Ljósmæðrablaðið - 01.08.1987, Blaðsíða 21

LJÓSMÆÐRABLAÐIÐ
21
Úr 18. gr.
Ýmis ákvæði.
Ljósmóður ber að gegna störfum sínum af árvekni, halda þekkingu
sinni sem best við og fara nákvæmlega eftir henni, tileinka sér nýjung-
ar er varða starfið og gæta fyllstu samviskusemi í hvívetna. Öllum
ljósmæðrum er skylt að veita konum í bamsnauð nauðsynlegustu hjálp
þar til önnur hjálp hefur borist nema því alvarlegri forföll banni, svo
sem veikindi ljósmóður.
Hér komum við aftur að veikum punkti í stöðu heilsugæsluljós-
mæðra úti á landsbyggðinni. Það er með að halda þekkingu sinni við
og tileinka sér nýjungar í starfi.
Já fagleg einangrun er oft erfið og ég vil hér með nota tækifærið til
að hvetja LMFÍ til að draga þessa frábæru ffæðslufundi sem haldnir hafa
verið saman í námskeið 2-3 daga eða fræðsludaga í tengslum t.d. við
aðalfund eða á öðrum tíma árs svo sem í október. Og verði þetta árviss
atburður þar sem mætti til dæmis kynna okkur nýjungar inni á deild-
um — fæðingarstól, rúm, breyttan legutíma fæddra kvenna og yfirleitt
allt sem gæti komið okkur að gagni við undirbúning skjólstæðinga
okkar sem eiga eftir að fæða.
Þetta myndu án efa verða vel sóttir fundir þar sem einnig gæfist
tími til faglegrar umræðu um stefnu stjórnvalda í heilbrigðismálum,
t.d. fæðingarorlof o.fl. LMFI á þakkir skildar fyrir greinargóð erindi
í Ljósmæðrablaðinu sem þyrfti að koma oftar út.
Nú er það svo að ég er ljósmóðir með 2-ja ára nám í LMSÍ að baki
en starfa þó eins og ég drap á áðan á stöð H1 þ.e. þar sem situr einn
læknir og hef ég því breiðara baksvið en ljósmæður í þéttbýli. En í
dreifbýli þar sem hjúkrunarfræðingar fást ekki til starfa notum við
dreifbýlisreddingar. Ég sé t.d. um allan daglegan rekstur stöðvarinn-
ar, sótthreinsa áhöld, geri rannsóknir á þvagi og blóði, skipti á sárum,
sé um öll innkaup fyrir daglegan rekstur og borga reikninga. Auk þess
skipulegg ég starf stöðvarinnar út á við með samþykki læknisins og
sé um skólaheilsuvernd í 1.-9. bekk, 10 mánaða, 2-ja ára og 4-ra ára
skoðun, þroskapróf, allar ónæmisaðgerðir frá 3-ja mánaða til 15 ára
aldurs, heymarmælingar í skólanum, tannvemd og flúorskolun.
Þá skipulegg ég hópskoðanir, nú í maí t.d. krabbameinsleit í leg-
hálsi og brjóstum, komu sérfræðinga Heyrnar- og talmeinastöðvarinn-
ar, foreldrafræðslu og slökunarnámskeið ásamt með brjóstagjafa-
félagsskap.