Freyr - 15.09.1979, Side 12

Landbúnaðarráðherra Steingrímur Hermannsson
flutti ítarlega ræðu.
tyrst á síðasta hausti, svonefndur stjörnu-
flokkur og offituflokkur. Kvað hann mikið
verk óunnið í því sambandi, þ. á m. að kenna
neytendum að velja kjöt og meta réttilega.
Að lokum fjallaði erindrekinn um hina nýju
reglugerð um stjórnunaraðgerðir á fram-
leiðslu búvöru, skýrði frá þeim breytingum,
sem á henni höfðu orðið eftir aukafund
Stéttarsambandsins, og taldi þærtil bóta og
gefa kost á einfaldari framkvæmd, en ekki
síður markvissri.
4. Ræða landbúnaðarráðherra.
Steingrímur Hermannsson, landbúnaðar-
ráðherra, lýsti ánægju sinni yfir því að geta
ávarpað stéttarsambandsfundinn á því
tímamótaskeiði, sem nú væri í íslenskum
landbúnaði. Hann kvað öllum þjóðum vera
kappsmál að framleiða sjálfar búvörur til
eigin neyslu eftir því, sem unnt væri. Svo ætti
einnig að vera hér á landi og kveða niður
allar úrtöluraddir, sem ekki ætluðusttil þess!
Hér hefur löngum verið að því stefnt að
framleiða sem mest, en síðustu 3 árin hefur
útflutningur reynst óhagkvæmur vegna mik-
iilar verðbólgu hér á landi, stóraukinna
niðurgreiðslna erlendis og lækkandi verðs á
útflutningsvörum okkar.
Við myndun núverandi ríkisstjórnar var
viðurkennt að stefna skuli að því, að fram-
leiðsla búvara verði í meginatriðum við það
miðuð að fullnægja innanlandsneyslu. Ráð-
herrann rakti síðan þróun í sölumálum
bændasíðustu áratugi, setningu laga um út-
flutningsbætur árið 1961 og tryggingu þá,
sem þau áttu að veita bændum fyrir fullu
verði fyrir búvörurnar. Síðustu árin hefði sú
trygging ekki dugað án sérstakra viðbótar-
ráðstafana vegna verðbólgunnar, aukinnar
framleiðslu og einkum lækkandi verðs víða
erlendis.
Ráðherrann sagði, að margir bændur
teldu ekki nógu vel að markaðsmálum
staðið, en markaðsnefndin hefði þó unnið
vel og vandað til ýmissa tilrauna. Raunin
væri sú, að Nýsjálendingar réðu verði á
kindakjöti í heiminum. Hjá þeim væri fram-
leiðslan ódýr, en dilkakjötsframleiðslan í
nálægum löndum væri verðlækkuð með
margs konar styrkjum og niðurgreiðslum.
Þannig væri t. d. í Noregi smásöluverð um
þriðjungi lægra en verðið til bænda. Lítil von
væri um, að kjötverð erlendis yrði okkur hag-
stæðaraá næstu árum. Útlitið væri ekki betra
um útflutning mjólkurafurða, og ræddi ráð-
herrann sérstaklega ostaútflutning til
Bandaríkjanna.
Ráðherrann taldi nauðsynlegt, að bændur
breyttu um framleiðsluhætti að nokkru leyti,
drægju saman sauðfjárrækt og mjólkur-
framleiðslu, en efldu aukabúgreinar. Jafn-
framt þyrfti að tryggja bændum vissar tekjur,
meðan breytingar kæmust á, og koma í veg
fyrir, að byggðaröskun yrði af þessum
sökum. Landbúnaðurinn væri hornsteinn
búsetu í mörgum byggðarlögum, sem ekki
mættu fara í eyði. Til að tryggja þetta þyrfti að
breyta ýmsum lögum og gera nýjar ráðstaf-
anir.
Ráðherrann gerði síðan grein fyrir nýjum
lögum og reglugerðum, ervarða landbúnað,
og þá fyrst þeirri breytingu á fram-
576
FREYR