Ægir - 01.03.2002, Blaðsíða 10

10
V E I Ð A R F Æ R I
Helgi segir að sú tækni sem
Injector hlerarnir byggist á sé afar
sérstök og hana hafi margir aðrir
toghleraframleiðendur líkt eftir.
Hins vegar hefur Injector einka-
rétt á þessari tækni. Injector hóf
fyrst framleiðslu á sínum hlerum
fyrir fjórum árum, en hugmyndin
að þeim er nokkru eldri. Flug-
vélaverkfræðingur hannaði Inject-
or hlerann og hugmyndina sótti
hann í flugvélarvæng.
Samanburðarverkefni
í Danmörku
„Það er mjög athyglisvert að þess-
ir toghlerar hafa fengið vottun frá
danska sjávarútvegsráðuneytinu,
sem þýðir að danskir kaupendur
hleranna fá endurgreidd 20% af
verði þeirra vegna þess hversu
umhverfisvænir þeir eru. Ástæðan
fyrir því að sjávarútvegsráðuneyt-
ið danska metur þessa toghlera
umhverfisvæna er að þeir dragi
verulega úr olíueyðslu og minnki
þar með mengun. Að sögn ráðu-
neytisins sýnir reynslan að skip
sem skipta úr hefðbundnum hler-
um og yfir í Injector hlera brenna
15% minna magni af olíu.
Óvenjuleg lögun hleranna gerir
það að verkum að þeir krefjast
mun minni togkrafts en ella.
Einnig eru þeir töluvert minni og
léttari en aðrir hlerar og fara því
betur með botninn en aðrir hler-
ar. Danska sjávarútvegsráðuneytið
komst að þessum niðurstöðum
með því að kaupa og prófa Inject-
or toghlerana ásamt öðrum gerð-
um toghlera á báti frá Hirtshals í
Danmörku. Starfsmaður ráðu-
neytisins var um borð og skráði
niðurstöður úr þessu þriggja
mánaða samanburðarverkefni. Og
út úr þessu kom sem sagt vottun
um að Injector hlerarnir væru
mun umhverfisvænni en aðrir
hlerar og það ég best veit eru
engar aðrar gerðir toghlerar sem
geta státað af slíku,“ segir Helgi.
Um borð í nokkrum hérlend-
um togurum
Helgi segir að þegar fyrstu Inject-
or toghlerarnir hafi verið fluttir
inn árið 1999 hafi þeir ekki verið
að fullu hannaðir, en nú virki þeir
mjög vel og æ fleiri gefi þeim
gaum. Eins og áður segir eru
hlerarnir framleiddir í Færeyjum,
nánar tiltekið í Vági á Suðurey.
Markaðs- og söluskrifstofa er hins
vegar í Esbjerg í Danmörku.
Nánari upplýsingar um hlerana er
að hafa á slóðinni www.injector-
door.com .
„Af íslenskum skipum sem hafa
svona hlera get ég nefnt rækju-
skipið Sólbergið ÓF, sem hefur
verið með þá í um eitt ár. Einnig
vil ég nefna að Júlíus Geirmunds-
son ÍS er kominn með Injector
hlera og þeir eru nýlega komnir
um borð í Vestmannaey og sömu-
leiðis Frosta frá Grenivík,“ segir
Helgi og bætti við að það segði
sína sögu að Injector væri um
borð í bróðurparti skipa Royal
Greenland.
Nýtt fyrirtæki um Injector
toghlerana
„Við erum að stofna nýtt fyrir-
tæki um sölu á hlerunum með
Injector, sem verður hér í sama
húsi og Ísgata. Eftir sem áður
verður Ísgata með sölu á ýmsum
búnaði og varahlutum í fiskiskip.
Ég reikna með að þetta nýja sam-
starfsfyrirtæki um toghlerana
verði formlega stofnað núna í apr-
íl,“ segir Helgi Þórarinsson.
Ísgata hefur umboð fyrir Injector toghlerana hér á landi:
Fengu umhverfisvottun
í Danmörku
„Þessir toghlerar, sem eru fyrir stóra jafnt sem
litla togbáta á bolfiski eða rækju, eru færeyskir
og við byrjuðum að kynna þá hér á landi árið
1999. Nú er tekinn að færast kraftur í söluna,“
segir Helgi Þórarinsson, framkvæmdastjóri hjá
Ísgata í Reykjavík, sem hefur umboð fyrir
Injector toghlerana.
Helgi Þórarinsson, framkvæmdastjóri Ísgata, stendur hér við Injector toghlera.
Mynd: Sverrir Jónsson.