Ljósmæðrablaðið - 01.08.1987, Blaðsíða 12

12
LJÓSMÆÐRABLAÐIÐ
(Þýdd grein úr Tidsskrift for Jordmödre
nr. 9, september 1986, 96. árgangi.)
Bólusetning með sæfðu vatni
eftir Ditte Trolle, Lone Hvidman og Inger Guldholt
Haustið 1981 birtist grein í Vikuriti íyrir lækna (Ugeskrift for
Læger) sem lýsti því hvemig náðst hefði góður árangur í meðferð
nýrnaverkja með vatnsbólusetningu (steriltvandspapler). Hér var
augljóslega á ferðinni einföld aðferð sem ekki hafði í för með sér
aukaverkanir. Og þar sem einmitt aukaverkanirnar af flestum algeng-
um aðferðum við að stillla verki gera þær ónothæfar við fæðingarhjálp
var freistandi að kanna hvort vatnsbólusetning gerði gagn. Fyrsta til-
raunin var gerð snemma morguns á frumbyrju sem hafði sárar þrautir
í spjaldhryggnum. Hún kveinkaði sér mjög við bólusetninguna, en
strax að henni lokinni tjáði hún að þrautirnar í spjaldhryggnum væru
horfnar.
Þetta varð hvatinn að frumkönnun sem náði til um 20 kvenna.
Niðurstaðan var jákvæð og smátt og smátt varð okkur ljóst við hvers
konar ástand og hvernig best var að beita bólusetningunni.
Rannsóknin
Á grunvelli þessa rannsökuðum við með skipulegum hætti og með
aðstoð ljósmæðranna á deild Y við Bæjarsjúkrahúsið í Árósum (Arhus
Kommunalhospital) áhrifin og afleiðingarnar af bólusetningu með
sæfðu vatni (steriltvandspapler) á þrautir í spjaldhrygg kvenna við
fæðingu. Rannsóknin náði til 87 frumbyrja. Helmingur þeirra valinn
eftir hlutkesti var bólusettur með sæfðu vatni en hinn helmingurinn
fékk hefðbundna meðferð eftir reglum deildarinnar. Þegar athugun
sýndi að legopsopnunin (orificium) var um það bil 4 cm voru kon-
urnar beðnar að lýsa því hvar þær fyndu til, hvort það væri í spjald-
hryggnum eða kviðnum eða þá á báðum stöðum, og einnig sárindum
verkjanna með tölum frá 0 til 10.
Strax að fengnum svörum við þessum spumingum voru konur í
rannsóknarhópnum sprautaðar með sæfðu vatni í húðina yfir spjald-
hryggnum. Klukkustund síðar vora konur í báðum hópunum látnar