Ljósmæðrablaðið - 01.08.1987, Blaðsíða 30

30
LJÓSMÆÐRABLAÐIÐ
væntanlega samninga. Á fundinn mætti Ásta Sigurðardóttir formaður
STAK, og skýrði hún fyrir okkur ýmislegt í sambandi við kjaramál
ljósmæðra o.fl. hjá STAK og einnig á breiðari grundvelli. Á þessum
fundi var ákveðið að senda ekki fulltrúa eða trúnaðarmann til sér-
samningsgerðar á vegum LMFÍ að þessu sinni þar sem íyrirvari var
stuttur, og erfitt að gera sér grein fyrir gangi mála að þessu sinni.
Félagsfundur var svo haldinn þ. 8. febr. á Dalvík heimili Elínar
Sigurðardóttur Stórhólsvegi 7. Mættu þar 16 ljósmæður til skrafs og
ráðagerða, því reyndar lá ekkert sérstakt mál íyrir fundinum en um
margt rætt samt sem áður. Lesið var upp úr gömlum ljósmæðrablöð-
um og í framhaldi af því einnig talað um ljósmæður fyrri tíma ásamt
fleiru sem þeirra starfi tengdist.
Stjórnin nú: Form.: Ása Marinósdóttir
Varaform.: Svana Zophaníasdóttir
Ritari: Sumarlína Pétursdóttir
Gjaldkeri: Inga Magnúsdóttir
Meðstj. Freydís Laxdal
Bestu kveðjur frá Norðurlandsdeild.
Sumarlína Pétursdóttir
Ása Marinósdóttir
Skýrsla Suðurlandsdeildar
flutt af Ólöfu M. Guðmundsdóttur.
Skýrsla Suðurlandsdeildar LMFÍ til aðalfundar LMFI9. maí 1987
Suðurlandsdeild LMFÍ hélt aðalfund sinn á SHS. í júní ‘86 og voru
mættar 5 ljósmæður auk stjórnar. Auk venjulegra aðalfundarstarfa
sagði Lóa Kristinsdóttir ffá ferð sinni á norðurlandaþing ljósmæðra sl.
vor.
Eftir að ný samningsréttarlög tóku gildi fengum við sem störfum við
SHS. bréf frá LMFÍ þar sem við vorum kallaðar heim.
Og á fundi sem haldinn var í tilefni af því bréfi samþykktu allar
starfandi ljósmæður á SHS að ganga hið snarasta úr FOSS og stíga
skrefið til fulls yfir í okkar stéttarfélag. Það var síðan gengið frá því
við FOSS í byrjun mars sl. og höfum við frá 1. aprfl greitt okkar
stéttarfélagsgjald í LMFÍ.