Freyr - 15.09.1979, Qupperneq 43

Ég hef verið tilnefndur í stjórn Lífeyrissjóð
bænda, í stjórn Samvinnuferða og í nefnd til
að kanna stöðu Stofnlánadeildarinnar.
Árni Jónasson í nefnd til að fjalla um
lausaskuldamálin og ýmislegt fleira.
•
Á síðasta ári var ákveðin gerð bréfhauss og
merkis fyrir samtökin, og er það burstabær
og felldir í stafna hans stafirnirS. B. Er merki
þetta teiknað af Jóni Kristinssyni, bónda í
Lambey, og þykir hið smekklegasta.
Bændafundir o. fl.
Mjög mikið hefur verið um bændafundi í vet-
ur og mættum við Árni á þeim nær öllum. Á
þessum fundum var einkum rætt um svo-
kallaða offramleiðslu búvara og aðgerðir til
stjórnunar á framleiðslunni. Komu margar
tillögur frá þessum fundum, og eru þær um
margt ósamhljóða og bera með sér þau
margbreytilegu sjónarmið bænda, er fram
hafa komið um þessi mál.
Margar þessara tillagna koma nú fyrir
þennan fund. Mjög væri æskilegt, að bænd-
ur lærðu það, að sambandið er málsvari
þeirra gagnvart stjórnvöldum og jafnframt,
að staða stéttarinnar væri miklu sterkari út á
við, ef einstakir bændur hættu að rægja
samtök sín og að vinna á bak við þau, en í
staðinn kæmu þeir sjónarmiðum sínum á
framfæri innan samtakanna og hlíttu síðan
meirihluta ákvörðunar þeirra um einstök at-
riði.
Ég hef beyg af því, að Stéttarsambandið
verði klofið niður í hagsmunahópa og
áhrifalitlar einingar, ef svo fer fram sem verið
hefur undanfarin tvö til þrjú síðustu ár um
þetta efni.
Stjórn sambandsins hefur rætt um, með
hvaða hætti mætti bæta nýtingu innlends
búvörumarkaðar frá því, sem verið hefur. í
því sambandi hefur verið farið fram á breyt-
ingu reglugerðar um kvöldsöluverslanir á
þann veg, að leyft verði að selja þar mjólkur-
vörur, a. m. k. þær geymsluþolnu.
Von er til, að einhver árangur verði af
þessari viðleitni, þó seint gangi.
Þáhefurverið rætt, hvortsláturhúsin gætu
ekki gert meira til að selja kjöt og slátur í
sláturtíðinni með markaðsfyrirkomulagi.
Ákveðið hefur verið að gefa út bækling til
að kynna landbúnaðinn. Væri hann einkum
ætlaður til dreifingar í skólum og þá sér-
staklega á meðal nemenda í framhaldsnámi.
Mikil vinna var lögð í það í vor að greiðafyrir,
að undanþága fengist fyrir flutning kjarn-
fóðurs til landsins og um landið á verkfalls-
tímanum frá því í apríl fram í júnímánuð í vor.
Kjarnfóðurþörfin var mikil á þessum tíma
og meiri en venja hefur verið vegna vor-
harðindanna. Hafísinn truflaði flutninga til
Norðurlands vikurnar fyrir verkfallstímann.
Því varð þetta enn stærra mál.
Tiltölulega gott samkomulag varð við
verkfallsaðilana um þetta og leystist það
vonum framar, að vísu með mikilli vinnu.
Vorharðindin.
Vegna vorharðindanna og til að gera tillögur
til úrlausnar fjárhagsvanda, er þau ollu, var
skipuð sérstök nefnd af landbúnaðar-
ráðherra.
Jón Guðmundsson á Óslandi var fulltrúi
sambandsins í nefndinni. Ingi Tryggvason
var formaður hennar.
Bráðabirgðatillögur hennar um fjár-
hagsaðstoð við illa stæða bændur komu
fram í júnímánuði.
Tillögurnar eru um það, að Bjargráðasjóði
verði útvegað fé til að lána illa stæðum
bændum vegna aukins fóðurkostnaðar í vor
að mati Búnaðarfélags íslands. Áætlað er af
nefndinni, að fjárþörfin sé allt að 450 millj-
ónir króna og auk þess 30—40 milljónir til
heyflutningastyrkja. Þá er gert ráð fyrir, að
sjóðurinn bæti afföll af búfé að venju með
eigin fé.
FREYR
607