Ægir - 01.03.2002, Síða 44

44
Það er samnefnt útgerðarfyrir-
tæki í Vestmannaeyjum sem gerir
Stíganda, sem er 1448 brúttó-
tonna togskip, út. Ráðgarður
skiparáðgjöf ehf . hannaði skipið -
Bolli Magnússon, Daníel Frið-
riksson, Haukur Óskarsson og
Grímur Sigurðsson. Rafkerfis-
hönnun var í höndum Guðjóns
Jónssonar. Arkitekt var Guðrún
Guðmundsdóttir. Um val á vél-
búnaði og samskipti við skipa-
smíðastöð sá Páll R. Sigurðsson.
Um eftirlit með smíði sáu Stefán
Geir Karlsson, Gunnar Stein-
grímsson, Ásgeir Guðnason,
Kristján Guðmundsson og Guð-
mann Magnússon.
Flokkunarfélag: Lloyd’s Regist-
er LR+100A1 Stern Trawler
+LMC ICE1D UMS.
Lengra og stærra skip en
samkvæmt upphaflegum
áætlunum
Stígandi er 53,95 metra langur
og 11,20 metra breiður. Dýpt að-
alþilfars er 5,20 m, efra þilfar
8,00 m. Frystilest -55C er um
100 rúmmetrar. Kælilest/frysti-
lest 0/-30C um 870 rúmetrar.
Olía um 250 rúmmetrar. Fersk-
vatn um 50 rúmmetrar. Fiskmót-
taka um 30 rúmmetrar.
Gerður var smíðasamningur
um skipið þann 1. maí 1999 og
því hefur meðgangan verið nokk-
uð löng. Til þess liggja ýmsar
ástæður. Í mars í fyrra sökk Stíg-
andi við bryggju í skipasmíða-
stöðinni og í kjölfar þess óhapps
var ákveðið að breyta hönnun
skipsins og lengja það úr 42
metrum í 54 metra. Þetta tafði að
sjálfsögðu afhendingu skipsins
um marga mánuði. Og hér heima
varð útgerðarfélagið Stígandi fyrir
miklu áfalli á síðasta ári þegar
skip þess, Ófeigur VE, sökk út af
Suðurlandi. Í kjölfar þess hörmu-
lega slyss var frá því horfið að
gefa nýja skipinu nafnið Ófeigur
VE en þess í stað ber það nafn út-
gerðarfélagsins.
Þann 18. mars sl. kom nýjasta skip íslenska fiskiskipaflotans, Stígandi
VE 77, til heimahafnar í Vestmannaeyjum eftir siglingu frá Guanzhou í
Kína þar sem skipið var smíðað í Huangpu Shipyard skipasmíðastöð-
inni. Það var Guðmann Magnússon sem var í brúnni á leið skipsins til
Íslands, en hann verður áfram skipstjóri Stíganda á Íslandsmiðum.
Nýtt og glæsilegt skip bætist í flota Eyjamanna:
Tel okkur vera með
gott skip í höndunum