Ljósmæðrablaðið - 01.08.1987, Blaðsíða 26
26
LJÓSMÆÐRABLAÐIÐ
Skýrsla stjórnar Ljósmæörafélgs íslands 9. maí 1987
A starfsárinu voru haldnir 8 stjórnarfundir, 2 félagsfundir um kjara-
mál, 2 fræðslufundir og 1 ráðstefna á vegum fræðslunefndar.
19 ljósmæður sóttu Norðurlandaþing ljósmæðra í Stokkhólmi s.l.
vor. Mótið var haldið í tengslum við aldar afmæli sænska Ljósmæðra-
félagsins og snerist að mestu leyti um það. Þótti mörgum að erlendu
gestirnir væru afskiptir.
Á þessu starfsári hefur stjórnin ítrekað óskir til heilbrigðisráðherra
um setningu nýrrar ljósmæðrareglugerðar, en ekki haft erindi sem
erfiði. í heilbrigðisráðuneytinu er sú skoðun ríkjandi, að ljósmæður
framtíðarinnar falli undir hjúkrunarlög, þó þar standi ekki stafur um
ljósmæðrastörf, svo sem fæðingarhjálp o.fl.
S.l. sumar var starfandi nefnd á vegum heilbrigðisráðuneytis, sem
vann að drögum að nýjum lögum um Ljósmæðraskóla íslands. Nefnd-
in skilaði tillögum sínum í júlí og voru þau í meginatriðum samhljóða
síðasta frumvarpi um Ljósmæðraskóla íslands. Frumvarp til laga um
Ljósmæðraskóla íslands var þó ekki lagt fram á síðasta þingi.
Á sama tíma var skipuð nefhd á vegum menniamálaráðherra sem
Qallaði um grunn- og framhaldsmenntun hjúkrunarfræðinga og var
menntun ljósmæðra einnig þar til umfjöllunar. Fulltrúi Ljósmæðra-
skóla íslands í nefndinni var Eva S. Einarsdóttir, ljósmóðir. Nefhdin
skilaði tillögum sínum í mars, en þar er gert ráð fyrir menntun ljós-
mæðra í Háskóla íslands, sem taki 15 mánuði eftir B.S. hjúkrunarpróf
og 18 mánuði eftir próf frá Hjúkrunarskóla íslands. Náminu ljúki með
viðurkenningu og réttindum til að sækja um ljósmóðurleyfi. Nefhdin
skilaði einnig tillögum um endur- og viðhaldsmenntun ljósmæðra og
hjúkrunarfræðinga á vegum Háskóla íslands.
Innan B.S.R.B. hefur verið unnið að breytingu á uppbyggingu
Bandalagsins, þ.e.a.s. breytt skilyrði fyrir aðild að Bandalaginu.
Stjóm félagsins studdi tillögur um starfsgreinafélög. Lokapunkturinn
var svo ný samningsréttarlög opinberra starfsmanna í desember s.l.
Þau gera ljósmæðrum kleift að standa allar saman í einu stéttarfélagi
með eigin samningsrétt. ítarleg greinargerð verður síðar á fundinum.
Unnið hefur verið að nýjum og endurbættum samningi vegna fæð-
inga í heimahúsum og tókst endanlegt samkomulag í janúar s.l. Helstu
breytingar eru þær að tímakaup er miðað við laun heilsugæsluljós-
mæðra í 5. þrepi og tekur breytingum í samræmi við það og greitt er
kostnaðarverð efnis, sem ekki var áður. Einnig lengdust tímavið-