 1. nóvember og stendur í
fimmtán mánuði. Á þeim tíma verða haldnir fundir í öllum
aðildarlöndum. Síðasti fundurinn verður á íslandi undir lok
verkefnisins. Þá verður fræðsluefnið kynnt og ráðstefna
haldin um staðalímyndir kynjanna í íþróttum og fþrótta-
fréttum.
Jafnréttisstofa er einnig samstarfsaðili (öðru verkefni á
vegum jafnréttisáætlunar Evrópusambandsins sem hefst
nú í haust. Verkefnið fjallar um nútímakarlinn (stækkaðri
Evrópu og hefur það að markmiði að þróa nýjar leiðir sem
miða að jafnari fjölskylduábyrgð og um leið að auknu jafn-
rétti kynjanna. Litháen leiðir þetta verkefni en samstarfs-
lönd eru ísland, Danmörk og Malta.
56/4. tbl. / 2003 / vera