Almanak Hins íslenska þjóðvinafélags - 01.01.1995, Qupperneq 150

Stykkishólmi eftir að hafa tekið niðri á skeri. Fimm skip-
verjum var bjargað. - 17. marz fórust tvær trillur, Akurey
AK134 og Markús AK42, við innsiglinguna í Akraneshöfn
og með þeim þrír menn. Óvænt ofsaveður varð sjómönn-
unum að fjörtjóni. - 27. apríl sökk netabáturinn Sæberg
AK200 út af Faxaflóa. Þremur mönnum var bjargað af
gúmbát, en tveir fórust. - Vélbáturinn Andvari VE100
sökk skyndilega 10 mflur út af Vík í Mýrdal 2. maí. Áhöfn-
in komst ekki í gúmbát en fór öll í sjóinn í flotgöllum. Eftir
20 mínútur kom Smáey VE til hjálpar og náðu skipverjar á
henni öllum mönnunum, níu að tölu, úr sjónum. Varð þeim
ekki meint af. - Handfærabáturinn Torfi ÍS brann suðvest-
ur af Malarrifi 8. júní. Tveir menn voru um borð og kom-
ust þeir í björgunarbát. Þeim var síðan bjargað um borð í
Haförninn AK. - 18. júní varð árekstur á miðunum út af
Tálknafirði. Plastbáturinn Svalan BA87 sökk eftir að hafa
rekist á Jón Júlí BA154. Einn maður var á Svölu og bjarg-
aðist hann í Jón Júlí. - 26. júlí sökk þriggja tonna trilla,
Nökkvi IS204, út af Vestfjörðum. Einn maður var á bátn-
um og komst hann í gúmbát. Honum var bjargað um borð í
Guðbjart IS eftir 30 tíma hrakning í gúmbátnum. - Rækju-
báturinn Dröfn IS44 strandaði við Tjaldtanga í Hestfirði 2.
desember. Tveir menn voru í áhöfn og komust þeir í land
með línu. Báturinn brotnaði í spón. - Bergvík VE505
strandaði í Vaðlavík norðan Reyðarfjarðar 18. desember.
Áhöfnin bjargaðist auðveldlega í land en skipið náðist ekki
út á árinu þrátt fyrir margar tilraunir.
Flugslys
Heimasmíðuð lítil flugvél hrapaði við Sandskeið 8.
ágúst. Flugmaðurinn beið bana.
Önnur slys
Hinn 27. marz drukknuðu tveir fjögurra ára drengir í
tjörn við bæinn Ósabakka á Skeiðum.
(148)