Almanak Hins íslenska þjóðvinafélags - 01.01.1951, Side 74

Hafin var viðbótarbygging við útvarpsstöðina á Vatns-
endahæð. Mikið var unnið að gatnagerð í Rvik. Var
Lækjargata breikkuð mikið frá Lækjartorgi að Miðbæj-
arbarnaskóla. Sett voru upp umferðaljós allviða á
gatnamótum og steyptir allmargir stórir ljóskera-
stöplar. Mikið var einnig unnið að holræsagerð í Rvík.
Var m. a. í Laugarneshverfi gert mesta holræsi, sem
lagt hefur verið á íslandi. Nokkuð var unnið að iþrótta-
svæðinu i Laugardal við Rvík og ýmsar umbætur gerð-
ar á sjóbaðstað Reykvikinga i Nauthólsvik. Allmikið
var unnið að fegrun Reykjavíkurbæjar. Haldin var
glæsileg Reykjavikursýning í nóvember og desember
til að sýna framkvæmdir og framfarir i Reykjavikur-
bæ á undanförnum áratugum. Sóttu hana meira en
50 000 manns.
Mikið var um framkvæmdir á vinnuheimili berkla-
sjúklinga i Reykjalundi. Háspennulina var lögð út á
Kjaiarnes. Talsvert var um framkvæmdir i Hafnar-
firði. Var m. a. unnið þar að byggingu elliheimilis og
verkamannabústaða. Lögð var ný vatnsveita úr Ivald-
árbotnum til Hafnarfjarðar. Einnig stóð Hafnarfjarð-
arbær að allmiklum framkvæmdum í Krýsuvík. Lokið
var byggingu sjúkrahúss í Keflavík og unnið að bygg-
ingu barnaskólahúss þar. Mikið var um ýmislegar
framkvæmdir á Keflavíkurflugvelli. Tók þar til starfa
í april mikið gistihús. Unnið var að vatnsleiðslu í
Sandgerði. Talsvert kvað að ýmsum framkvæmdum í
Þorlákshöfn. Unnið var að byggingu heimavistarskóla
aðventista á Vindheimum í Ölfusi. 'Á Ljósafossi var
enn unnið að byggingu heimavistarskólahúss. Á Laug-
arvatni var unnið að byggingu nýs skólahúss og fleiri
framkvæmdum. Hinn nýi héraðsskóli á Skógum undir
Eyjafjöllum var fullgerður og tók til starfa um haustið.
Allmikið var um framkvæmdir i Vestmannaeyjum.
Hinni nýju rafstöð þar var nú lokið að fullu. Ýmsar
umbætur voru gerðar á flugvellinum þar. Unnið var
að byggingu gagnfræðaskólahúss og stórt gistihús reist.
(72)