Freyr - 15.09.1979, Qupperneq 79

Kynnisferð til N.-Ameríku
Peir Hjörtur E. Þórarinsson bóndi á Tjörn í
Svarfaðardal, Ólafur R. Dýrmundsson land-
nýtingarráðunautur Búnaðarfélags íslands
og Þorsteinn Tómasson jurtaerfðafræðing-
ur, Rannsóknastofnun landbúnaðarins, eru
nýkomnir úr mánaðar kynnisferð um Norð-
ur-Ameríku. Til ferðarinnar hlutu þeir styrk
frá Independence Foundation í Bandaríkj-
unum, en Eisenhower Exchange Fellow-
ships sá um skipulagningu hennar. Ferðin
hófst í Philadelphia í lok maí, þaðan var
haldið til Washington og Maryland, en síðan
til Manitoba í Kanada, þar sem Vestur-ís-
lendingar greiddu götu þeirra þremenninga.
Frá Kanada lá leiðin til Colorado og um
Klettafjöll, en síðan var haldið vestur að
Kyrrahafi. Frá San Fransisco var flogið til
Alaska og ferðast allt norðurtil Fairbanks. í
Alaska og reyndar víðar var hugað að jurtum
sem hentað gætu íslenskum aðstæðum. Auk
heimsókna á fjölmörg bændabýli, til-
raunastöðvar og búnaðarháskóla var farið
um þrjá þjóðgarða til að kynnast skipu-
lagningu þeirra. Móttökur voru alls staðar
prýðilegar og telja þátttakendur ferðina hafa
tekist mjög vel.
ísland í næstefsta sæti, þrátt fyrir
allt.
Eins og oft hefur komið fram í fjölmiðlum fer
mjólkurneysla minnkandi hér á landi. Hver
íslendingur drakk í fyrra 113 lítrum minna að
meðaltali en tíðkaðist 1960, fyrir 19 árum. Þó
eru íslendingar í öðru sæti meðal þjóða í
mjólkurneyslu, með 225 I að meðaltali 1978.
1977 var neyslan 277 I, en 1960 338 I. Finnar
drekka mesta mjólk, 242 I, þá íslendingar,
225 I, írar 208 I, og Norðmenn 178d.
Smjörneyslan fer líka minnkandi á íslandi.
1960 var hún 7.49 kg, 1975 6.91 kg og 1978
6.75 kg. Norðmenn borða þó minna smjör
eða 5.1 kg á mann. Mestir smjörbítir eru Ný-
sjálendingar. Þeir hljóta að smyrja þykkt, því
þeirbrúkuðu 14.4 kg af smjöri hvermaðurað
jafnaði í fyrra.
Ostaneysla okkar íslendinga fer vaxandi,
því sífellt fjölgar þeim gómsætu ostategund-
um, sem íslensk mjólkurbú framleiða. Við
borðum nú 6.27 kg af osti, en ekki er það
mikið í samanburði við t. d. Norðmenn, sem
borða 11 kg, hvað þá Frakka, mestu ostaætur
í heimi. Þeir borða 17 kg af osti á ári. Er
alkunna, að Fransrnenn kneyfa mikið af létt-
um vínum, og líklega er það skýringin á því,
hvað þeir drekka litla mjólk, aðeins 76 lítra á
mann. Og í Vestur-Þýskalandi, þar sem
meðalneyslan er ekki nema 70 lítrar, er lík-
lega þýska bjórþorstanum um að kenna.
Meðalsmásöluverð á kjöti í Bret-
landi í maí sl. umreiknað í ísl. kr. pr.
kg.
Nautakjöt (breskt) ....................Kr.
Hryggur (beinlaus) .................. 3.160
Afturpartur ......................... 3.698
Lambakjöt (breskt)
Læri og bógur ....................... 2.460
Rifjasteik (kótelettur) ............. 2.696
Bringukollur .......................... 820
Herðastykki ......................... 1.726
Lambakjöt (innflutt)
Læri og bógur ....................... 1.852
Rifjasteik (kótelettur) ............. 1.846
Bringukollur .......................... 528
Herðastykki ......................... 1.194
Svínakjöt
Læri og bógur ....................... 1.380
Rifjasteik (kótelettur) ............. 1.836
Magáll .............................. 1.112
Kjúklingakjöt
Nýtt/kælt ............................. 625
Frosið ................................ 287
Heimild: Meat Trades Journal.
FREYR
643