Almanak Hins íslenska þjóðvinafélags - 01.01.1955, Side 40

vænn sjúkdómur, sem tekur áratugi til að þroskast,
og sennilega jafnlangan og erfiðan tíma, ef vinna
á bug á honum, er nú í hröðum vexti vegna út-
breiddrar þrælkunar við nautnalyf rauðra Indíána,
sem gengur út yfir skynsemi, hagsýni og skemmtun,
en er hættulaust ef það er skynsamlega notað. Hingað
til hafa aðeins örfáir vísindamenn gert sér grein
fyrir því, hver ósköp eru í aðsigi og flestir þeirra
telja sig hafa gert skyldu sina, þegar þeir hafa varað
almenning við, almenning sem daglega er varaður
við alls konar „ismum“, skordýraeitri og atóm-
sprengjum .... Fyrst og fremst verður að koma í
veg fyrir, að yngri kynslóðin taki upp hinar óhóf-
legu reykingar núlifandi kynslóðar. Því fyrr sem
menn útsetja sig fyrir hættuna, því meiri verður
hún, jafnvel fram á gamals aldur, og þvi fyrr sem
menn eru varaðir við, þess frekar má gera sér von
um árangur."
Við íslendingar höfum getið okkur gott orð fyrir
að hafa á tiltölulega skömmum tíma útrýmt ýmsum
sjúkdómum, sem öðrum þjóðum hefur gengið erfið-
lega að ráða við. Hér hefur verið útrýmt holdsveiki,
sullaveiki, taugaveiki og barnaveiki, og við erum á
góðum vegi með að útrýma berklaveiki.
Það væri hraparlegt, ef við þyrftum að lenda i því
sjálfskaparvíti að reykja okkur svo til óbóta að
þjóðin taki til að hrynja niður úr lungnakrabba-
meini, þegar lungnaberklarnir hafa verið sigraðir.
Slíkt væri hörmulegt sjáfskaparvíti.
Miklu frekar þyrftum við nú að hafa sama lagið á
eins og þegar hafizt var lianda gegn sullaveikinni:
Koina fræðslunni um skaðsemi sigarettanna inn i
börnin í barnaskólunum og reyna með öllu móti að
koma í veg fyrir, að þau byrji nokkurn tíma að
reykja. í öðru lagi þarf almenningsálitið gagnvart
reykingum að breytast. 1 stað þess að þykja fínt að
reykja, þurfa menn að læra að líta á reykingar eins
(38)