Almanak Hins íslenska þjóðvinafélags - 01.01.1955, Blaðsíða 88

radarstöðvar á Heiðarfjalli á Langanesi. Unnið var
að byggingu félagsheimils í Kelduhverfi. Unnið var
að sundlaugarbyggingu á Húsavík. Hafinn var undir-
búningur að Iagningu hitaveitu til Húsavíkur frá
hverunum í Reykjahverfi. Unnið var að félagsheimili
Mývetninga á Skútustöðum. Laxárstöðin nýja var
vígð 10. okt. Framleiðir hún 9 400 kilówött. Á Yzta-
felli i Kinn lét S. í. S. reisa minnismerki um stofnun
samtakanna. Hafin var kirkjubygging á Svalbarði á
Svalbarðsströnd. LTnnið var að undirbúningi að
hinum nýja flugvelli í óshólmum Eyjafjarðarár. Hin
nýja endurvarpsstöð við Akureyri tók til starfa i
í janúar. Fjórðungssjúkrahúsið á Akureyri tók
til starfa 15. des. Landsbankahúsið á Akureyri var
fullgert. Enn var unnið að sundhöll á Akureyri og
að þvi að fullgera heimavistarhús Menntaskólans.
Nýr knattspyrnuvöllur var gerður á Akureyri. Haf-
in var bygging kirkju á Dalvik. Enn var unnið að
byggingu gagnfræðaskólahúss á Siglufirði. Þar var
lokið byggingu frystihúss. Unnið var að stækkun
Skeiðfossstöðvarinnar. Enn var unnið að þvi að full-
gera barnskólahúsið á Hofsósi. Kirkjan í Gröf á
Höfðaströnd, elzta kirkja landsins, var endurbvggð
og vigð af biskupi. Unnið var að byggingu póst- og
simahúss á Sauðárkróki. Þar var og lokið byggingu
félagsheimilis. Hitaveita Sauðárkróks tók til starfa
snemma á árinu. Nýtt slátur- og frystihús tók til
starfa á Sauðárkróki. Stór fjárrétt var byggð í
Staðarhreppi. Minnisvarði um Stephan G. Step-
hansson var reistur á Arnarstapa í Skagafirði. Var
hann afhjúpaður 19. júlí að viðstöddu fjölmenni, og
var m. a. dóttir skáldsins, sem komið hafði með
flokki Vestur-íslendinga frá Ameríku, viðstödd.
Unnið var að byggingu sjúkrahúss á Blönduósi.
Miklar umbætur voru gerðar á húsmæðraskólahús-
inu þar. Sundskáli var fullgerður á Reykjum í A-
Hún. Félagsheimili var reist í Bólstaðarhlíðarhreppi.
(86)